iliya 好用推薦：呢款保濕乳液含有白色高領土成份，故控油效果都唔錯，特別係T字部位都唔係太出油😍

Theresa好用推薦：愈來愈多產品加入高領土成分增加控油效果，呢款白泥乳液不含油份，而且質地輕薄，容易吸收，幾適合夏天用 #控油大作戰

Hamiii好用推薦：呢支好早前用過 諗住用慣左sk2 不如轉下 但效果唔太理想 Texture比起其他精華水厚身 要d時間吸收 我用完會出油🙂‍↕️ 唔太岩我

Noel好用推薦：HR 的綠色瓶精華水，無酒精，含 98%天然成份，精華水透明無色，流動性高，帶有比較重的香味，個人不介意香味問題。使用 💚植物幹細胞再生活膚水前，必須先搖勻，再塗到面上，上面的感覺有點似油+水的效果，滋潤感覺強，喜歡清爽的朋友要避開了。 使用了這枝植物幹細胞再生活膚水，皮膚滋潤感覺有明顯提升，後續保養品的滋潤效果也增強了❗用後皮膚感覺飽滿，毛孔不易見，而且晚上用會覺得很舒緩❣

lingbb好用推薦：HR感覺係成熟肌既品牌， 有次拎到咁大罐試用，幾開心！ 佢係植物草本既香味，好似係森林咁 原本以為質地好杰，佢呈白色乳狀，質感反而係屬軟滑易推開款。 產品聲稱使用後肌膚瞬間變得柔滑、細緻、亮澤，24小時水分滋養。81%女士贊同使用後肌膚越來越緊緻，85%認同肌膚越來越富彈性。 我部份認同，佢係有令我皮膚柔滑、細緻亮澤、但只限塗上去果刻，緊緻同彈性就未睇得出。同埋我發掘到佢既妙處係非常適合按摩皮膚時使用，個使用感係幾好！轉季用應該幾唔錯！ 當然佢價位實在太貴，有得試下都開心！

Hamiii好用推薦：用左幾日 有覺得皮膚好似係滑左少少？！ 但整體黎講無咩特別驚艷我既位 呢個價錢可以值得更好

Becca好用推薦： 用咗Albion INFINESSE 系列一段長時間，加上年紀增長，開始冇咩效果，諗住試下用excia 用左一星期，搽左上面有明顯嘅光澤感，比起INFINESSE 的確效果明顯啲，第二朝起身都有亮白感覺。 易推，唔油膩，快吸收，暫時覺得幾好用，美白效果有待觀察。

inkitsung好用推薦：買嘢送嘅sample仔，幾鍾意佢嘅淡淡花香味～ 偏乳液質地，有啲黏身～ 上面還可以，都算容易推開～ 但明顯一啲都唔保濕～ 所以要局部使用，點少少係要淡斑美白嘅地方～

Kuma醬好用推薦：Three balancing lotion 最適合混合性肌膚使用， 使用兩三滴，均勻搽在面上， 就瞬間吸收，肌膚瞬間變回平衡狀態， 也有收細毛孔嘅效果， 之後搽上去嘅精華素同乳液，更容易發揮其功效。非常適合夏天使用， 寒冷天氣的話就需額外注重保濕。 主要保濕‧潤澤成分 【精油】沼澤茶樹精油 / 乳香精油 / 佛手柑果實精油 / 馬鬱蘭精油 / 迷迭香精油 / 薰衣草精油 【植物萃取精華】魚腥草萃取精華 / 番紅花&牛蒡萃取精華 / 木通萃取精華 / 地黃根萃取精華 / 人蔘萃取精華 / 茯苓萃取精華 【植物純露．果汁．發酵液】金縷梅純露 / 萊姆果汁 / 西洋梨果汁發酵液 【植物油】茶籽油 【附加成分】尿囊素 / 精胺酸

Jan好用推薦：帶有清淡玫瑰花香味 感覺好療癒 按壓設計使用方便 流動性高好易推開 用後皮膚即時補水 有潤澤保濕感 好快吸收 唔黏膩 用咗幾天感覺皮膚變得更彈潤有光澤

sp_113好用推薦：一直用緊B5 gel，夏天夠用，但一到冬天就覺得唔夠保濕。每次用完好快就乾燥返，底層仍然好缺水，有種治標唔治本嘅感覺。睇完YouTube 袁彌明介紹吸引左去買，結果成為最愛，已經回購四五支！ ✅改善乾燥&泛紅 B3會刺激皮膚生分子釘，皮膚就可以鎖水同減少乾燥。依支B3 13%濃度高，所以效果顯著。長期用膚質有改善，感覺有修復皮膚底層，無以前咁易甩皮同泛紅。 ✅容易吸收 質地係水狀，搽完好快吸收，唔會笠痴痴 ✅成份安全 成份簡單安全，敏感皮膚適用

Hannah好用推薦：一款令面部油脂分泌平衡嘅產品 用完第二朝已經明顯唔會出咁多油，毛孔較幼細 質地易吸收

Sarah好用推薦：又係多年前買過，我曾經係Dior prestige 系列忠實粉絲。這款潔面霜開水塗上面會出很多泡泡，清潔力不算很強，但洗完面會覺得皮膚有柔軟的感覺，完全不會繃緊，而且好香。我覺得prestige 系列的賣點就是這款迷人又自然的玫瑰香，但論功效而言，這支洗面膏的價錢有點貴。

940727.0好用推薦：凝聚格蘭玫瑰的豐富微量營養素，玫瑰花蜜淨肌泡沫蘊含玫瑰淨膚因子，有效深層淨化肌膚及徹底卸除彩妝。 潔面泡沫的溫和酸鹼值配方，有效改善缺水問題，調和肌膚的平衡狀態，帶來極致舒適感受，使肌膚煥然一新，展現看得見的純淨剔透、活力光采及感受得到的絲絨般輕柔觸感。

bearbear246好用推薦：乳霜有厚度既質地 對我黎講質地過於滋潤 日間用容易出面油 有防曬係數 但得SPF15 可能唔夠日常使用

bobobeau好用推薦：比同品牌另一款 day cream難推，而且一搽上面好似有層油咁，過一陣先吸收完。 好處係有少少防曬，比平時少咗出油。 其他感覺普普通通。 朋友送的我覺得可以，但自己買就唔會了，都幾貴。

ZoeTung好用推薦：回購第三次嘅產品❤️ 佢嘅蜜粉餅係香港 唔算出名 但經台灣網友 推介 發現超級無敵好用 首先 非常控油 係夏天30度以上嘅日子 一定會揀佢用 而且 用左個妝都keep到 同埋會遮到啲毛孔 皮膚無咁粗大 用落妝感都非常自然 就算 萬一keep唔到個妝 佢都非常容易攜帶係袋 方便拎出街補妝 最後 夠平 又耐用 （因個人去日本時買 所以印象係比香港買更平 約$55左右） 如果無跌碎的話 佢係可以用到3個月左右 （試過唔小心跌落地 會成餅碎曬 ⋯） 但最後扣一粒星原因係 佢無色號揀 個人塊臉用得太多美白產品 佢嘅色比較偏黃 希望佢出返隻無色版

choichoi好用推薦：附送的粉撲質素不錯，柔軟親膚。控油度高不易泛油光，持久度優一天補一次妝也不成問題，也不用擔心暗沉非常實用，細緻的粉質輕易能遮蓋毛孔，也讓妝變得更貼服完美

Pinky好用推薦：因為頭髮有劉海，夜晚查完啲比較滋潤嘅護膚品，怕會令到劉海油淋淋，所以會用呢啲晚安粉，唔覺得佢有咩護膚功效，但用完皮膚比較乾爽，唔會癡頭髮，通常只會用喺面嘅外圍一圈，眼/鼻/面珠呢啲唔會咁易掂到頭髮嘅部位，就唔會用

綺羅香好用推薦：首先要批評一下個粉盒，唔係傳統開孔或者有旋轉扭蓋，依係一塊網就咁匝係面，一拎就可以成個網拎走，打開時好易倒瀉粉，非常唔方便帶出街，不過呢款碎粉係for晚間，應該無諗過俾人帶出街，夜晚搽完護膚品再上粉，第二日油光係少咗，不過抗痘效果就一般，用完都係生粒粒