Lumi Kwan好用推薦：Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。 呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。

Kpl6be6好用推薦：呢個品牌嘅美白産品出哂名有效果～感覺精華滲透肌膚～用後補濕度十足～膚色亦明顯亮白咗～

Kpl6be6好用推薦：有時皮膚狀況不穩定～唔敢用太刺激嘅止汗劑～會用呢支低敏配方～感覺溫和又止到汗～

AmyAmy好用推薦：香氣清新，可以掩蓋到汗味，但係止汗效果就真係一般般啦，勝在價錢實惠

綺羅香好用推薦：以前有用開Dr Jart+嘅藍色補水精華膠囊，非常好用，趁有特價會大手入貨，所以都好期待同牌補水面膜嘅效果 面膜紙薄薄地，剪裁合理，敷上面好貼服，精華液多但唔會滴到周圍都係，敷大概10分鐘左右就過水，feel到皮膚飲飽水，又嫩又滑，不愧係當紅面膜

Kura好用推薦：用曬一盒保濕效果唔錯，味道有d藥丸味，價錢都算合理偏貴小小，冬天用都好保濕

natanatalie好用推薦：性價比很高，價錢十分便宜。質地而推清爽不黏笠，而且有滋潤保濕效果適合乾肌人士使用。

Noel好用推薦：Sofina 防曬，個人一直使用 白色lace 包裝的 jenne系列。後來因為很多朋友都在使用粉藍色這枝高保濕防曬，於是心思思購買🤣 個人使用感受不錯，保濕度很足夠，又沒有太膩👍 而防曬產品係白色，流動性高，塗到面上不會泛白❣最重要：用後沒有曬黑，SPF50+ PA++++，讚❗ 唯一使用時覺得 annoying，係產品既味道，有點似塗改液😥 我用完粉藍色這枝，應該不會回購~ 防曬 🌟🌟🌟🌟🌟🌟🌟 滋潤 🌟🌟🌟🌟🌟🌟 味道 🌟🌟🌟 價格 🌟🌟🌟🌟

royu3好用推薦：乾性肌膚需使用2號，2號加入了精華油，防止乾燥。它屬於化妝水類別，但主要的作用是溫和去除肌膚表面老舊角質層，讓後續產品更吸收，所以用完後一定要用補濕的化妝水滋潤皮膚☝🏻配合IPSA的其他產品使用，是會見到有效果的。 使用前要先搖勻，倒在化妝棉上，在臉上輕柔打圈。化妝棉真的變成灰灰黃黃的！(#ﾟДﾟ)不過，可能因為清潔力太強，我覺得即使加入了精油，作為每天早晚護理的產品，還是不太適合乾肌。 而且用後感覺到油份還留在面上，好像有阻礙了後續的吸收。相信1號對油性/混合性膚質者更有效。

Rachelcos好用推薦：每朝用完清水洗面之後都會用嘅去角質爽膚水～ 因為本身皮膚偏乾 朝早用洗面奶洗面會更乾 所以就要用啲溫和去角質嘅爽膚水做清潔 IPSA嘅亮肌柔膚水唔單止無令到我塊面乾同敏感 仲真係做到溫和去角質嘅功效👍🏻將啲爽膚水倒喺化妝棉再輕輕抹 會抹到啲黃黃嘅油脂/角質出黎 幫到我後續搽護膚品吸收同埋化妝更加貼服 keep住用一段時間塊面會覺得滑咗！ 有時用黎做導出仲會導出咗好多污糟嘢出黎 塊化妝棉會黃黃灰灰🫢

Angie好用推薦：滋潤度屬於中上，個人認為比較適合晚上使用，早上使用嘅話要慢慢按摩吸收，唔夠時間😂

Hamiii好用推薦：滋潤度ok 美白就用完一支都唔覺 無咩特別，但勝在價錢平，隨意用下都ok

royu3好用推薦：☀️夏天好物分享☀️精華篇 呢幾年keep住都要帶口罩，特別係夏天嘅時候， 皮膚好容易出暗粒、甚至誘發炎症、暗瘡等問題。 加上wfh 成日熬夜，皮膚差左好多(;_;) 本身係IPSA fans嘅我，見到呢枝Serum 0緊緻新肌精華正正就係針對以上問題，於是決定買黎試試！serum 0 蘊含魚腥草、楊桃、綠茶葉等草本萃取，深入肌底強化肌膚排毒機能，有助改善水腫，抑制炎症和促進新陳代謝。 用完柔膚水之後，用3泵份量塗勻面部～ 佢質地輕薄、啫喱狀，一啲都唔黏笠！ 按摩幾下就完全吸收哂！(*´∀｀*) 用左一星期左右已經feel到皮膚泛紅同暗粒問題真係有減退嘅跡象，同埋膚質有變柔軟、改善到皮膚粗糙問題。至於緊緻輪廓方面，暫時未有感 （笑） 基本上對呢枝serum 0 新肌精華都好滿意(*ﾟ▽ﾟ)ﾉ 唯一扣分位係，酒精味實在太重！ 如果改善埋味道問題就perfect！ #夏季水光肌養成挑戰

Rin好用推薦：我唔知點解同網站上面嘅形狀係有出入 但係呢個係喺專門店官網買嘅 我覺得佢話有排毒嘅功能，同埋要做一個按摩 事實上我有keep住做嘅，但係效果唔太特別唔覺得佢有啲咩功效 我感覺唔出嚟，佢嘅作用喺邊度 所以價錢上，我覺得係CP值都幾低

msthea好用推薦：呢個係我最喜歡搽喺面部嘅防曬 佢本身帶少少白色 但搽咗上面之後唔會覺得塊面白得奇怪 好自然，但又有少少提亮效果 搽完又唔會黐立立，防曬度數又理想 超級推薦呀！

Jayla好用推薦：質地：不流動乳液，gel狀 顏色：白色，塗開變完全透明 適用人群：喜歡有點滋潤感，敏感肌，嬰兒都得 Anessa嘅防曬多年嚟口碑都好好，而呢支極防水補濕低敏UV乳霜係我嘅秋冬愛用防曬。 SPF34 PA＋＋＋系數唔算高，所以我一般係返工嘅時候用嚟做身體防曬。擠出嚟係白色乳液，比較似gel嘅質地冇乜流動性。搽開之後會見到微微反光嘅膜感，唔會完全吸收晒，摸起嚟都會保留少少滋潤度，所以我會朝早直接省略body cream。搽起嚟膚色冇任何改變，所以冇泛白問題。當噴水上水測試嘅時候見到係一粒粒水珠浮喺皮膚上，證明防水能力相當唔錯。沖涼嘅時候可以正常沖走，冇需要額外卸妝程序，亦冇感覺到殘留。

Cosmeemee好用推薦：呢款Skin Aqua 純物理礦物防曬已經用咗好多支空瓶☀️☀️☀️尤其是係夏天，有時懶就會搽埋手手腳腳🤣 我係藍色同粉紅色都有買，兩款都經常使用～ 💙藍色vs 粉紅色🩷 藍色質地比較輕盈水潤，冇粉色咁Matt，係純防曬，冇調色效果，仲有少少薰衣草香味；而粉紅色就係屬於防曬調色霜，質地比藍色厚，好似係因為兩款防曬用嘅精油唔同，所以有唔同香味，但兩者都絕對唔會有刺激或者化學嘅味道，搽落都覺得佢完全唔刺激皮膚🤣 🔽使用心得如下🔽 ️🕒使用時間：使用一年，幾乎每天使用 💆🏻‍♀️個人皮膚狀況：混合乾性肌膚 使用產品後沒有任何過敏反應 🌟似護膚品，用完皮膚仲靚咗 我塊面皮薄🤣成日好易紅，夏天熱到紅，冬天乾到紅🥹 雖然佢係防曬產品，唔係啲主打降紅嘅護膚品，但我每一次用完都會令到我塊面冇咁紅，同有舒緩嘅效果💧 🌟令皮膚提亮光澤 雖然佢冇調色效果，但用完之後會明顯收細咗毛孔同埋提亮膚色，令皮膚睇起上嚟膚色比較均勻有光澤～仲有防曬效果，皮膚狀態好嘅時候，就咁薄薄搽一浸再拍少少碎粉就已經出得街🤫 🙌總結評分🙌 產品質地：♥️♥️♥️♥️♥️ 均勻膚色：♥️♥️♥️♥️🤍 撫平毛孔：♥️♥️♥️

kyara918好用推薦：呢隻係我夏天御用防曬🫶🏻 首先佢係全物理防曬，成份只會附係皮膚上面，唔驚皮膚吸收左d化學成份。而且佢係SPF50+ PA++++，咁可以抵擋到夏天惡毒既太陽🥹 佢吱出黎好似有d杰身，但係其實好易推開，質地水潤推開左之後會輕微白少少，但其實唔係好明顯，唔會泛白，感覺均勻左膚色最最最重要係佢唔！會！油！搽完一分鐘內會乾爽晒，唔會爆暗瘡🥹🥹之所以話係夏天專用係因為冬天用會反而有少少太乾🤣 唯一既缺點係佢價錢偏貴，要趁減價入手🥲不過夏天真係未揾到第二支可以代替佢 大推🙌🏻🙌🏻

Tung好用推薦：有排皮膚狀態極差，於是的起心肝想買返支重手嘢頂下！呢支大概$34X（如果冇記錯） 由於我會當佢真係保養精華咁滴全面，都幾易吸收同滋潤，所以都用得幾快（但都真係有預防效果！冇再復發爛額頭啦）我應該用曬都會keep住買呢隻用住lu。 如果正常按照佢講嘅淨係搽痘痘位，應該可以用耐啲。但以佢嘅成效嚟講我覺得係抵玩嘅，好適合想一晚瞓醒消炎、止痛、撫平痘痘嘅人🙌🏻

zetalhc好用推薦：超級推薦嘅去暗瘡精華，夜晚用一次第二日會見到即時嘅效果。可以即時去膿同消炎，對石頭瘡或者有膿嘅瘡都有效果，而且唔會皮膚唔會「la」或者覺得刺痛