SOFINA iP

升級土台美容液

多謝@cosme 邀請我試用Sofina iP嘅兩款新產品：土台美容液同埋角質層修護凝露。

最近天氣極度乾燥，對於本身係乾敏肌嘅我嚟講，呢種天氣無疑係雪上加霜。我嘅工作需要捱夜同輪班，工作壓力又大，令到皮膚暗沉無光，毛孔粗大，泛紅過敏。呢個係我使用產品前嘅肌膚狀態：



我根據返使用建議，每日早晚洗面之後，擠出慕絲狀嘅土台美容液約3cm，直接放置面上，再用指尖輕輕按壓，再根據返指示進行面部按摩。
泡沫狀嘅土台美容液不但沒有對乾燥皮膚造成刺激，而且因我佢嘅精華只濃縮至只有毛孔嘅20份之1咁嘅大小，吸收速度比一般肌底液更快、更容易，為肌膚注氧。輕盈的泡沫質感，氣味清新。 慕絲精華含有嘅碳酸分子可以加速新陳代謝，加快皮膚細胞吸收養份，同時加速排走老廢物質，達到肌膚煥然一新嘅功效。

呢個係使用兩日後嘅效果：

雖然仲有少量暗粒，但乾敏泛紅已得到大力改善，暗啞嘅膚色亦稍為提亮咗少少。

以下係使用兩星期後：

膚色變得更有光澤，毛孔比未之前更緊緻，暗粒同敏感得到改善。

以下係使用三星期後：

肌膚狀態愈嚟愈好，完全冇缺水、乾敏、泛紅，乾紋消失，肌膚嘅紋理、暗沉、粗糙同鬆弛嘅問題都解決晒！肌膚更緊緻及有彈性，肌膚不再暗淡無光。更重要嘅係，以往使用其他牌子的肌底液後，不但冇改善膚質，反而令面上出現暗粒。使用土台美容液後，面上冇出現暗粒，反而暗粒少咗，與以往使用肌底液後的不愉快經歷大相逕庭。這次體驗令人十分滿意。