Kiehl's 好用推薦產品

940727.0好用推薦：我覺得味道有啲怪，但係質地比較潤身,乾燥嘅時候用會保濕好多。 

Jane1111好用推薦：呢隻lip balm 我幾中意～除咗夠滋潤以外，我仲好中意呢隻lip balm陣味好香但又唔會太濃“～我會臨訓前用

Kmggigi好用推薦：Kiehl’s Ultra Facial Toner — 清爽保濕，溫和易吸收！✨ 質地: Kiehl’s Ultra Facial Toner係乳白色液體質地， 高流動性，使用時非常輕盈易推開， 搽喺面上感覺清爽不黏膩，仲可以快速被皮膚吸收， 無需等待太耐，非常適合日常護膚程序。 配方: 佢嘅配方溫和，唔含酒精，能夠有效舒緩肌膚， 適合乾性、混合性甚至敏感肌嘅多種膚質使用。 喺保持肌膚水潤同時，亦唔會帶來任何刺激感，非常好👍🏻 效果: 呢款爽膚水能夠為肌膚提供即時嘅補水效果， 令皮膚保持柔嫩水潤。配合後續護膚步驟， 例如精華或面霜，效果更加顯著，幫助鎖住水分， 令肌膚全天候保持清爽滋潤。 總結：清爽易吸收，完美日常補水之選 Kiehl’s Ultra Facial Toner以輕盈質地、快速吸收同溫和配方，成為一款非常好用嘅日常爽膚水。 無論係清潔後平衡膚質，抑或為後續護膚作準備， 佢都能提供足夠嘅保濕同舒適感。 如果你追求一款簡單高效、清爽唔黏膩嘅爽膚水， 呢款值得一試！✨

Kitty 好用推薦：首先，佢嘅質地係乳白色水狀，搽上臉嗰陣好滑溜，而且吸收得超快，唔會黐立立或者留低嗱嗱纏嘅感覺。我通常用化妝棉輕輕抹全面，有時皮膚特別乾的話，就會濕敷幾分鐘，即刻覺得塊臉飲飽水咁，好軟熟！ 成分方面，佢主打保濕同舒緩，冇酒精成分，所以就算我皮膚幾敏感嘅時候用，都完全冇刺痛或者敏感，反而覺得好鎮靜，泛紅情況都有改善。 最鍾意係佢嘅保濕力真係夠持久，用完之後再搽精華同面霜，覺得吸收得好啲，成個妝容都貼服好多！尤其而家開冷氣瞓覺，第二朝起身塊臉都依然水潤，冇平時咁繃緊。 總括來講，Kiehl's呢支爽膚水真係抵讚！適合乾肌同混合肌，甚至敏感肌嘅朋友都可以試吓。價錢中等，貨裝容量幾大支，耐用又實惠。強烈推薦俾各位保濕控！

Poyobb好用推薦：佢叫做金盞花潔面泡沫，但其實係透明gel狀，茶花味，佢嘅味道令我洗面時感到好relax🛁 起泡量適中，輕盈質地泡沫，洗面溫和，沖乾淨後唔會啜手，溫和嘅潔面產品都有類似嘅效果🥚 比同系列嘅爽膚水好用好多。保濕度好，用完感到皮膚嫩滑，任何季節都啱用。就算敏感泛紅皮膚都用得。 成熟皮膚開始注重穩定皮膚狀態，温和產品更適合，依枝潔面相信會再回購😊

dor.r好用推薦：一直都幾鍾意Kiehl’s呢個品牌，身邊嘅朋友都覺得佢哋嘅產品係幾有效果的👍🏻今次講吓呢支金盞花潔面泡沫🌼產品不含肥皂同酒精，可以舒緩泛紅敏感，保護皮膚屏障，不過我本身唔係敏感皮膚，所以呢方面感覺不大🫢佢有少少好天然嘅金盞花香味，我用大概五毫子嘅份量加水起泡，雖然不含肥皂但起嘅泡泡都算多，泡沫不算綿密🫧好容易沖洗乾淨，至於清潔同保濕功效都做得好唔錯，洗完面皮膚好爽但又唔會覺得繃繃緊，感覺幾舒服，我覺得混油肌係好適合用的，值得推薦👍🏻

Fng好用推薦：作為一個注重護膚嘅熟齡肌，對手部保養都絕不能馬虎，尤其係踏入稍為乾燥嘅香港秋天！🍂 Kiehl's 高效能潤手霜 ✨ 質地與觸感：第一印象好「實力派」 扭開支裝，佢係白色嘅Cream狀，質地幾實在，唔係流質嗰種。挖一啲出嚟，感覺好似一嚿好濃縮嘅精華咁！推開個下，需要少少力度，但一經推開，就會發現佢唔係油膩，而係一種好實在嘅滋潤感，好似幫雙手戴咗層保護膜咁！搽完之後，對手唔會「立黐黐」，好快就變得乾爽，可以即刻拎嘢、撳電話都冇問題！📱 💦 保濕與修復效果：秋日救星！ 講到效果，真係要俾個Like佢！👍之前朝早返工，洗手同用酒精搓手液之後，對手會乾到有啲緊，甚至會有啲「甩皮」嘅白邊。用咗呢支Kiehl's之後，最明顯係即時舒緩咗嗰種繃緊感！持續用咗一個星期左右，發現手背嘅乾紋明顯淡咗少少，摸落去係滑溜咗、柔軟咗，冇咗之前嗰種「啞緻」嘅乾燥感。佢個種滋潤，係可以維持到你去洗一兩次手之後，都依然感覺到有層保護喺度，唔會打回原形，呢點好加分！ 😌 溫和度與氣味：簡單就是美 佢係Kiehl's一貫作風，冇乜特別香味，只有好輕微好輕微嘅原料味，唔難聞，對於唔鍾意太香產品，或者對香料敏感嘅朋友

Jayla好用推薦：已經回購咗幾支。最初係為咗湊滿額而買，但用落真心覺得好好用！ 日常版佢係有少少尤加利味嘅，但有時會有特別版咁，例如我就有買過西柚味。佢係屬於偏硬嘅質地，所以只需要用好少就可以搽晒全隻手，仲有足夠嘅滋潤度。呢支handcream 搽完好快就吸收晒，唔會笠，同埋長期用係真係keep到對手滑滑溜溜，完全唔係假潤。所以呢支我係會帶出街，洗完手又搽得，放公司枱面搽都得。

Fng好用推薦：Kiehl's 金盞花蘆薈保濕凍膜 🌼 優點： · 雙重鎮靜配方：金盞花+蘆薈組合，曬後厚敷10分鐘即時降紅降溫，舒緩效果比單用蘆薈膠更持久！熟齡肌洗面後泛紅敷完明顯平靜 · 水凝質地輕盈：一推化水唔黏笠，香港夏天薄塗過夜或厚敷急救都得，吸收後成保護膜但零悶感 · 急救百搭：可以當睡眠面膜、妝前保濕打底（冰鎮後用更爽），甚至局部敷暗瘡位消炎 ⚠️ 缺點： · 保濕續航力弱：冷氣房過夜的話，偏乾肌凌晨會覺得唔夠潤，要疊加保濕精華 · 功能單一：主要係鎮靜功效，無抗老成分，熟齡肌要額外搭抗老產品 · 性價比一般 ($390/100ml)，同價位可選功能性更強嘅面膜 🌞 香港夏天表現： 濕熱天放雪櫃後使用簡直救星！厚敷15分鐘即可退紅，用完皮膚水潤但表面乾爽，後續防曬同底妝更貼服。 💡 同類產品比較： vs Laneige睡美人水庫面膜：Kiehl's更清爽溫和，但Laneige保濕力更持久 vs Origin品木宣言一飲而盡面膜：Kiehl's鎮靜效果更突出，Origin滋潤度更高但不適合油肌 vs Innisfree蘆薈面膜：Kiehl's功效更全面，但Innisfree價格更

Haha Kim好用推薦：去旅行的時候購買的試用裝，以為會10分滋潤，但是比想像中的10分清爽，非常適合夏天使用，無論是油性肌膚也適合！

Blooming好用推薦：Kiehl’s 1號護唇膏，覺得都幾好用，配方好夠滋潤，又不會令我咀唇過敏，令咀唇光澤度都好靚。

Blueblueblue好用推薦：豬油膏般嘅質地。 無法修護唇紋，保濕度一般。 容量大，保裝唔易爛。

Cole Cole 好用推薦：眼霜效果唔錯，一擦落去好快吸收，好絲滑。第二日已見到有效果，冇出油脂粒。會買正貨繼續用。

維他他好用推薦：成日覺得眼霜可有可無，因為搽面霜嗰陣我會搽埋，冇咁細分眼同面，而且之前試好多眼霜都覺得冇乜效，但今次Kiehls呢個有驚喜，用左一段時間眼紋真係少左，淡左，而且吸收好快唔會有油脂粒，唔錯

msthea好用推薦：見到Kiehl’s官網介紹《超級再生精華》對肌膚唔同嘅問題都有顯著效果，例如缺水、暗啞、細紋、粗糙等都有效改善 而sales姐姐更加介紹可以同時使用兩隻精華，咁今次佢就教咗我每日晚上先用《超級再生精華》，等皮膚吸收後再搽上《 醫學雙維他命C精華》，咁樣可以提高精華效果，更加減輕細紋同埋暗啞情況 💁🏻‍♀️咁我今次就集中講《超級再生精華》，試吓淨係用單一產品咩效果🎈精華係比較偏向水質，質地容易推開搽勻 🎈皮膚好快就吸收完，亦都冇特別味道 🎈減紋方面，我用咗14日都未有睇到顯著效果 🎈皮膚暗啞係有改善嘅，感覺成塊面都提亮咗 🎈但老實講，我單用呢個精華，其實轉個頭就已經覺得好乾燥缺水，所以我覺得佢嘅補水效果係唔得嘅！ 總結而言，我覺得如果想要提亮效果嘅話，都會推薦呢個精華，但係如果希望佢做到多功能，包括保濕嘅話，以佢嘅價錢嚟講就唔係太理想啦 5星為滿分 提高 ⭐️⭐️⭐️⭐️ 保濕 ⭐️ 減紋 ⭐️ 質感 ⭐️⭐️⭐️⭐️⭐️ 性價比 ⭐️⭐️ 

maylam好用推薦：屋企有一堆sample 用咗一段時間 覺得平平無奇冇乜特別 唔會買正裝

msthea好用推薦：我覺得Kiehl‘s呢個潤唇膏中規中矩咁啦 唔算好潤，但又未至於好差 味道就一般啦，始終係天然冇添加香精 外型我覺得係設計得靚嘅 不過好容易撞花 呢張相係我啱啱買嗰時影，其實而家用咗一排 成個唇膏套個身都花晒 亦都有少少甩膠黐笠笠嘅感覺 太醜怪啦，因為佢呢個設計，所以我覺得有啲失望

jaye好用推薦：一搽就馬上滋潤，舒緩乾燥繃緊，修護雙唇，減淡唇紋，淡淡檸檬味道夠清新！而且仲有防曬！大愛之一！

940727.0好用推薦：小妹一向都係kiehl’s粉絲, 唔同嘅產品都試過. 今次就想同大家分享佢哋嘅美白面膜. 只係連續用七日皮膚明顯白左,有淡印效果👍🏻. #kiehl’s #面膜 #美白

Karman28好用推薦：我係連同同系列的精華使用既，面膜唔係超薄身果款，敷上面，覺得精華液很容易吸收。不過美白效果唔算好明顯。