Kpl6be6好用推薦：因為可以擠出靚靚花花泡泡而入手(笑）～淡淡花香～綿密泡沫～正正常常一支洗面泡泡咁用～勝在擠泡果吓治癒了心情～

agnessstang好用推薦：為咗玫瑰形狀嘅泡泡買🌹 要輕輕力慢慢擠先擠到靚嘅shape🤣 使用感覺冇咩特別 泡泡都算綿密 清潔力ok

mavis好用推薦：比平時用開紅色樽嗰款更加保濕，抹完面明顯有滋潤感，適合秋冬季使用，夏天會用返紅水🙆🏻‍♀️

Angie好用推薦：前排轉季皮膚有啲乾，諗住試吓用藍色保濕版，用落比紅水滋潤好多，潤到覺得有啲笠，感覺唔係咁舒服，試完果斷轉返紅色普通版

Beautygirl好用推薦：平時都係用開卸妝水，今次係第一次用卸妝 凝霜，即刻愛上咗！本來以為用完會油林林，點知質感好清爽，好似cream咁，好有驚喜！ 卸妝凝露香味清新，試下上粉底係手再卸走都輕而易舉，好容易卸除妝容，仲好乾淨。而且卸完唔會有油林林質感，仲有水潤感覺。個人覺得卸妝速度快過用卸妝水。用少少份量已經卸得好乾淨，最貼心係配埋枝棒用嚟刮凝露出嚟，唔洗用手整污糟成盒凝露！ 搽上粉底後：將凝露加上手：推開卸妝凝露後已見乳化狀態：沖水後好乾淨：用咗卸妝凝露一排，發現卸妝之後用導出機，導出嘅污糟物少左，證明潔淨力唔錯！所以皮膚都少左出暗粒同暗瘡。

yannie好用推薦：本人係混合偏乾 有暗瘡/敏感底 卸妝霜質地係Cream狀 上面好清爽 推開係水狀 易卸 唔洗話fu一陣先卸 直接上面打圈已經會變色 而且用量都唔洗多都夠卸 一蚊銀仔咁多就夠！ 試過一般底妝都卸得好快 食色唇膏都卸到 Mascara自己就慣左會on top加mascara remover 但佢都卸到既 要多少少時間打圈溶解 同埋試過佢係唔拿眼 唔小心入眼都唔會blur曬 乳化效果好出色 凍水都搞得掂 洗完塊面係幾乾淨 但就兩頰有d「慢慢緊」 暫時用左個幾星期 唔見生粒粒 無過敏🤙🏿 其實唔用油可以卸到咁 係幾出色 相比韓國卸妝膏 佢感覺天然d 如果唔鐘意有味既朋友呢個可以pass 但我自己覺得佢其中一個出色既位係隻味 一推開 有陣花香味 唔人工 聞落係舒服同放鬆！ 的確加乘左個體驗 卸既過程係開心d🤣 整體都出色～ 用曬會回購😏🤙🏿 追加埋相 卸前卸後 毛孔出番曬黎就知幾乾淨🤣

mysecretgarden好用推薦：我的皮膚偏乾，一轉季就要轉晒成套skin care。洗面尤其好難搵適合嘅產品，一係就太乾洗完甩皮，但係保濕啲嘅呢清潔力又唔足夠。一直有留意開呢隻三合一洗面，見網上評價都好好，就趁佢做大特價買咗，個價錢非常實惠。唧出嚟係乳液狀，洗上面有種淡淡嘅草香味，洗完冇繃緊嘅感覺，清潔力都還好，有時搽咗防曬懶得卸妝嘅時候就會用佢洗兩次，大致上都洗得乾淨。總括嚟講性價比幾高，應該都會回購。

orangecc好用推薦：這一瓶大大枝的洗面乳用了差不多半年了，每天用還是用不完😅除了非常襟用，主打的三合一多功能也非常吸引我回購。雖然她不太起泡，但清潔能力正常，用後皮膚也不會變乾和繃緊。氣味就是清新的柑橘香氣。 總結，這就是一款CP值非常高的產品吧！

貓餅好用推薦：冇乜特別的沐浴露，正正常常，香味還好，泡沫都正常量，用完後皮膚不繃緊

WSY好用推薦：用上身沒有太大感覺，沖涼時味道很香，但香味散得很快，若可以更持久就更好！

mandy好用推薦：Minon Amino Moist Gentle Wash Whip 水潤綿密潔面泡 $98/ 150ml (hktvmall) 非常User-friendly，一按即出豐盈軟滑綿密泡沫， 不用花時間慢慢起泡，省回不少時間， 對忙碌早上的都會女性來說真是必需品。 Minon是針對乾燥肌及敏感肌而設的開架護膚品牌， 水潤綿密潔面泡不含酒精、香料或色素， 添加了不少保濕及鎮靜消炎等成分，適合不同膚質使用。 使用後，肌膚潔淨水潤保濕，不乾燥不繃緊， 而且感到對肌膚很溫和。 含保濕成分: 丁二醇, 雙甘油, 甲基葡糖聚醚-10, 白氨酸, 絲氨酸, 甘氨酸, 丙氨酸, 精氨酸, 蘇氨酸, 纈氨酸, 組氨酸, 脯氨酸, 賴氨酸 HCl, 植物固醇/辛基十二醇月桂醯谷氨酸酯, 甘油 及 氫化卵磷脂 抗氧化成分: 甘草酸鉀, 絲氨酸, 丙氨酸, 精氨酸, 蘇氨酸, 組氨酸, 肌肽, 賴氨酸 HCl 及 維他命E 鎮靜消炎成分: 甘草酸鉀, 纈氨酸, 組氨酸 及 維他命E 美白/去斑成分: 甘草酸鉀 及 維他命E 抗衰老成分: 絲氨酸, 丙氨酸, 精氨酸, 蘇氨酸, 組氨酸, 肌肽, 脯

chasiutung好用推薦：之前用錯潔面產品 洗完面塊面吉吉咁刺痛 個面又紅又痕 要去睇皮膚科先好番 但從此以後皮膚就變得敏感 用潔面產品同護膚品都要好小心 係依斷時間洗面都吾敢用潔面產品 只係用清水洗面 但係洗完面重好油 行行下街係萬寧見到依隻洗面泡泡係for敏感皮膚用 所以買黎試下 唧出黎就已經係好棉密嘅泡泡好方便 洗完面超清爽 一d都吾乾 用完個面都吾油 雖然清潔度吾高 但一般日常潔面係足夠嘅 我用完無過敏無爆痘 敏感肌可以放心用

A&R好用推薦：沙宣洗頭水，都係見到髮型屋有用，所以買來繼續自己用，但係其實沙宣嘅洗頭水並非好突出，普普通通，洗完唔會太乾燥，都唔會太蓬鬆，冇乜特別感覺，不過香味就幾勁。

Hamiii好用推薦：細個無咁多洗頭水選擇既時候 都用過幾多沙宣呢個牌子 香味其實都偏濃 洗頭水算中規中矩 洗完唔乾咁囉 無咩特別

Noelle S好用推薦：路過見到特價試試。正常的洗面膏，容易起泡，洗完面有潔淨感但唔算乾，名符其實做到moist的效果。價格便宜，家人齊齊用!

東區蘇牙琳好用推薦：Cp 值好高嘅洗臉乳，好起泡✔但洗完臉部會偶爾有啲乾，未見明顯亮白效果，洗完最好接住護膚會比較理想，呢個價錢唔要求太多，洗面係乾淨嘅！

chasiutung好用推薦：Dove 去角質沐浴乳 唧出黎有d藍色粒粒係到 感受吾到去角質功效 唧每一下沖涼液d粒粒都吾多 加水起泡後 粒粒都沖走哂 所剩無幾 um…只能當普通沖涼液使用 沖完涼皮膚都吾乾 都吾保濕 都吾滋潤 無乜特別 好普通嘅沖涼液

AmyAmy好用推薦：沐浴露裏面有啲藍色嘅粒粒，用喺身上面嘅時候唔似磨砂咁，用完唔覺得有去角質嘅效果

Hamiii好用推薦：生完之後脫髮脫得好嚴重 又拎媽咪set 50惠試下 呢款洗頭水其實無咩特別 只係洗完唔太乾 當時用左一個月都無咩起色有d失望 但好在有堅持 再配合埋同育髮精華 總算見到有新毛毛 所以.. 如果決定買呢個牌子 記得要堅持 堅持 再堅持😂

Noel好用推薦：由於頭髮護理相當重要，防脫髮更加要由早開始，所以就入手了這個 50惠洗髮產品試試。洗髮露呈珠光白色，中高流動性，個人覺得它有點柚子味？！上到頭皮會有一點清涼感覺，起泡效果佳。 使用了大半枝後，感覺洗頭時的掉髮應該有減少了，但只有5～10％吧… 希望不是心理作用，哈哈！Anyways，這枝的使用感很不錯，當作普通洗髮用品去用，完全 ok 👌