Cole Cole 好用推薦：個人覺得一半一半，秋冬天氣乾燥時用非常好，好保濕，都唔覺得黐立立，但係如果夏天用，就算開冷氣，都會覺得好油膩，黏黏地，可能防止水份被吸乾，所以有少少保濕的作用，但係並非皮膚深層保濕嘅感覺。用完唔打算再買。

robinsbk好用推薦：見到呢隻sleeping mask評價咁差好想幫佢平反下🥲不過我都明skin care啱唔啱同效用呢啲真係好因人而異 Kiehl’s呢隻sleeping mask我係由2018年開始用，一直回購到而家！急救一流！懶人必備！已經用咗4-5晏🥹 首先講下我膚質：大乾肌！有時係乾到連夏天夜晚敷完mask起身都會甩皮嗰隻乾 我記得第一次用佢，一上面吉到傻以為係敏感，但因為我試過之前好乾嗰陣一搽好保濕嘅嘢都會吉吉哋，咁我就照俾啲時間佢，過咗陣就無咁吉。用咗幾年之後，間唔中一搽都會有好輕微嘅吉吉哋，但就覺得佢係好急救地pump水落我皮膚底層咁🥹 同埋一開頭我都唔識敷sleeping mask，起身嗰陣痴到個枕頭啊頭髮啊周圍都係🤣跟住我上網睇人哋點用，咁所以之後我每次用就會咁：沖完涼➡️Toner➡️厚敷呢隻sleeping mask同時輕輕打圈幫助吸收➡️敷到我臨瞓嗰刻用紙巾輕輕印走多餘嘅product(如果都係驚整污糟可以用紙巾隔住塊面同個枕頭嚟側瞓🤣)➡️第二朝用水洗走就會feel到好保濕好滑！最重要係懶人必備 夜晚可以skip走哂其他skincare routine🤣但唔可以日日都咁，一

Hamiii好用推薦：好有驚喜既精華🫶🏻 呢支精華本身係gel狀，搽落去一d都唔黏立，吸引得非常快，而且會在皮膚表面形成一層薄膜，皮膚表面變得好滑溜🫶🏻 但當然，佢本身只有保濕功能，留番沖完涼搽，再敷張面膜就very good 😌

940727.0好用推薦：依款精華搽落質地似gel狀,好適合吾中意黐立立嘅人。 高效保濕精華，有效改善粗糙暗啞膚質。

A&R好用推薦：Kiehs 呢支磨砂潔面啫喱好好用，質地好潔嘅啫喱，唔係稀的啫喱，有少少難推開，會令到你洗面嘅時間長咗，洗面嘅時候要捽耐少少，磨砂的感覺越明顯，洗完之後塊面好乾淨，好清爽都仲好滋潤。美白嘅效果見不到，但係清潔效果很好，推介使用。

貓餅好用推薦：幾方便好用的一支洗面+磨砂，擠出來是透明帶點微細磨砂粒子洗面液，濕面後，在面上打圈，在鼻子，下面巴，角質比較厚的地方再仔細打圈，一邊洗面同時一邊去角質，磨砂粒子十分幼細，不會傷害到皮膚，用完後皮膚即刻感到很乾淨，不過因為磨砂的關係，一星期最多用兩次，其餘日子就用普通的洗面乳吧，不錯，很方便

Cole Cole 好用推薦：眼霜效果唔錯，一擦落去好快吸收，好絲滑。第二日已見到有效果，冇出油脂粒。會買正貨繼續用。

維他他好用推薦：成日覺得眼霜可有可無，因為搽面霜嗰陣我會搽埋，冇咁細分眼同面，而且之前試好多眼霜都覺得冇乜效，但今次Kiehls呢個有驚喜，用左一段時間眼紋真係少左，淡左，而且吸收好快唔會有油脂粒，唔錯

A&R好用推薦：曾經有一段時間皮膚好似泛紅，有少少發炎出紅根嘅感覺，所以買咗金盞花面膜諗住可以改善一下，用咗之後皮膚真係改善咗，舒緩咗，少咗泛紅嘅情況，之後就少咗用，主要針對皮膚發炎或者敏感嘅情況先用，唔需要用得太密。

貓餅好用推薦：金盞花的舒緩面膜，好香的金盞花味，敷在面上很舒服，建議雪凍再厚敷，效果會更好，是可以鎮靜皮膚和保濕，舒緩泛紅，不錯的

Water好用推薦：呢款面膜上面會有一種清涼感覺，入邊有啲粒粒我會按摩當埋磨砂使用，用完之後明顯亮白有精神，仲有少少保濕功效添！

Yuki Chow好用推薦：去角質清潔面膜，天然成份，有少少磨砂，敷完後會發覺酒米粉刺清到，即時會見到亮白感，但如果皮膚比較薄，特別顴骨位置，就可能要避免，或者淨係敷T字位

haeyeress好用推薦：上次因為會員優惠而買左幾支Kiehl’s 既產品，其中一支就係Crema Corporal，沖完涼之後用左幾次，主要搽晒手手腳腳，感覺冇想像中咁油膩，反而好保濕，而且味道唔刺激。推！

takemyokane好用推薦：原本看包裝和顔色幻想是滋潤度極高的潤膚膏，打算留到歐洲或日本等乾燥地區旅行再用。第一次試用想不到質地是易推的 Cream 狀，吸收需時但也不至於想像中的笠，適合香港冬季使用。

msthea好用推薦：我覺得Kiehl‘s呢個潤唇膏中規中矩咁啦 唔算好潤，但又未至於好差 味道就一般啦，始終係天然冇添加香精 外型我覺得係設計得靚嘅 不過好容易撞花 呢張相係我啱啱買嗰時影，其實而家用咗一排 成個唇膏套個身都花晒 亦都有少少甩膠黐笠笠嘅感覺 太醜怪啦，因為佢呢個設計，所以我覺得有啲失望

jaye好用推薦：一搽就馬上滋潤，舒緩乾燥繃緊，修護雙唇，減淡唇紋，淡淡檸檬味道夠清新！而且仲有防曬！大愛之一！

940727.0好用推薦：小妹一向都係kiehl’s粉絲, 唔同嘅產品都試過. 今次就想同大家分享佢哋嘅美白面膜. 只係連續用七日皮膚明顯白左,有淡印效果👍🏻. #kiehl’s #面膜 #美白

Karman28好用推薦：我係連同同系列的精華使用既，面膜唔係超薄身果款，敷上面，覺得精華液很容易吸收。不過美白效果唔算好明顯。

Verna好用推薦：我很喜歡這品牌的特效保濕乳霜，是長期熱賣貨品之一，不過有時早上用，會覺得有點厚重 而這個保濕乳液就是那保濕乳霜的輕盈版，吱出來是白色的乳液，因為是乳液關係，很容易推開，皮膚也吸收得很快，搽完之後，皮膚表面好像有層保護膜，很有滋潤感，皮膚也變得很柔滑，不過如果是偏油肌在春夏天用，可能會覺得有點黏笠

HE1DY好用推薦：米白色的乳液，一搽就化成透明液體狀，水感十分豐盈。水盈透亮潤澤肌膚，搽後皮膚明顯感清涼，皮膚也更緊緻。適合所有肌膚狀態使用。