Kiehl's 好用推薦產品

莓莓好用推薦：Hello姊妹～今日同大家傾下Kiehl's呢枝牛油果眼霜，我用咗一排，真心想同你哋分享下感受。唔好俾佢個綠色膏狀嚇親，其實用啱方法係幾好用的！等我一五一十同你講下啦～ 質地係點？ 佢係一pat綠色嘅膏狀，望落好似幾「笠」咁，但其實係fake！ 重點：一定要乳化！ 你記住，唔可以就咁一「pat」啪上眼！要用手指捽到佢變透明、變水狀先得。如果唔係，你會推到成眼都係，仲要起擦膠碎，最慘係生油脂粒，到時真係喊都無謂。 用完咩感覺？ 老實講，乳化咗之後係好滑好舒服，feel到眼周飲飽水，乾紋淡咗，上妝都順啲。但你要記住，佢淨係保濕咋，黑眼圈、皺紋呢啲，佢真係搞唔掂。 啱邊個用？ 如果你係年輕肌、眼周冇乜大問題、淨係想保下濕，咁呢樽幾適合你。但如果你係想抗衰老、去眼圈，咁就唔好揀佢喇。 評分（🌟=1分，滿分5分）： 保濕滋潤度：🌟🌟🌟🌟🌟 呢樣真係冇得輸，乳化後飲飽水，乾紋即時淡咗。 去黑眼圈：🌟 基本係0，唔好FF佢做到任何嘢。 去皺/抗衰老：🌟🌟🌟 對乾紋有少少幫助，但真皺紋、鬆弛就搞唔掂。 易用度：🌟🌟 要乳化好麻煩，趕時間或者懶起上嚟真係會 skip。 性價比：🌟🌟

Emily Leung好用推薦：我會無限回購🥑科顏氏牛油果眼霜 像我們經常玩手機的姐妹們，眼周肌膚出現暗沈乾燥的！！！眼周長細紋的，給我閉眼衝這一款眼霜就可以了！本人用空好幾罐了，無限回購中！ 牛油果的顏色真的很特別，而且質地真的跟雪糕一樣絲滑！🥑打開來的話是一股濃濃的牛油果香味，裡面主要富含牛油果精華➕乳木果精華。 用之前記得用指腹乳化一下再在眼周推開，這款眼霜真的很好吸收，而且吸收完之後皮膚超級潤滑不油膩，可以適當得按摩放鬆眼部，別提多舒服了！ 女孩子要要對自己好一點，因為眼周這一塊比較脆弱也是最暴露年齡的一塊！眼霜選對，事半功倍哦！

Desse好用推薦：醫學高效保濕精華 這精華..可圈可點.. Sogo感謝祭總會附贈.. 但我每次用完都唔會回購..🪻 Kiehl’s 醫學高效保濕精華 成份有3效保濕因子 有效改善粗糙膚質及乾紋，促進肌膚透明質酸再生，令肌膚回復柔滑細緻、持久鎖水保濕及提升肌膚彈性。 質地非常清爽💡 上臉秒吸收..半分黏立感都唔會有.. 低敏..即時紓緩紅敏乾燥皮膚💡 就算搽喺刺痛緊嘅皮膚.. 都唔會覺得刺激痛.. 反而可以形成一層膜.. 令敏感唔會加劇 🪻美中不足位…. 🪻水潤感覺唔持久 我都幾常出入乾燥國家.. 最近喺日本用.. 沖完涼單上toner+精華.. 打算過一陣敷mask.. 但半個鐘左右己經感覺臉部明顯變乾.. 鎖水度不足🪻 🪻功效單一 只有保濕用途.. 佢為專櫃品牌.. 功效稍嫌單一..cp值唔高

maylam好用推薦：質地幾特別 有少少似霧面嘅啫喱狀咁 一搽開會有少少爆珠感 但又唔太有保濕嘅感覺 上面存在感都比較強 膚感一般

A&R好用推薦：Kiehs 呢支磨砂潔面啫喱好好用，質地好潔嘅啫喱，唔係稀的啫喱，有少少難推開，會令到你洗面嘅時間長咗，洗面嘅時候要捽耐少少，磨砂的感覺越明顯，洗完之後塊面好乾淨，好清爽都仲好滋潤。美白嘅效果見不到，但係清潔效果很好，推介使用。

Kura好用推薦：磨砂粒子嘅質地唔會好大粒，用上臉都好舒服，泡泡清潔得好乾淨，用完皮膚白皙

Ceccinmydin好用推薦：Kiehl's 氨基酸洗髮水用過小樣後一試愛上，個人已多次回購👍🏻 佢係透明啫喱狀，好易起泡，搓兩下就有好多泡泡，洗起上嚟好溫和，完全唔刺激頭皮，感覺好舒服🥰 帶有椰子香味，聞落好自然唔會假，洗完頭之後都有淡淡香味留住，心情都好啲 用完覺得頭皮好乾淨，油膩感即刻冇晒，不過髮尾有少少乾，要用返護髮素保濕 我自己頭皮偏油，感覺清潔力啱啱好，洗完頭髮摸落去幾滑，唔會打結，吹乾之後都幾順

Water好用推薦：呢枝洗頭水係贈品常客，每年生日禮物都有佢，唔好以為咁樣代表佢唔好用，相反佢潔淨力好夠，泡沫又細緻；游完水用呢枝洗頭可以好容易洗乾淨泳池水嘅殘流物質，而且有淡淡椰子味，非常討好。油頭皮如我用完會覺得好清爽，唔好處係洗完啲頭髮會有乾澀嘅感覺，要用番比較滋潤嘅護髮素去平衡番！

Emily Leung好用推薦：Kiehl's 牛油果面膜 真．用家測評 一打開個罐，嘩！真係好似將啲新鮮牛油果撻爛咗咁，係好濃稠、好實在嘅膏狀，一啲都唔流質。顏色就係靚靚嘅牛油果綠色，睇落幾天然。 · 優點： 質地夠「杰身」，敷上臉唔會滴到周圍都係。 · 缺點： 好難挖！用手指挖嘅時候，感覺有啲「韌」，要好用力。而且唔係咁易推開。 使用方法： 呢個係成個過程嘅關鍵！如果你就咁搽上塊面，你會覺得「黐孱孱」，一嚿嚿咁，仲會扯住塊面好唔舒服。 正確步驟係： 1. 用隻乾淨嘅手（或者附送嘅小刮棒）挖取適量，放入掌心。 2. 用兩隻手指（手指公唔該）將佢慢慢「捽」，利用掌心溫度同少少力度，將佢乳化。 3. 你會見到佢由一嚿嚿綠色膏體，慢慢變成幼滑、帶少少油潤感嘅乳霜狀。呢個時候先好上臉！ 4. 均勻敷上臉，厚度大概遮到本身膚色就OK。 使用感受： · 上臉時： 乳化之後上臉，感覺即刻順滑好多，好推唔拉扯。有陣好清淡嘅牛油果/植物味，唔係好人工嗰種。 · 敷緊時： 感覺好滋潤，但唔會焗身。如果你塊面好乾，初頭可能會有少少「拮拮地」嘅感覺，好正常，表示你塊面真係好缺水。 · 沖洗時： 呢個又係另一個難點

莓莓好用推薦：Kiehl's牛油果面膜🥑 轉季皮膚突然變「碎紙機」？呢罐牛油果膏絕對係急救專家！ 質地好玩到上癮 挖出嚟似黏土，搓兩下即刻化開成絲絨cream！ 我鍾意厚敷十分鐘，個過程似幫塊面做spa～ 換季實測威力 上個月轉天氣鼻翼甩皮到似壁畫剝落， 用佢連續敷三晚，竟然馴服到啲死皮！ 保濕力似飲龜苓膏咁「涼浸浸」又潤澤， 仲要係天然植萃配方，敏感肌都安心攬實。 暗藏驚喜位 ✔️ 洗嗰陣用濕化妝棉抹走，順便帶走埋角質 ✔️ 凍藏後用即刻降紅，夏天暴曬後必備 ✔️ 乾到繃緊時敷完，毛孔睇落飽滿咗 溫馨提示 ✿ 油痘肌敷完要認真洗淨，避免閉口 ✿ 一週用2次夠哂，過度修護會膩 #轉季牛油果療法 #Kiehl's面膜實測 #換季脫皮救贖 #廣東話護膚手帳 🥑

今晚11點你會做啲乜嘢呀？好用推薦：年過30 ，女友問我幾時先用得晒佢之前買俾我嘅呢支野，用咗都四五年，換咗都四五支，今次呢支終於比我用到一半。 正如其他人所講，卒落塊面度好清涼，洗完面就覺得好似好清爽乾淨，但我覺得主要功用係比女友知道我有用佢買嘅嘢。 就係咁

Tiffany好用推薦：Gel cleanser，好易起泡，清潔力強。男士用後表示乾淨清爽，願意使用。

haeyeress好用推薦：上次因為會員優惠而買左幾支Kiehl’s 既產品，其中一支就係Crema Corporal，沖完涼之後用左幾次，主要搽晒手手腳腳，感覺冇想像中咁油膩，反而好保濕，而且味道唔刺激。推！

takemyokane好用推薦：原本看包裝和顔色幻想是滋潤度極高的潤膚膏，打算留到歐洲或日本等乾燥地區旅行再用。第一次試用想不到質地是易推的 Cream 狀，吸收需時但也不至於想像中的笠，適合香港冬季使用。

Sophia好用推薦：Kiehl's特效清爽保濕潔面啫喱首先包裝設計已值得一讚，開口很細而不會一下按壓出過量，因為大概1cm的少量已足夠～質地透明啫喱狀，加水輕輕搓揉就能產生豐富細緻的泡沫。 能溫和徹底清潔臉部污垢和多餘油脂，洗後清爽不緊繃，混合偏油肌的我覺得非常好用，沒有黏膩感，夏天使用尤其適合，洗完臉後感覺特別清爽乾淨，有效提升肌膚透明感，讓皮膚看起來更健康透亮✨️✨️✨️

Milo101好用推薦： 🌟普通潔臉功能 🌟潔臉的控油效能對我來說不太明顯 🌟個人覺得，同系列的面霜，控油功效比較優勝

msthea好用推薦：用左Kiehls呢支醫學雙維他命C抗氧亮活精華差不多一個月 佢話可以改善毛孔、皮膚暗啞同細紋 老實講，我就唔係好見到效果啦佢質地係比較潤厚，比較適合秋冬，因為實在唔太清爽 但係每次一搽上面，都會有少少刺痛嘅感覺 唔知呢啲係咪就係所謂嘅效果😅 因為好多人都話維他命C係會有咁嘅感覺 個人覺得秋冬用都還可以，不過就沒有顯著效果 如果春夏季就唔太推薦用呢個了

takemyokane好用推薦：産品兼顧色調和質感護理，特點是保濕而不粘膩，讓肌膚呈現出從底層散發的自然光澤，更有助於減少紫外線傷害。可以早晚使用，質地順滑、濕潤。推薦給想要擁有零瑕疵皮膚的人。 #逆齡護膚品分享

Water好用推薦：呢款面膜上面會有一種清涼感覺，入邊有啲粒粒我會按摩當埋磨砂使用，用完之後明顯亮白有精神，仲有少少保濕功效添！

Yuki Chow好用推薦：去角質清潔面膜，天然成份，有少少磨砂，敷完後會發覺酒米粉刺清到，即時會見到亮白感，但如果皮膚比較薄，特別顴骨位置，就可能要避免，或者淨係敷T字位