LA ROCHE-POSAY 好用推薦產品

CLS24好用推薦：最有感覺就係控油，通常下午先需要印走d油/汗，但仲feel到防曬仲起度，夠晒持久！其次清爽，油肌真係0負擔感啊！佢有提亮膚色作用，少少啦，未到好明顯，岩岩上臉係白d，但之後會變番透明，不泛白，我仲會擦埋條頸！ 我就最中意夏天用佢！即使咁熱咁濕，都唔會致痘/出油脂粒！佢係SPF50+ PA++++，高效防曬，室內戶外都唔洗擔心！ 不過如果用個陣，皮膚比較缺水既話，可能會覺得難推！建議先上薄薄一層面霜打底先！隔1-2分鐘吸收左，先再上呢隻防曬！！

jaye好用推薦：近排天氣開始轉熱，追求透薄清爽又要有高防曬指數既防曬既，呢款La Roche-Posay每日高效提亮防曬霜（清爽）岩晒混合同敏感肌。質地係白色霜狀，質感潤滑易推，十分之貼薄，而且蘊含NASA研發吸油成分AIRLICIUM™ ，清爽唔油膩，唔會增加肌膚負擔及加速出面油，另外又加左La Roche-Posay既溫泉水，有埋舒緩保濕及抗自由基功效，仲要無添加香料同PARABEN，又抗污染物，敏感皮膚既我無論有冇帶口罩用左都無泛紅刺激或引起粉刺問題。不過呢款清爽版無調色功能，毛孔亦未能遮蓋到，只有輕微提亮膚色，唔會泛白，想要調色功能既佢仲有另外一款係rosy。日常落街個陣我就單獨作防曬霜用，需要化妝時我就當係妝前底霜用，由於質地透薄又保濕，所以唔會同化妝品打交，我自己就覺得好岩最近轉熱既天氣用，春夏天就更加岩啦，高度防曬又提亮度膚色，仲要水潤唔黏笠！仲有仲有，佢係2023消委會推薦既其中一款防曬產品！推！！！

Yuki好用推薦：早排皮膚爆濕疹但唔想用類固醇 想轉用d溫和可以舒緩嘅潔面護膚產品 有用開B5萬用修復霜覺得好有效 所以最後揀左皇牌修復入門套裝 1set有齊潔面爽膚水乳霜非常方便 套裝仲有支噴霧同修復霜合共5件產品 同埋$50電子現金券 性價比超高TOLERIANE抗敏舒緩潔面泡50ml冇香味加水好易起泡泡泡非常綿密細緻 潔面同時可以卸妝 唔洗2次清潔減低皮膚負擔 泡泡上面唔刺激好易清洗 用後皮膚感覺清爽 有清潔力同時舒緩到 每次肌膚唔穩定嘅時候 都會用佢泥卸妝潔面 雖然產品係for混合性敏感皮膚 但乾肌用都完全冇問題 只要潔面後即時做好保濕護膚就ok 產地：法國 購入日期：2024-11-28 購入方式：萬寧門市 入手價錢：HKD185 (潔面泡50ml + 爽膚水50ml + 噴霧50ml + 乳霜15ml + 修復霜40ml) 原價：HKD240/125ml (HKD1.92/ml) 回購：7/10

sylsylsyl好用推薦：最初係由於暗瘡問題去咗睇皮膚科醫生 然後醫生開咗呢一隻潔面比我，自此一試成主顧 唔係會起好多泡係產品 質地係白色cream狀 洗完面都唔會太乾，仲有保濕嘅感覺 而且係清爽同乾淨嘅 如果係淡妝亦可以直接卸到，非常方便 我試過再用卸妝水抹一次都無發現有剩妝留低 已經多次購入 暫時應該無其他潔面可以取代到佢

格仔餅公主好用推薦：做即時急救既精華係唔錯既選擇，比啲時日吸收貼按摩佢個保濕效果更加理想，佢既保濕感係滲到落底層個種feel！

choichoi好用推薦：敏感肌也能夠可以安心使用的產品，有充足的滋潤感，肌膚會在翌日能保持長時間水潤的狀態

Yuki好用推薦：皇牌修復入門套裝其中1個產品CICAPLAST B5萬用修復爽膚水50ml爽膚水透明冇香味質地如同水一樣 流動性超高加上瓶口超大好闊 一唔小心就會倒多左 每次用都要小心翼翼 當皮膚有濕疹時 就會拎佢泥用 爽膚水非常溫和 即使面上有傷口 用佢都唔會感到刺痛 當中有積雪草萃取 有助舒緩肌膚敏感泛紅 而維他命B5成份 同樣具舒緩作用 仲有助修護肌膚表皮屏障 如果未用過LA ROCHE POSAY 而你皮膚係比較敏感同乾燥 都好推薦你買哩set試下 產地：法國 購入日期：2024-11-28 購入方式：萬寧門市 入手價錢：HKD185 (潔面泡50ml + 爽膚水50ml + 噴霧50ml + 乳霜15ml + 修復霜40ml) 原價：HKD285/200ml (HKD1.425/ml) 回購：7/10

YY好用推薦：呢枝爽膚水係購自萬寧皇牌修復入門套裝(♡˙³˙) 套裝包括好幾款比較熱門嘅產品，包括潔面泡 50毫升 + 爽膚水 50毫升 + 噴霧 50毫升 + 乳霜 15毫升 + 修復霜 40毫升(o'ω'o) 咁今次想介紹下我2025應該會再回購嘅爽膚水，因為我見牌子主打修復肌膚屏障同改善乾敏粗糙，所以我每次做完facial，皮膚比較敏感嘅時候就會用佢！ 佢唔會搞到塊臉更紅，有紓緩嘅感覺，皮膚敏感嘅人我都建議用佢～

格仔餅公主好用推薦：夠哂溫和，用落無油既感覺算幾爽身，卸妝方面個效果合格淡妝無問題，濃妝落兩次基本上乾淨哂，唔會油笠笠同容易過乾淨水

Sarah好用推薦：用過一支，因為係跟套裝送的，是透明藍色樽身。卸妝功效幾好，唔會有酒精或刺鼻氣味，皮膚用完唔會太乾。

cheng2001好用推薦：敏感濕疹肌here🙋🏻‍♀️ 😳當時自己皮膚狀況～ 臉有生濕疹， 正值人生臉部濕疹的巔峰期，流血流膿， 睇過中醫西醫都係咁， 當然呢個情況只可以塗類固醇。 搽完係會好返，但皮膚抵抗力差， 濕疹皮膚係反反覆覆發作… 使用時臉部情況： 前期濕疹發作時痕癢難耐，皮膚一兩日變紅腫兼發熱，再過多日夜晚一起身就會出膿出血… 🤲我的臉部護膚用法： *臉部剛好處於皮膚紅腫痕癢* 洗完臉後我會先塗精華，會即時舒緩到痕癢感，然後再搽護膚cream（再度推薦cerave，或者la roche既臉部抗敏cream都ok）。自己個陣比較嚴重，隔一陣又會痕，我就會再滴多一滴搽痕癢處。 ps雖然我講到好勁，但千奇唔好直接用係流血破損皮膚上（因為我試過😂，拿到癲左）。 👍效果： 止痕舒緩效果非常好，一塗即刻止左痕。加上質地偏稠，保濕度高。 用過la roche另一隻白色裝敏感肌精華&他牌b5精華比較下，呢個消紅絕對係最出色，嗰效果係我用完佢既幾分鐘後，肉眼可見淡左。 如是者每日用佢護膚，keep住幾個月，有感皮膚修復得快左，so far都無再惡化到出血出水咁爛臉。 🧏🏻‍♀️用後感： 講真對當時我仍是

Helen好用推薦：有補濕但唔會好潤，舒緩效果都唔錯 質地都屬易推快吸收 不過計返價錢同容量要等特價先抵買

格仔餅公主好用推薦：唔會勁厚同油，屬於幾水潤易吸收既精華，平時用黎妝前做打底唔笠粉又貼啲，如果有甩皮佢仲可以即刻攪掂到唔會令個妝勁尷尬

SKY好用推薦：我是搭配同牌子的全效修護乳使用的。兩瓶搭配下來保濕力很好，但混合皮的我夏天使用會覺得太黏，所以我只會在冬天用它們。一直以來不會致痘，也不會敏感，十分溫和，雖然單價有點高，但會繼續回購～

shadow影子好用推薦： 質地尚算清爽，而且伸延性高好容易推，紅豆份量已經足夠搽晒全面，保濕效果都幾滿意！

Noel好用推薦：我的皮膚乾燥痕癢救星 - Toleriane Sensitive Creme，產品成份安全，0% 香料及酒精，對敏感皮膚少一份負擔！更含有品牌的皇牌溫泉水+甘油+維他命B3，保濕之餘，又能緩和痕癢。 面霜質感柔滑，非常易推又好吸收，塗完痕癢處再去睡，都不沾被單👍 鼻敏感的日子，常常抹鼻子令仁中位置更脆弱，晚上會在重點位置厚敷呢！

Hana0125好用推薦：天氣一熱額頭就會出油，LRP 本身適合敏感肌，加上好易起到棉密泡泡，可以好溫和咁去除多餘油脂又唔會令皮膚覺得好乾，所以我係夏天時 keep 住都用呢枝潔面 gel 。

Ni好用推薦：質地gel狀 好起泡 但泡沫不算太多 溫和洗淨臉上油膩感也不會太乾 一支用很久 cp值高 夏天很愛用它

橘子貓好用推薦：EFFACLAR K (+) RENOVATING CARE 官網宣傳：告別黑頭，減少復發，疏通毛孔，重塑油性肌膚，展現清爽嫩肌。 膚感過關，不黏不笠，易推開，最起碼不會反而悶出痘痘粉刺。用了大半枝了，可惜對我油肌無效，痘痘務粉刺都沒有改善，可能添加的水楊酸量或整體配方偏溫和，產品不太足以應付我皮膚狀況。 總之就是不過不失的乳霜。

Noel好用推薦：理膚寶水這個醫美品牌深受信賴，簡約包裝實而不華，個人很喜歡。購買這枝前，刻意做做功課，精華液中含有 “濾網吸油因子” Airlicium，用作控油。 這枝控油去黑頭精華液呈米白色，乳液狀，沒有流動性，有很微香味。它的延展性極佳，有塗到面上變水的感覺。個人很喜歡它的 finish，保濕力不錯但又相常清爽，感覺 lightweight❗除了全面塗之外，我亦喜歡重點塗到鼻子。使用了大半枝，感覺鼻頭的毛孔有縮小，不易見👌