找產品
泛油 推薦好用產品
555 件指數降序
Tulip Chan好用推薦：活性炭深層清潔面膜 (黑鑽潔淨面膜)是屬於油性肌膚的產品 但如果你同我一樣係乾性/薄皮及敏感肌，平日一定選用乾性肌及溫和嘅深層清潔面膜。 但因為每月生理周期而皮膚變得…毛孔粗大、泛油、暗啞、暗瘡、白頭，而用返平日嘅深層清潔就知道不夠力，就可以每月生理周期後即用「活性炭深層清潔面膜 (黑鑽潔淨面膜)」用一次啦！雖然塗於面上第一下會有少少拮嘅感覺，但大約塗滿全面後感覺便會消失，效果非常好，由於膚質不同，所以使用方法與品牌方法不同。 我的使用方法 潔淨臉部後，用納米離子蒸面機6分鐘（因為我閉塞毛孔白頭較多，使用毛巾暖敷不夠力），化妝水倒入化妝綿輕輕搽抺面部，取出適量面膜敷在臉上停留約10 分鐘，再用溫水沖洗。（不要超過10分鐘，因為佢嘅質地真係好快乾架） 當然我哋乾皮肌更加要記得即時敷返保濕面膜呀！
<看全文>Kura好用推薦：我由中學開始就用呢款面膜，呢款ORIGINS活性炭深層清潔面膜, 主要成分為活性碳, 佢能夠如磁石般把我閉塞於毛孔內的有害雜質和污垢吸出，大大減少暗瘡、酒米、油脂粒及黑頭形成, 另加入多種天然高效成分,能徹底清理和淨化我毛孔內嘅雜質污垢, 讓肌膚回復潔淨和光澤，我每次都係敷10分鐘左右，同埋佢容易變乾，但都容易清洗，推薦油性皮膚用，呢款面膜係我嘅毛孔洗塵機
<看全文>
Fish Tse好用推薦：如果卸唔清化妝品有殘餘係眼到會對眼睛做成傷害，所以揀選眼唇卸妝油既時候必須要好小心 我試過用眼線筆畫係隻手到，然後用普通既油性卸妝油再乳化係卸唔甩，之後再用哩枝Maybelline既眼唇卸妝油倒係棉花到一抺就卸得好乾淨 卸妝油係分開兩層一層油呈現藍色一層水呈透明色，如果要使用之前一定要搖勻佢，之後倒係棉花到敷五秒左右再抺基本上已經卸左大概九成左右，最好就再重複一次以上動作卸兩次就唔怕唔乾淨 溫和配合適合任何肌膚任何狀溶，即使係防水睫毛膏或者假眼睫毛都可以卸得好乾淨，性價比好高 哩個絕對係卸妝既必需品
<看全文>Rosa好用推薦：這款眼唇卸妝油一直係我最喜歡使用嘅產品 我會配合卸妝棉同時使用，一般防水化妝品非常容易卸掉，基本上重複使用同一個位置一至兩次已經非常乾淨，我妹妹是敏感肌膚使用後都不會過敏 而且性價比非常高 非常耐用 有時我不停回購的產品
<看全文>
Julianna好用推薦：最近我開始用 Clinique 嘅特效控油啫哩霜，感覺真係唔錯，特別適合我呢種乾油混合肌膚。呢款啫哩霜質地輕盈，使用後一陣就吸收，完全唔會有厚重感。控油效果真係好明顯，尤其係夏天出汗多，我的 T 字位都唔會再油光滿面，妝容保持得好好。 不過，冬天用的時候，我覺得保濕可能唔係好夠。雖然佢控油做得好，但有時候肌膚會覺得有啲乾，特別係鼻翼同額頭位置。我通常早晚清潔完後用，塗少少就夠，特別係 T 字部位，效果更佳。如果你都想解決油光問題，唔介意冬天可能需要加多一層保濕產品，真係可以考慮下呢款啫哩霜！
<看全文>葉子🍃好用推薦：黃色gel狀，好易推、順滑、唔笠，本身我係混合肌，用左佢真係少左出油，保持住好乾爽，但又保濕既狀態，夏天用佢好好，冬天就未必夠保濕，一支份量好多，鐘意佢係泵裝，方便衛生
<看全文>
Rainy 好用推薦：我好鍾意呢款洗顏粉起出嚟嘅泡沫夠細緻綿密 用後水嫩平滑😍清除黑頭粉刺👍🏻 有去暗啞同潔淨毛孔效果🤩
<看全文>Giselle 好用推薦：明色 木瓜酵素洗顏粉 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 幾年前入手過呢款產品⸜( ´ ꒳ ` )⸝♡︎洗臉後feel到嗰臉係有變得乾淨咗(✿︎´ ꒳ ` )♡︎但同時都變到好乾( ･᷄-･᷅ )佢嘅樽口有啲大，比較難去控制每次倒出嚟嘅用量(´•̥ω•̥｀)而且佢過個幾月之後入面就會開始結塊(●︎`^´●︎)要chock 一chock嗰樽身先會易啲倒出嚟(⌯︎˃̶᷄ᗝ˂̶̥᷅⌯︎)陣味就係類似水果發酵嘅味道，我覺得還可以接受( ˙༥˙ )
<看全文>
Emma W好用推薦：又到年末啦，又係時候要盤點下，邊款護膚品係「我最喜愛」護膚品。 潤燥再生精華面膜通常能有效滋潤和修復肌膚。能夠深層滋潤肌膚，讓肌膚感覺柔滑和充滿水分。特別對於乾燥或受損的肌膚有很好的修復效果，能改善肌膚的整體狀態，例如做完深層清潔後，立即敷返個保水面膜，效果會更上一層樓。 一片潤燥再生精華面膜能盛載3星期分量潤燥再生精華，注入高效人參活膚精萃，能即時修復肌膚保濕屏障，煥活肌膚活力。另外，面膜仲可以當作曬後S.O.S護理。當肌膚會變得乾燥、泛紅，敷上面膜後能鎮定肌膚，達到降溫效果。 面膜的精華液質地輕盈，用後感覺清爽，敷完過左10分鐘內，精華已經吸收曬，加上唔會太油膩。第二日，依然感到面部水潤帶點光澤，唔會有崩緊的狀態。 唯一要改善的，就是面膜的貼合度。敷上面上，要好努力先貼合到，但一會兒、乾左後，又會飛左出來。 適合肌膚：任何 成效度：4/5 保濕度：4/5 吸收度：5/5 貼合度：3/5
<看全文>Noel好用推薦：終於可以試用這個潤燥面膜 💛 心情超興奮，因為產品價位比較高，個人沒有購買的意欲。有幸因為購買雪花秀套裝商品，獲贈三片❣ 面膜帶有淡淡黃棕色，就像面膜已經浸泡了滿滿的皇牌潤燥精華！面膜線偏薄，能夠很貼面又不易滑落👍 而香味就和潤燥精華液相近，都是滿滿的韓方藥材味道‼️ 面膜滋潤感覺很強，但不油膩💕 面膜精華液 light weight，容易被皮膚吸收❤ 敷完面膜後，最大的感受，係精華能滲透皮膚，面部變得紅潤有精神❣
<看全文>
Lumi Kwan好用推薦：一直覺得amore pacific 好貴所以唔捨得買，但counter 試上手又好吸引，用完真係覺得皮膚好滑，而且即刻有一個剔透嘅效果。今次拎到支旅行裝，所以持續用咗一個星期，我係早晚喺爽膚水過程之後用呢一個精華水。 產品嘅故事都好吸引，佢源自100棵100年樹齡的山茶花，修復力比一般山茶花更高效、更純淨、更濃郁。 所以標榜能夠修復受損細胞，重拾彈性、光澤，最犀利係能夠做到4000倍極速補水，相比於其他牌子精華水，佢嘅感覺比較清爽，用完大概30秒，就可以查上平日用嘅精華液，好適合平日早上趕住返工嘅我。
<看全文>brenda好用推薦：購自在5月sogo thankful week,一入手就同一齊買的綠茶爽膚水一起試用，可能剛好轉季，或且因我用錯份量，導致那段時間長好幾粒石頭瘡，暗瘡，近孚爛面,雖然我不肯定是那樣令我皮膚變差，所以都停用了一小段時間，我想要較長時間去証明是否產品令我爆瘡，我再用多一排會再分享的
<看全文>
Cosmeemee好用推薦：#底妝升級好物 Canmake 棉花糖肌持久底霜 係我用過較為平價嘅妝前打底～ 性價比頗高，適合學生用🤣 🔽使用心得如下🔽 🕒使用時間：使用三個月，間中使用 💆🏻♀️個人皮膚狀況：混合乾性肌膚 使用產品後沒有任何過敏反應 1️⃣顏色自然不泛白，質地輕盈易吸收 剛剛搽上底霜會偏白，待幾分鐘後底霜後就會回復自然膚色。呢款底霜完全冇厚重嘅感覺，易推開易吸收 2️⃣有效持妝、控油、收毛孔 用後再上妝會令妝容更清爽，冇咁容易溶妝和浮粉，加上有收毛孔及亮白效果，令妝容更有光澤 3️⃣用後偏乾，建議局部使用 呢款產品始終有控油功效，用後會有少少乾，建議使用之前做好保濕，和局部使用，例如T字位置 4️⃣沒有防曬及調色功能不顯著 相比起其他防曬調色底霜，呢款嘅效果主要係收毛孔同提亮膚色，但如果要局部調色和防曬，就要額外再上其他產品 🙌總結評分🙌 產品質地：♥️♥️♥️♥️🤍 保濕功效：♥️♥️♥️🤍🤍 平滑肌膚：♥️♥️♥️♥️🤍 推薦程度：♥️♥️♥️🤍🤍
<看全文>Kura好用推薦：我好鍾意用呢款平靚正嘅妝前打底，我用嘅顏色係01號色係自然色，搽上臉會有少少提亮膚色嘅效果，冬天用都唔會覺得乾，夏天用控油效果都算ok，可以保持到底妝天氣非常熱都唔會好快溶，用完呢款妝前打底霜再用粉底液底妝會更加貼服，都有撫平毛孔嘅效果，同埋價錢好親民，係平價妝前打底霜嘅戰鬥機，我平時趕時間單用呢款妝前打底霜加防曬都可以打造到天生好皮膚嘅妝感，整體妝感都非常乾淨通透，canmake出品信心保證，大家都值得一試 #妝前打底 @cosme
<看全文>
graceky好用推薦：今次先感謝抽中試用Sofina Primavista霧光潤澤粉底霜 九月喺日本啱啱出果陣諗住咁搞笑用碌碌上妝都得?! 嘅心態 諗住遲啲去日本果陣買嚟試下用 點知三個月後香港都出喇 仲抽中試下 本身都有用開Sofina base 打底 呢個突破到底成唔成功都有啲期待 收到兩盒東西 一盒係粉底盒 一盒係補充裝粉底霜同埋碌碌 個碌碌本身以為係硬嘅滾輪 原來係好軟熟 有彈性 好似mochi感覺嘅氣墊滾輪 粉底霜係膏狀 上喺碌碌/上面都好易推 就算喺我好乾嘅手上碌 都唔會卡粉卡喺啲紋路度 所以都幾保濕 上鼻翼位方面 由於我鼻樑唔算高 有毛孔粗大問題同鼻翼因敏感會泛紅 但碌上粉底霜係比我想像中貼服同埋自然 唔會好重粉同好黏住/好易甩粉底嘅感覺 呢個要讚! 未有上面圖睇 睇住試上手圖先 其實唔係幾易睇到分別 係好薄嘅妝感 好貼 但係 有啲位要注意‼️ 1. 真係要用啲陰力 來回碌多幾碌先上到個碌再上塊面 因為佢係氣墊做 就咁碌係上唔到粉底霜 2. 粉底霜都有啲容易痴到啲塵 可能要諗啲計 好似保鮮紙咁收到會乾淨啲 3. 粉底霜可能太軟 相對容易會壓到有凹痕 要用陰力 由於妝感都幾薄 雖然唔會令皮膚
<看全文>Emilyyy好用推薦：主打特色：持久保濕，用滾輪上妝，SPF14 PA++ 質地：霜狀果凍 試用季節：12月 個人膚質：雙頰偏乾及微微泛紅，T位稍油粉底和粉底殼（附滾輪上妝工具）是分開購買，用完可直接買補充裝，粉底殼附帶一面鏡，尺寸還算大，上妝很方便。 這款粉底最大特色就是用滾輪上妝，滾輪的海棉比想像中柔軟有彈性，本以為很難照顧鼻翼這些比較刁鑽的位置，但因海棉有足夠的彈性而能照顧到。海棉表面感覺有一層塗層，有點黏感，不會很吃粉，但相對的就要多滖幾次才能取到粉。（鼻翼位置也ok） 滾輪上出來的妝也很均勻，不費力氣就上好底妝，使用方法也很簡單，很適合新手使用。上出來的妝比較透薄，是日系妝容的感覺，滋潤度也不錯，但遮瑕力較低，平常用的粉底液上好底妝就不太需要額外遮瑕，這款就要再做遮瑕，感覺也不太能再用滾輪做疊加，比較適合本身比較不太需要遮瑕的皮膚做均勻膚色。（before）（after） 有一點比較要留意的是滾輪很會沾毛和塵，再用粉底時會把毛和塵帶到粉盒上，感覺不太衛生。（比較沾塵） 整體來說還是挺新奇有趣的，也不太需要技巧就能上好底妝，新手友好。但遮瑕度低，比較適合本身不太有瑕疵又喜歡透薄妝感的人。找一
<看全文>
mandy好用推薦：Laneige Cream Skin Refiner 牛奶柔滑細膚水 $210/ 150ml 功效: 舒緩保濕 成分簡單，不含酒精、香料及色素，為敏感及乾燥肌而設。 質地柔滑水感，流動性強，可輕易在全面推開， 一瞬間已被肌膚吸收，(在夏季以外)使用感不黏笠。 保濕力相當不錯，不過油性肌及混合肌在夏季使用有可能太潤。 使用感不差，完全沒有對肌膚造成任何刺激或不適， 還可以穩定膚況，舒緩敏感泛紅。 價位比敏感肌專櫃品牌first aid beauty的爽膚水及 敏感肌開架品牌minon稍貴，性價比不算很高， 品質、成分及使用感中規中矩，沒有太大驚喜。 觀乎市面上也有不少為敏感肌或乾燥肌而設的化妝水/爽膚水， 雖然牛奶柔滑細膚水未必是用家的首選， 但也是物有所值，而且比某些品牌名不符實的敏感肌爽膚水 更溫和不刺激。 含保濕成分: 丁二醇, 甘油, 白芒花籽油, 乙基己基甘油 及 茶葉萃取 打衰老成分: 甘油, 白芒花籽油, 茶葉萃取 及 維他命E 肌膚修復成分: 甘油, 抗氧化成分: 茶葉萃取 及 維他命E 鎮靜消炎成分: 茶葉萃取 及 維他命E 美白/均勻膚
<看全文>applepie好用推薦：Gmarket專門店購物贈品，好似水咁稀嘅cream，係牛奶嘅白色，原來係張乳霜融入在一瓶化妝水中，但我用完覺得唔算好保濕，岩岩上面幾舒服，但好快就覺得有啲乾
<看全文>
Emma W好用推薦：Curel 的清潔洗面泡，一按就有大量泡泡。直接塗於面上打圈，用後有refresh 的感覺，去到冷氣房，因為有保濕成分，面部又唔會太崩緊。加上，佢係花王品牌其下的產品，保質有保證。 平時化妝或者護膚，或多或少都少少刺激皮膚。依個品牌主打無香料、無酒精，為敏感肌而設。所以用Curel 早晚比皮膚休息一下，作為一日的開始與結束。
<看全文>chasiutung好用推薦：只需一按就有豐盈嘅泡泡 不用手動起泡 清潔力一般 普通無搽防曬無化妝嘅時候可以用 潔面後清爽乾淨 不繃緊 溫和潔面不致敏 適合敏感皮膚使用 👍我皮膚過敏時候都會用佢 感覺同藍色嗰款無乜分別 冇咩特別嘅控油效果  潔面後都一樣無繃緊感 皮膚依然水潤💕推介👍
<看全文>
Kura好用推薦：又一心得我心嘅定妝碎粉，碎粉嘅質地係好細滑，我嘅膚質係混合性偏乾冬天乾夏天油，但熱天嘅時候會出油，如果膚質同我差唔多嘅姊妹可以參考下我嘅分享，上臉好容易就做到令到成個妝都靚上加靚嘅感覺，我用完碎粉之後出街去玩超過八個鐘，個妝都仲係keep得好自然，粉質細膩，用完呢款碎粉之後都唔會有卡粉嘅現象，我係轉天氣嘅時候用，一時凍一時熱，但都完全唔會影響整體妝感嘅效果，一款好嘅定妝碎粉真係非常重要，夏天最驚個妝溶到好肉酸，我用完就算係出曬汗都唔會令到個妝變到污租，同埋我通常都會用粉撲上，特別油嘅位置會加印多小小，但遮瑕力就偏低，因為只係定妝碎粉，我係同埋佢地嘅粉底液配合一齊用，感覺一流，價錢中等，如果揀唔到碎粉都值得一試嘅，產地係made in Italy，我用嘅色號係pure glow,特別附上我用完之後嘅妝感俾大家睇下，感覺都好自然好靚嘅妝，希望大家都會鍾意我今次嘅分享啦，我會好快就會再同大家分享其他好物㗎啦，我愛大家，大家要好好照顧自己呀
<看全文>Nico好用推薦：Thanks Bobbi Brown & Cosme 🥰 用完蟲草粉底之後 我on top 加左呢款碎粉 由於我之後要戴口罩 所以我一般習慣會用多少少碎粉 防止粉底掂到口罩～呢款碎粉係有膚色既 用左都唔會全臉matte曬 保留到粉底既光澤之餘 仲可以加多少少遮瑕度 個妝全日都好完整 得極少（要好仔細體先體得出）係口罩上面 去打邊爐 出曬汗都冇點溶妝 其後去戴口罩去做運動 都冇流白汗之類 但有少許暗沈 光澤度冇一開始咁好 最後 卸妝都冇出粒粒/痘痘 好開心可以試用到兩款咁驚喜既產品😻
<看全文>
Fish Tse好用推薦：Apivita 相信都係大家熟悉mask既品牌之一，其中清潔方面我好中意哩款南瓜排毒速效面膜 佢搽出黎係白色既，一包基本上成塊面厚敷都冇問題，但重點位置鼻、T字位同下巴我會再搽得厚d，因為哩三個位係肌膚最污糟既地方 裡面包含南瓜酵素、高嶺土都係幫肌膚進行清潔去除角質、死皮同埋吸走多餘油脂。另外南瓜籽、乳木果、檸檬等配方有助保濕、均勻膚色用 我大概會敷15分鐘跟住用水係全面打圈等到透薄左見到膚色就會濕棉花抺走mask再全面沖水，如果想skip棉花哩個過程都可以但就需要沖耐d水先會乾淨 敷完之後鼻頭位置會明顯見到白色粉刺我就會用粉刺夾夾走後就再敷保濕mask。一個星期懶既可以敷一次，勤力既可以敷兩次咁肌膚就會好乾淨
<看全文>mandy好用推薦：APIVITA Express Beauty Detox face mask with pumpkin 南瓜排毒面膜 主打 補濕軟膚 + 排毒去角質+ 控油 適合所有膚質使用。 南瓜排毒面膜 真係好保濕， 冇一般的清潔面膜 咁易令肌膚乾燥。 使用感由頭到尾都唔乾，非常舒適呀。 清潔力強，可深層潔淨肌膚， 用後肌膚好潔淨亮白， 去除因環境污染而形成的污垢及老化細胞。 使用後，肌膚出油溶妝的情況得到改善。 推介南瓜排毒面膜， 特別是油性肌可以排毒同時控油， 而乾性肌使用也可排毒同時保濕。 含保濕成分: 甘油, 山梨醣醇, 乳木果, 維生素原B5, 蜂蜜, 卵燐脂, 玻尿酸鈉, 醋酸鹽維他命E 及 乙基己基甘油 油性滋潤成分: 乳木果, 橄欖油 及 卵燐脂 保濕成分: 維生素原B5, 蜂蜜, 卵燐脂, 玻尿酸鈉, 醋酸鹽維他命E 及 乙基己基甘油 抗氧化成分: 南瓜籽油, 橄欖油, 卵燐脂, 葵花籽油, Sideritis Perfoliata Flowers/Leaves/Stems Extract, Sideritis Scardica Flowers/Leaves/Stems
<看全文>