LANCÔME 用家評價

🌸 Lancôme溫和保濕水真實測評 | 貴價保濕水值唔值得入手？ 一直聽講Lancôme嘅保濕產品好出名，見呢支溫和保濕水聲稱適合所有膚質，連敏感肌都用得，忍唔住買嚟試下效果係咪真係咁厲害！ 淡粉色樽身高貴優雅，倒出嚟係透明略帶稠度嘅質地 質地有少少稠身，但推開後瞬間化水，吸收速度好快。有陣好優雅嘅淡花香，唔會太濃烈，用落好療癒。 即時感受：拍上臉個刻已經覺得好滋潤，皮膚好似飲飽水咁，充滿光澤感。 持久度：試過淨係用呢支水，冷氣房都可以維持到兩個鐘唔繃緊，保濕力真係唔錯！ 連續用咗三個星期後發現： · 皮膚穩定性提高，冇再輕易敏感 · 乾燥引起嘅細紋明顯減淡 · 上妝更加貼服，冇再起皮 · 膚色睇落更加明亮 優點總結： ✅ 保濕力強勁，持久度夠 ✅ 質地舒服，吸收快唔黏膩 ✅ 溫和不刺激，敏感肌都適合 ✅ 用後肌膚光澤感提升 缺點提醒： ❌ 價格偏貴，性價比未必最高 ❌ 香味可能唔係個個都鍾意 ❌ 夏天對油性肌膚可能比較潤

Lancome呢枝粉底液終於就黎用晒，新版已入手，今次講住舊版先！ 色號：b-01, 適合黃一白！ 沙漠乾肌既我對粉底要求好高：要少少控油但唔好太乾，要持妝但唔可以太重粉感。 呢枝主打油肌/ 混油肌，但我用起黎又好中意😍 佢質地輕薄水潤，上臉好容易拍開，非常貼服！即使再加定妝都稱得上妝感輕薄自然。 ♥️持久度： 9/10，12 小時冇問題，鼻翼兩側會甩（正常）。 ♥️控油度：7/10，香港天氣都足夠 ♥️保濕度：6/10，妝前做好保濕就可以！（呢枝粉底要用非油類保濕！用太油既妝前會一撻撻） ♥️遮瑕度：6/10， 提亮及均勻膚色為主，暗瘡印/ 雀斑等瑕疵都要另外靠遮瑕！ ♥️暗沉：超輕微，約0.5-1度（下面有相） ♥️浮粉：除鼻翼較易敏感位置外不太浮粉 暗沉情況大概係咁： 右邊係5分鐘前，左邊係新滴，色號會暗0.5-1 度，暗沉完之後右邊隻色會keep到成日！所以如果想再白粉少少比「走盞位」佢暗0.5-1 度，可以買白少少。 總括而言，我係好鍾意舊版，知佢停產果時嚇到心都離一離，好彩冇耐又出左新版😂 呢排開左枝新版用，用後感同舊感有少少唔一樣！會係另一篇講♥️

產品是半透明乳液狀、非常好推易吸收的質地。用了幾個月，最有感是可以改善上眼皮鬆弛的問題。因為自己是雙眼皮有時甚至三眼皮，如果上眼皮稍有鬆弛，會立刻疲態盡現和極顯老，用了這支可以大大改善這個問題。 專利360度彈力冰珠也是十分有用，除了使用時有冰感好舒服外，水滴型加圓珠設計，可以觸及到深淺眼窩的位置，而且中間有軟膠提供彈性，所以用起上黎個力度會剛剛好，不自覺地會來回按摩幾次，當然也有助產品吸收及功效發揮。用冰珠按附近的太陽穴位，更會覺得好到位，增強眼部附近的血液循環。 比較可惜的是就個人來說，黑眼圈和眼紋情況仍然相若，未有明顯改善。當然都明白這兩個問題都比較難改善，能隨著年紀增長繼續維持現狀，尚算可以。所以總結因為產品改善浮腫鬆弛的功效明顯，都給了一個好評。 （之前在品牌專門店有買貨裝送貨裝優惠，送的是旅行裝湊合成貨裝的份量，其實也不錯，每支都配有專利冰珠捧，也更衛生和方便去旅行用）

#夏季必備保養 之前擦的爽肤水比较闷痘，于是火速换了质地清爽的Lancôme 净澈亮肌精华水。 虽然是水状透明液体，但是‌它采用了 3%油+97%水的配比，仔细看可以看到瓶壁挂着的小小油脂粒。‌ 先上一张刚洗完脸的素颜图，本人是混合皮，T区较油，最近额头还爆痘。   ‌使用极光水时，‌需摇晃均匀，‌将油分打碎成小液滴后，‌再涂抹于脸部‌。通常我不用化妆棉蘸取，而是直接用手拍匀。不同于单纯的精华水，少量油分的存在使这款水模拟天然皮脂膜，‌能更好地调节水油平衡。 先上手看一下效果，微微反光，保湿效果很好：  再上脸看一下效果，即使擦完后也不会像蒸发了一样使皮肤迅速变干，保湿与滋润的效果尚可，不会闷痘。   ‌坚持一段时间使用后，原本的痘印有所减淡，‌鼻翼两侧的毛孔角栓也少了一些。夏季来说这款产品会比较合适，长期坚持能够提升皮肤的透明感和光泽度。‌但是秋冬季节的话，需要滋润度更高的产品。

購買其他化妝品獲贈LANCOME TEINT IDOLE ULTRA WEAR粉底液試用一包，測評如下： 使用感：5/5 ▶️質地輕盈、流動性高、延展性強，膚感透薄不油膩，好似無擦粉底，很舒服，不會悶痘 服貼度：5/5 ▶️底妝非常服貼，好像第二層皮膚，沒有面具感，不會顯得很厚重cakey ，可參考下面attached的上妝前後對比圖 遮瑕度：3/5 ▶️可以均勻膚色，但顏色較深的hyperpigmentation是遮不到的，例如色斑、黑色痘印（粉紅色淺色痘印可以遮住）等 妝效：5/5 ▶️自然啞光妝效，不會凸顯乾皮，有效將毛孔、細紋、乾紋等texture瑕疵隱形，可參考下面attached的上妝前後對比圖 控油力：4/5 ▶️控油力普通，但優點在於就算出油、輕微融妝，也不會融得特別斑駁難看，而是從啞光變得更加glowy 持久度：5/5 ▶️正常定妝的情況下可以全日持妝，持妝8小時後的狀態可以參考下圖： 綜合評分：4.5/5

夏天到.. 防曬梗係少不了啦 分享吓最近大愛嘅一支防曬😍 全方位防禦抗曬清爽乳霜 SPF 50 / PA ++++ 官方賣點⭐️ 全方位防禦抗曬清爽乳霜是一款抵禦各種日常傷害的全能防曬霜：UVA、UVB、XL UVA、污染及氧化壓力 • 高效紫外線防護SPF 50 PA++++ • 抵禦外在環境的傷害 • 輕盈質感—自然亮澤效果 • 為肌膚提供達4小時保濕 🧏🏻‍♀️🧏🏻‍♀️ 喱款防曬我每日朝早都會用.. 💡防曬系數SPF 50 PA++++ 只要唔長期戶外工作.. 喱個防曬系數已經好足夠 💡 透亮肌膚 上臉塗勻已經有明顯嘅透亮感.. 底層毋須再提亮膚色.. 用primer調一調色已經可以上粉底 💡 不搓泥 喱個係我特別睇重嘅地方.. 只要一搓泥.. 成個底妝就全軍覆沒.. 喱款我由春天用到而家.. 從未試過化妝搓泥💓 🧏🏻‍♀️如果日常番工.. 非常推介大家試下佢.. 🫶🏻留意留意：我手上喱支喺日本入手 我昨日想去專櫃補貨.. 先發現香港專櫃係無賣大支版.. 只有30ml

混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！

一個妝化得好唔好.. 底妝絕對係重點之一.. 皆因一浮粉.. 就會毁曬全個妝😪 我自己揀粉底液…會睇幾個重點 -質地 -不易氧化 -帶遮瑕度 -有防曬功能 至於霧面.. 日韓風.. 歐美風.. 通通都係其次 LANCOME持妝輕透粉底液 喱一款我會俾8分 💡 輕薄貼服 質地好貼服.. 用美妝蛋輕拍薄薄一層已經上到妝.. 就算叠加遮瑕都無出現卡粉現象.. 色調非常自然兼帶柔焦效果 💡不易氧化 底妝最怕氧化後變咗黃面婆.. 喱一款完全無問題.. 新年期間朝7晚11都無變色泛油.. 吸油紙都慳番🤭 💡帶遮瑕度 我用Po-03.. 無特別去化白.. 如果少量瑕疵.. 例如雀斑同暗瘡印.. 叠加2-3層就完全遮到.. 只有黑眼圈要另外處理 💡有基本防曬功能 Spf38 pa+++ 雖然只係基本配置.. 但算唔錯.. 我買粉底液必睇防曬度數.. 因為防曬實在太易同底妝打交.. 搞到搓曬泥.. 所以喱項都算合格 🧏🏻‍♀️喱款粉底液嘅霧面效果都唔錯.. 所以我自己會俾8分 扣分位係防曬度數唔夠.. 如果上到spf50 會更加好💓 因為度數唔夠.. 如果需要進行室外活動記得

LANCOME Génifique Ultimate Dual-Repair Augmented Serum GÉNIFIQUE 煥活修護精華 (小黑瓶) $800 / 30ml; $1150 / 50ml; $1960 / 115ml 功效: 保濕+舒緩+抗衰老 昇級版的小黑瓶添加了不少優質美肌成分， 包括: 保濕、鎮靜消炎、抗衰老及抗氧化等成分。 由於昇級版的小黑瓶不含酒精及色素又蘊含鎮靜消炎成分，使用後肌膚完全沒有不適，連面上的泛紅也大大減少，即使敏感肌也可安心使用。 昇級版的小黑瓶質地剛剛好，在水潤及清爽之間平衡，有輕微的滋潤感，不會太水感好似冇搽野咁。這樣優秀的質地也是令人很想回購的原因。 使用不久後，昇級版的小黑瓶已效果顯著，肌膚水水嫩嫩，膚況變得穩定，面上泛紅減少，毛孔也不明顯。抗衰老方面，法令紋則冇以前咁深咁明顯。 如果天氣或肌膚特別乾燥時，BA建議每次按兩泵，令使用感更滋潤。 含保濕成分: 雙叉乳桿菌, 甘油, 戊二醇, 矽靈, α-葡低聚糖, 羧甲基 β-葡聚糖鈉, 玻尿酸鈉, 甘露糖, 對羥基苯乙酮, 辛乙二醇, 乳酸, 乳酸菌, 麥芽糖糊精, 酵母萃

Lancôme 幻彩五色雙效眼影 — 顏色靚麗，但顯色度偏低 產品質地: 呢款眼影盤嘅顏色非常靚， 色系搭配適合日常妝容同特別場合。 不過，顯色度稍微偏低， 需要多層疊加先可以達到理想效果， 適合鍾意自然妝感嘅朋友。 閃片部分嘅效果細膩好睇，為眼妝增加迷人光澤。 不過，眼影有少少飛粉問題， 建議上妝前做好眼部打底，會更加貼服持久。 設計: 眼影盒附送嘅眼影棒質量不錯，兩端設計實用， 方便精準控制同輕鬆上妝， 尤其適合隨身攜帶補妝時用。 總結：自然柔和，適合清新妝感 Lancôme 幻彩五色雙效眼影顏色吸引， 閃粉效果尤其出色，但飛粉同顯色度稍弱需留意。 追求性價比嘅話，可以考慮其他牌子嘅眼影！

Lancome 最出名嘅王牌精華液就係genifique，雖然市面上有好多專櫃牌子有同類型多功能精華，之前Cosme 有個post都有介紹，genifique<小棕瓶<紅腰子，質地最清爽。聽到都覺得夏天啱曬。 有人話用耐咗之後冇效果，但我又冇咩特別需求，淨係需要保濕功效，我覺得幾啱用。 佢可以當基底液或者保濕精華使用，我就直接當保濕精華用最方便，上面嗰下有少少厚，推開後就會變好清爽嘅精華，吸收完之後冇殘留，係我近排用得最多嘅精華。 之前嘴邊有啲位食咗蝦少少敏感紅，搽genifique第二日就無紅，而且甩皮嘅地方好快修復返，感覺好似平平無奇，但用左之後皮膚穩定啲。

今次率先試用Lancôme 「逆時小黑瓶」同第二代極光水，試用日期：首5日只使用小黑瓶、之後7日連續使用兩款產品。使用前兩款產品前，皮膚明顯比較粗糙和毛孔粗大。極光水質地輕盈，容易吸收，即使喺最近潮濕炎熱嘅天氣下都唔會覺得特別侷促。 使用約兩星期後，皮膚狀況較穩定，膚質亦明顯有所改善，膚色較為均勻，毛孔問題有所改善，皮膚更顯得有光澤。 整體而言，兩款產品嘅效果比預期中好，對於我嘅皮膚狀況亦有所改善，感覺補水及修復效果都超乎預期，所以之後都會回購繼續使用😄✨

首先多謝@cosme 俾今次機會我試用lancôme 嘅「逆時小黑瓶」精華 試用日期： 7 Aug - 20 Aug 當日一收到夜晚就立即試用 其實今次收到嘅試用除咗「逆時小黑瓶」精華外，仲有第二代極光水 我真係有好乖咁跟從指示 喺頭一個星期首先重點使用「逆時小黑瓶」精華 為咗睇到效果，我仲停埋平時自己用開嘅精華 我嘅護膚程序，其實好簡單 首先落妝洗面，爽膚水→眼霜→精華→面霜 精華質地係水狀，易推易吸收 基本上塗上面輕輕按摩就好快吸收晒 之後再搽面霜都無好黏立嘅感覺 呢點我係非常之欣賞 而且係完全無味 無好化學嘅香味，應該係完全無加任何味 試用呢排咁啱有幾晚好夜瞓 而且又period，所以皮膚狀態唔算好穩定 不過用完真係睇得出毛孔係細咗 同埋佢保濕度幾好 瞓咗成晚冷氣房起身塊面都唔會乾 細紋方面可能用嘅時間太短 暫時無見到好驚喜 但我相信持續用多排應該係可以改善 圖一 未開始使用前 圖二 使用一星期，鼻翼附近位置毛孔明顯收細咗

《試用心得》 - 背景資訊：連續試用6日，早晚洗臉後使用。試用期間天氣十分炎熱，偶爾大雨，而且會經常出入冷氣地方，一日內溫濕度均多變化。 - 容器：不是正貨裝而是一支50ml小樽裝試用，6日使用量大約10ml。 試用裝容器蓋子密實，不會倒瀉，相信帶出外或旅行用都沒有問題。 以往用過第一代精華水當中有一支攪拌棒以混合油水用，不過使用上感覺有沒有攪拌棒對於混合上分別不大（因試用裝只是一個小樽）；玻璃瓶身質感好看，但整體有點太重身加上手濕使用會需要注意拿取。 另外正貨裝瓶口太大容易倒出太多及倒到瓶口周圍都有，長久使用有欠得體，反而試用裝瓶口大細合適，希望LANCÔME可以再在容器設計上再下點心思。 看相片見改版後設計分別不大所以一同評價供參考。 - 微香，感覺還比上一代香氣淡了，個人偏好無香喜聞樂見。 - 質地：作為精華水當然是水，當中混合3.3%油，混合後倒出會見到點點油花。搽上後很快吸收而且有潤感但不油膩，作為專櫃品牌膚感十分對得住價錢。- 效果：抑制油光有感，但因試用期間同時試用了肌底煥活修護精華 (逆時小黑瓶) Génifique Ultimate Dual-Repair Au

今次試用Lancôme 溫和保濕水，呢隻化妝水出咗好多年，人稱「粉水」，佢質地半濃稠啦，都有流動性的，有少少香味，呈淡淡的粉紅色。 呢兩支溫和保濕水係喺專櫃買正裝嘅贈品之一，一送就送咗兩支50 mL，相繼有成100 mL，所以完全唔心痛咁使用！ 值得一提係，呢隻溫和保濕水有好多翻版！！！所以各位美女入手時要小心產品來源！Lancôme呢個品牌勝在出手闊綽，只要你喺專門店買產品，多數有sample送，到時真係試啱先買正裝都唔遲。翻查過呢件產品嘅資料，佢保濕能力極佳，有時我鼻尖嘅毛孔比較粗大（可能係水份流失、保濕力不夠）我會用溫和保濕水於潔面後濕敷鼻尖；肌膚即刻被之用，毛孔變細，有潤達，保濕力真係無暇可止～ 另外日常使用時我會用化妝棉輕輕擦上臉蛋，然後輕輕用手掌按開，整塊面都容易吸收，亦沒有殘餘的黏笠感覺。 所以呢隻溫和保濕水我會用喺濕敷+閒時替換吓，主要嚟講我都係用緊YSL保濕產品。