VALENTINO BEAUTY 好用推薦產品

lingbb好用推薦：- 集護膚底霜+ 高光 於一身既妝前打底 - 一試便愛上💓不得不分享 - 外型係粉紅底金字，絕對俘虜不少美女心☺️，靚，樽身質感很好 - 我之前都擁有過差唔多用途既底霜，價錢差一大截，但效果真係差一大截🥲所以使用感受比較強烈 - 以前用果款既質地顏色同呢款相似，都係粉色帶點閃閃 - 但上面效果，呢款塗上去既質感唔係薄身，而係有存在感地修飾毛孔，皮膚係燈光下會有粉嫩加光澤感，暗瘡印都有輕微遮到啲，相片效果無咁出，但真實係睇到既分別😍以前用果款上面後單純保濕既感覺 - 毛孔變得好細緻，天生好護質既感覺，加上佢有護膚既功效，一舉兩得🥹 - 要配搭埋佢既粉底，成個妝感非常無瑕成為陶瓷肌 - 我認為咁完美既妝效，呢款底霜既功勞絕對唔小 - 所以要買，建議底霜+ 粉底一set買😍 - 絕對推介俾對底妝有要求既美女試試 #派對完美底妝

🌸好用推薦：我係為咗佢高貴典雅嘅包裝而買嘅，紅色配金色呢個組合相當高貴大方，而且佢仲配有一條金色嘅長鏈，可以當係一個裝飾嘅小包包。呢個彩妝套裝包含一個粉餅、一塊鏡同埋一支唇膏，粉餅下面有一個粉掃，細細盒就可以有晒咁多樣嘢，非常方便攜帶，尤其是我哋呢啲鍾意帶小廢包出街嘅女仔，第一盒出去就可以補齊晒面上嘅妝。可惜粉餅嘅粉質唔夠細滑，顆粒比較大，用佢贈送嘅碎粉掃上面尚算合適，用粉撲上就免了。 唇膏質地絲滑，顯色度高，輕鬆打造咬唇妝。我呢支唇膏係219A STAR STUDDED，日落橘紅色，似日落時份火燒雲嘅顏色，可以成個嘴唇搽晒，亦都可以搽咬唇妝，漸變層暈染，就更加似日落☺️非常適合秋冬嘅一種顏色。但係唇膏質地偏乾，如果唇紋比較多或者嘴唇比較乾燥嘅姊妹，記得要用潤唇膏打咗底先至好搽。 話晒都係大牌子，價錢都係偏貴嘅。如果你係為咗佢嘅外表嚟買嘅話，係一個唔錯嘅選擇。如果你係追求較高品質嘅化妝品，建議淨係買唇膏就可以啦。

lingbb好用推薦： 屬花果香調：金奇異果粉紅香調﹑穩重持久的黃葵籽香調融入麝香香調，疊加印度茉莉精萃和玫瑰香調，締造個性明亮的當代女士香水。 個香味官網形容得好浪漫，提及夕陽同羅馬 個人覺得係去外國旅行既異國風情味，係香港我覺得有D格格不入。