mandy好用推薦：Laneige Cica Sleeping Mask 細胞修復補濕睡眠面膜 $240 / 60ml 功效: 提升肌膚修復力+深層滋潤+保濕紓緩 細胞修復補濕睡眠面膜雖然是面霜質地， 不是Gel啫喱狀，卻偏水感， 非常好推開及容易被肌膚吸收。 使用感水潤舒適，不會很油很笠。 成分方面以保濕、抗衰老及鎮靜消炎成分為主。 使用後，肌膚更水潤，膚況更穩定，不再出現泛紅， 舒緩效果極理想。 含保濕成分: 角鯊烷, 甘油, 維生素原B5, 乳木果, 丁二醇 及 乙基己基甘油 抗氧化成分: 角鯊烷, 乳木果, 積雪草苷, 羥基積雪草酸, 積雪草酸 及 維他命E 抗衰老成分: 角鯊烷, 甘油, 乳木果, 積雪草苷, 羥基積雪草酸, 積雪草酸 及 維他命E 鎮靜消炎成分: 維生素原B5, 乳木果, 積雪草苷, 羥基積雪草酸, 積雪草酸 及 維他命E 油性滋潤成分: 乳木果 美白成分: 維他命E

Jasmine Yuen好用推薦： 1. 舒緩肌膚：能夠有效地舒緩敏感肌膚，減少紅腫和刺激，使肌膚更加舒適。打斑後用可以舒緩肌膚。 2. 深度保濕：含有豐富的保濕成分，能夠深度滋潤肌膚，讓肌膚在整夜睡眠中得到深度滋養和修護。即使開冷氣1晚後，翌日仍有滋潤感。 3. 提升肌膚彈性：含有多種保濕成分和修護因子，能夠提升肌膚的彈性和緊實度，讓肌膚更加年輕有彈性。 *有支棒棒刮面膜出黎，感覺很衞生

mac27好用推薦：好開心抽中今次Cosme試用 肌研極潤保濕冰感眼霜！ 我係混合偏乾肌，重度黑眼圈，眼底乾有細紋。產品建議使用兩星期，用咗一星期，分享吓感想~ 我用法係基本護膚程序之後使用眼霜，左右眼各用一粒綠豆既份量。眼霜附冰感陶瓷頭，擠出眼霜就可以直接塗。我會塗係眼底及眼皮，用按摩頭圍住眼周輕輕按壓，感覺幾舒服。 氣味：無味，產品標榜無香料酒精 質感：輕盈易推，易吸收，唔會厚重，無殘留，但亦唔會覺得乾，適合春夏使用。冰感陶瓷頭涼浸浸好舒服！ 試用左肌研極潤保濕冰感霜1星期，輕微有減淡眼底細紋，至於黑眼圈就無乜分別。用完即時有減淡細紋，上遮瑕都順滑左，減少卡眼紋。 冰感陶瓷頭用落好舒服，有消水腫既感覺，但！每次用完會殘留少少係洞口，雖然我一個人用，但每次用好似都會撈埋上次用剩既眼霜，感覺唔太衛生，都驚容易污染入面，陶瓷頭真係令我又愛又恨。為左感覺良好啲衛生啲，每次我用之前會擠少少少少抹走唔用，感覺用落眼周嘅眼霜會新鮮啲。除止之外都好好~ 多謝Cosme抽中體驗！總括而言，今次試用感受正面，有滋潤眼周減淡細紋效果，會繼續使用亦會推薦比朋友~

Water好用推薦：香港夏天咁炎熱，見到呢枝冰冰涼涼嘅眼霜就即刻心動。個頭係冰感陶瓷按摩頭，搽上眼即刻覺得涼浸浸好舒服，朝早用可以改善浮腫問題。眼霜無色無味，係偏matte嘅質地，用嘅時候要唧多少少出黎，如果唔係會拉扯到眼部皮膚。用後有輕輕減淡眼週乾紋，期待持續使用會有效減淡細紋。 #火熱新品

何何好用推薦：呢支抗醣精華想試好奈，olay既美白精華不嬲都好深入民心，出名cp值高又有效☺️💓 第一次搽上面，覺得有啲啲那那地，可能有啲敏感，不過試多幾次都有同樣情況。。。結果放棄左，用黎搽手腳。。。 佢好好吸收，質地好輕身，有效均勻膚色。 佢個設計係好貼心既，因為有個特別design既泵頭，每次一開蓋就拎到一次既份量，可惜我面敏感用唔到。🥲另外，佢比平時既精華份量都多，有六十毫升，抵用❤️ 夏天到我想美白呀😑😑😑

Sccan好用推薦：Olay新推出嘅抗糖系列一直想試好耐，早排佢減價買左支試。 效果：少許提亮膚色 質地：精華液狀，較黏稠，易推不算透氣 香味：一貫Olay經典香味 用後感：用左兩星期，去斑就暫時未見效果但提亮美白係有少少效果，樽身設計係扭開一泵，份量剛剛好，都幾方便。

Kit wong好用推薦：之前聽人講過SKINCEUTICALS呢個品牌好用，但無研究過或用佢啲產品，今次第一次用呢隻面霜，好有驚喜！！ 先講下佢個質地係比較特別的，同市面一般乳狀或水凝狀面霜都唔一樣，一時三刻諗唔到似咩質地🤔 但一啲都唔笠，好快滲透。呢個面霜嘅吸收速度，應該係我用嘅面霜當中數一數二最快的，真係毫無殘留感但滋潤感又夠力，前排天氣好乾，塊面都仲係keep住好水潤保濕！ 質地使用感當然緊要，但最緊要都係功效。我想講呢隻抗老面霜，係堅有用！！因為我用左10幾日後，發現額頭嘅抬頭紋、眉間嘅皺紋、法令紋都有減淡‼️ 特別係眉間嘅皺紋，因為我由細到大都會皺眉頭，所以皺紋已經好耐了，睇落去個人成日都好唔開心咁，估唔到佢有減淡嘅一日🥹🥹感動！ 另外，我都發現到下巴鬆馳位置有變緊緻。皮膚本身有啲粗糙都變滑左，塊面好明顯因為滑左所以識反光左。真係真係有減齡feel，好勁‼️ 最後仲有一個bonus，就係之前我用一隻好貴嘅美白精華，但用親都起粒粒（唔知係咪美白精華濃度太高太刺激），搞到我唔敢用，之後我轉左用SKINCEUTICALS 面霜之後，皮膚好似健康左，於是再試下用返嗰隻美白精華，日日用都無再起粒粒🥳

stella好用推薦：非常多謝@cosme 邀請試用SkinCeuticals「抗醣活膚緊緻 霜」，試用七天後報告如下： 本人皮膚狀態：中性肌，皮膚稍乾，眼有乾纹和笑纹，全面有少許鬆馳問題, 有少許毛孔，鼻翼有泛紅和痕癢，有少許法令纹 面霜質地似雪葩狀 ，在手上乳化後 ，上臉按摩打圈 ，更容易吸收 , 吾油腻 吾立，夠 滋潤，有一點淡淡的香氣 。塗抹感覺幼滑 ，即時效果就已經有撫平眼部乾纹和填補細紋間隙，但暫時頸纹就未見有效果，可能試用時間太短吧! 但好神奇，第二朝起身未洗面，見塊面好有光澤，好緊緻好光滑，但又冇出油，好似有層薄膜在皮膚表面成形保護咁樣！不过，我認為晚上使用為佳，因為女生早上妝前用可能会和打底霜打结，就吾係咁好! 我將面霜用在法令纹再觀察皮膚變化 ，有輕微淡化 ,不过我認為抗皺淡紋係長期鬥爭 ,否則富貴人家就不用搭飛機去瑞士打咩羊胎素又去揾新技術改善樹頸纹啦! 買護膚產品面最緊要有臨床數據實證，這隻面霜用左12星期去測試效果 ，我令次旦係試用性質 , 做左，所以改善幅度確實有限！ 持之以恒有心改善皺紋既用家可以考慮試試！ 使用前和使用後完

🌸好用推薦：多謝@cosme 邀請我試用Sofina iP嘅兩款新產品：土台美容液同埋角質層修護凝露。 最近天氣極度乾燥，對於本身係乾敏肌嘅我嚟講，呢種天氣無疑係雪上加霜。我嘅工作需要捱夜同輪班，工作壓力又大，令到皮膚暗沉無光，毛孔粗大，泛紅過敏。呢個係我使用產品前嘅肌膚狀態： 我根據返使用建議，每日早晚洗面之後，擠出慕絲狀嘅土台美容液約3cm，直接放置面上，再用指尖輕輕按壓，再根據返指示進行面部按摩。 泡沫狀嘅土台美容液不但沒有對乾燥皮膚造成刺激，而且因我佢嘅精華只濃縮至只有毛孔嘅20份之1咁嘅大小，吸收速度比一般肌底液更快、更容易，為肌膚注氧。輕盈的泡沫質感，氣味清新。 慕絲精華含有嘅碳酸分子可以加速新陳代謝，加快皮膚細胞吸收養份，同時加速排走老廢物質，達到肌膚煥然一新嘅功效。 呢個係使用兩日後嘅效果： 雖然仲有少量暗粒，但乾敏泛紅已得到大力改善，暗啞嘅膚色亦稍為提亮咗少少。 以下係使用兩星期後： 膚色變得更有光澤，毛孔比未之前更緊緻，暗粒同敏感得到改善。 以下係使用三星期後： 肌膚狀態愈嚟愈好，完全冇缺水、乾敏、泛紅，乾紋消失，肌膚嘅紋理、暗沉、粗糙同鬆弛嘅問題都解決晒！肌

Che SY好用推薦：感謝@Cosme的試用品，雖然可惜今次沒有機會試到同系列的角質層修護凝露，不過單用士台美容液就更可能試真一點單用的效果。 本身自己的皮膚偏乾，冬季更是乾上加乾，鼻翼、唇峰更會乾到脫皮，可算是超級大乾皮，一直以來護膚都會衝著保濕、鎖水等。今次士台美容液主打注氧、修護、穩定等等也讓我很好奇在秋冬天氣下能不能幫到忙。 連續用3星期，我可以說絕對有幫助～ 雖說名字是美容液，但按出來卻是泡泡，說明寫了使用量是直徑3CM，我用過後覺得一半就很夠用全臉（利申大臉人士）。泡泡的質感不是抹開就消失的水感，而是偏向滋潤、保濕感足夠，足以在臉上按摩1-2分鐘。直到完全吸收後，臉上保持滋潤，我通常日用都不會上精華，只補上面霜上妝也不太會乾，明顯比一般爽膚水更有保濕功效。 一向在乾燥天氣，皮膚會整不穩定的我，近一個月有明顯改善，雖然仍然是偏乾肌，但是脫皮、泛紅有減少，感覺肌膚的狀態有好轉，用完後也會繼續購入使用喔～ Before:After:

zetalhc好用推薦：係kiehls門市比嘅試用品，用完之後覺得皮膚細嫩同埋柔嫩左，有唔錯嘅保濕效果，但效果比較單一

貓餅好用推薦：牛油果面膜質地好幼滑，可以滋潤皮膚，但係保濕方面就覺得效果一般般，唔太明顯，普通

Milo101好用推薦：感謝 @cosme 贈與試用，那段時期剛好去過樂園遊玩及離島郊遊，曬黑了不少，所以收到這瓶敏弱肌淡斑恩物，份外高興（重點是試用後效果很滿意）。 收到後立即使用，我的試用期一共是14天，於第一週已急不及待想發表用後感，因為使用一週後，美白效果已明顯可見，也是令我把這產品加入回購清單的主要原因。 以下是我的使用方法及觀察： 1. 為了使Mela B3透光淡斑精華的效果更明顯，爽膚水也特別選用了舒緩保濕水質地的，希望能為之後使用精華帶來一種導入效果。 爽膚水 —> Mela B3 透光淡斑精華 —> B5萬用修復霜 —> 日間會加防曬 2. 包裝：紫色玻璃瓶，一開始滴管和精華瓶是分開的。 3. ⁠⁠質地：深粉紅色半流質，推開後透明，香味不會太強烈。 4. ⁠使用方式：於一邊臉頰由下而上塗抹並打圈按摩，重覆另一邊臉、鼻樑及額頭，再摸摸剛才塗抹的第一邊臉頰，會發現已吸收了！可見精華十分好推及很易吸收。 5. ⁠當然也可以在斑印的位置加強按摩嘗試加強效果。 6. ⁠用這瓶精華期間，對我而言完全是很舒適，沒有任何敏感或不適徵狀，不愧為敏弱肌專用的淡斑產品！

Yeeting 好用推薦：感謝@cosme 讓我得到嘅試用產品機會。 我嘅膚質屬於偏黑黃，而且臉上嘅班點都比較現，試用了這枝La Roche-Posay Mela B3 透光淡斑精華試一個星期後，明顯看到膚色透亮左，冇咁暗啞。 精華質地輕薄，不厚重。水液裝嘅質地（好容易推開）流動性強，很快便被肌膚吸收，不會感覺黏笠，夏天使用夠清爽。 而且好適合不同膚質人士 使用，尤其係敏感肌都可以用。 成份含專利 MelasylTM 針對性阻截新黑色素生成及 10% 維他命B3，有效舒緩，對抗現有色斑，強化肌膚屏障。 暫時用咗一星期，色斑未有減退，但皮膚明顯白咗，期待用後效果，再和大家分享💛

Nicole 好用推薦：成分感覺比較單純乾淨，補水，也沒有致痘，也沒有奇怪的香味！作為基礎的補水單品絕對合格！拿來當面膜濕敷完很補水，而且很價格便宜，性價比超高！

jhope0725好用推薦：先講質地，薄身不黏皮膚，本身已經係油性皮膚嘅喜愛質感~  感覺佢比起爽膚水更加清爽，主要用嚟加強皮膚本身嘅水份，軟化角質，之後先進行保養 用完佢先再用精華，感覺更易吸收，但就唔好期望淨係用佢會提高到保濕效果 特別喜歡佢推出旅行裝，拎出街或者帶去旅行都好方便！

Hchan好用推薦：膚況：敏感混合肌 容易過敏、起蕁麻疹，眼睛及嘴唇較敏感；T字油、毛孔粗大、會泛紅、偶爾長痘 由於膚質經常無緣無故地會長痘及敏感泛紅，聽聞haba可穩定膚況，所以買來試試，雖然仍偶爾會長痘，但的確改善很多，所以一直使用有幾年了。 為了保持最好效用，我有整套haba使用，包括潔面皂、化妝水及角鯊烯油， 由於保濕度略微不夠，我會配合其他品牌的精華液及乳霜使用，而角鯊烯油會放在最後程序以鎖緊皮膚水份，此油比平時的護膚油清爽，延展性高，用量省，兩至三滴即夠全臉使用，用後不會有悶感及引起暗瘡，長期使用的確有效穩定膚況，建議皮膚不穩定或易敏感的人購入試試看。

Kathy Ng好用推薦：以前上妝會卡粉，只要用完同品牌的G lotion 再加兩滴油，面部會較滋潤，上妝都唔卡粉。而且這產品唔貴，性會比高，值得一試。

Kaori好用推薦：感謝Cosme的邀請，亦都感謝你哋選中我，讓我可以體驗全新升級 Dermacept 幹細胞緊緻化妝水＋乳液 隨着年齡的增長，我都開始注意選擇一些有功能性的護膚產品，尤其是緊緻、提拉、去皺功效我都非常重視。 本身屬於混合性偏皮膚，容易又乾紋，早晚使用日本樂敦全新升級 Dermacept 幹細胞化妝水，配合乳液更容易被吸收，效果加倍。日本樂敦全新升級 Dermacept 幹細胞乳液呈白色乳狀，質地細滑易推勻，滲透力很高，用後不黏立，瞬間保濕度大大提高，見到乾紋減淡，皮膚看上去回復彈性。 使用兩至三星期，皮膚更白滑，去黃效果非常好，細紋亦明顯得到改善，用後血液循環變好，氣色不錯，輪廓亦都得到提升，看上去更有活力，效果非常驚喜！～會持續使用！ ⭐️高保濕乳液，滋潤同時緊緻肌膚含最高濃度White Platinum 納米鉑金成份，高效抗氧，提升光澤感

evelyn好用推薦：感謝Cosme的邀請，讓我可以體驗Dermacept的產品。之前用過同品牌的維C精華，覺得美白效果不錯，所以也對Stem Lift系列產品的成效很有期待。 Stem Lift 幹細胞緊緻系列 以雙重蛋白激活技術，激活膠原蛋白及彈力蛋白增生，提拉肌膚及去除暗啞黃氣！ Stem Lift Emulsion 顏免白色cream狀，質地厚但柔滑，塗上臉部容易吸收，塗後臉部感到滋潤，因不算笠夏天還可用，冬天用感覺再好一點。 用之前先用lotion，感覺會令emulsion更易吸收，兩者一起用，即時感覺提升臉部光澤，漸漸感受到去除黃氣的功效。 去紋去皺方面，初用當天記得我眉心有兩條紋，每次照鏡見到都不滿意。用了約三星期，兩條紋終於消失，這個是最明顯的效果。 皮膚感覺是比之前緊緻，用手指篤塊臉，會覺得實正和有彈力。性價比不錯，值得回購！