不泛白(防曬) 推薦好用產品

Cc2016好用推薦：味道聞落好香嘅天然草本味，令人好舒服，質感輕盈，適合夏天用，溫和唔會敏感

mandy好用推薦：Canvas Sun Protect Gel SPF30 天然清爽透薄防曬乳液SPF30 是我用過最清爽無重的防曬。 竟然比不少日系開架防曬質地更輕盈無感， 使用感也是極緻清爽。 誠意推介給油性肌及怕笠人士使用。 補充: 日系開架防曬質地大多是輕盈Gel狀， 但使用時還是會感覺到有搽防曬; 天然清爽透薄防曬乳液SPF30 卻是會以為自己沒擦防曬，真的無感耶! 由於不帶明顯香味，男女也可使用。 延展性很好，輕易已可推開。 成分簡單，不含酒精及色素， 如果沒對香料敏感， 敏感肌也可使用。 SPF30 適合上班使用， 如需户外活動，請改用SPF50 的防曬。 含防曬成分： 二氧化鈦, 2,2-亞甲基-雙-(2H-苯並三唑-2基)4-(四甲基-丁基)1,1,3,3-苯酚及二乙基氨基羥基苯甲酰苯甲酸己酯 保濕成分: 丁二醇，辛乙二醇 及甘油 抗氧化成分: 綠茶, 紅花油 及 黃瓜果萃取 鎮靜消炎成分: 綠茶 肌膚修復成分: 甘油 鎖水成分: 甘油

Anna好用推薦：近來因為工作嘅關係，需要喺戶外地方擺街展，用咗隻新嘅防曬產品Cetaphil 高效清爽低敏防曬啫喱 SPF50+，用落覺得去除咗好清爽以外，一啲都唔油膩，肌膚感覺好好以外，防曬效果一流，加上效果自然，搽上後一啲都唔會顯眼，推薦畀大家試一試。

Karman28好用推薦：之前暗瘡肌膚，要食酸解決時，醫生叫我買呢個牌子的防曬用，醫生推薦得，敏感肌都可以用，同埋成效係唔錯。可惜有少少厚身同黏笠，個人唔太鐘意呢個質地。

Fish Tse好用推薦：防曬係每日出街前必需要用既產品，如果防曬力唔夠好易會令到皮膚出現雀斑 我之前未試過用Dior既防曬，但因我見佢既防曬防禦力好足夠而且有Dior獨有既香味聞落令我既心情較為愉快所以就買黎試下 Dior哩款防曬有SPF 50+ PA++++ 足夠我地對付紫外光以防佢地傷害幼滑既肌膚 哩款防曬係白色既延展性都好好，通常我會係面頰兩邊、額頭同下巴都搽上防曬然後向同一個方向即係由內到外搽，咁可以確保每一寸肌膚都有保護 可以單獨使用或者當妝前使用都得，我用完之後再上氣墊或者粉底液都冇打架既情況發生。單獨使用既時候我覺得有微微既光澤感，摸上面都唔會覺得黏黏地既感覺 唯一我覺得要改善既地方係樽身比較硬，用起上黎都要用d力先可以唧出嚟

cchristy好用推薦：一開頭俾個包裝同牌子吸引，用落發現好香，好順滑，有分調色同普通兩款，我兩款都買曬，都好好用，會再回購。價錢少貴，但有時Dior會送試用裝，可以等佢做優惠個陣買，小小提示，Dior網店買，會送埋個用絲帶包好既盒俾你，係門市冇既🤣

Rosa好用推薦：買俾女女戶外使用,質地容易推開，乳液狀 無色無味 女女喜歡使用，剛剛塗上會有一點油油感覺，皮膚吸收後就沒有這個情況了 我覺得性價比很高 面部和全身都可以用 感覺也不錯 包裝方面簡潔易用 容易攜帶 但要注意開蓋容易倒瀉 

Hamiii好用推薦：有dd後悔買😮‍💨 本身買俾仔仔用，結果佢唔鐘意.. 本住唔浪費既心，就諗住我自己用左佢.. 支防曬質地小小立既，但都算好推開。 但可能因為我敏感肌，搽完一次就開始起粒粒😮‍💨我平時又慣長衫長褲，所以手手腳腳都唔需要佢，所以…. 下次不了😅

iliya 好用推薦：呢支防曬啫喱比較稀身，係乳液嘅狀態，搽完後無黏笠嘅感覺，不過好似甩得都幾快，所以要勤啲補搽🙈

格仔餅公主好用推薦：100蚊唔洗買到資生堂既副線，唔油膩同好易吸收，防曬度數夠做日常或者郊外旅行活動等等，無曬黑所以第二次回購一次過買左兩支

SYJU好用推薦：呢支防曬係早排買的, 之前用另一牌子但不適合自己皮膚, 怕顯乾紋, 後來網上介紹防曬便去專櫃試驗吓, 很喜歡這支RMK 有肌膚色, 很水潤通爽不泛白, 唔化妝都可以改善暗沉膚色, 平日喺屋企都會有紫外光侵襲, 所以我日間任何時間都會搽防曬, 鍾意佢有60g 夠大支, RMK UV Face Protector Lucent已成為我最鐘意的其中一支基本防曬！ #今夏超強防曬 #不顯乾紋

sammiimelda好用推薦：之前喺日本試妝嘅時候用過 我自己就覺得係乾燥嘅天氣下面可以 但係如果喺香港比較潮濕嘅話 上面就會比較黏立 之後再上妝可能會冇咁清爽

KDing好用推薦：覺得佢調色力太多，搽上面既輕透感唔夠，所以都係少量再溝乳液用最好

jaye好用推薦：質地水潤，有埋防曬，可作打底用，有幫助提亮膚色，不過稍嫌毛孔遮瑕力太低，而且個人覺得顏色偏死白，唔太自然。

SandyTip好用推薦：Lancôme 的aqua gel 防曬雖然單價比較高，不過清爽度和易搽的程度真的比開架防曬好用，有預算的一定要入手試一試😍😍

葉子🍃好用推薦：偏黃乳霜狀，質感好貼服，水潤輕薄透氣，不過味道不太好，佢無任何調色，夏天有d油

takemyokane好用推薦：夏天就是拿出各款防曬的時候～特別是去戶外就很需要高效防曬。這支專門推出 for 戶外活動使用，防曬度數高，質地卻完全不厚重，水潤易推又不笠。圖中可見推開後不泛白之餘還有一層光澤效果，超讚👍🏻

keinice好用推薦：質地較油和口厚，但很容易推開 ，防曬系數高 ，長時間再戶外水上活動時使用十分合適，可以保護皮膚，但仍然會晒黑。

Desse好用推薦：紫外線咁厲害..每日防曬當然少不了🧏🏻‍♀️ Kanebo Allie 特效防曬亮肌啫喱(櫻花香-粉色) SPF50+ PA++++ Allie防曬嘅賣點- 結合物理及化學防曬於一身💡 防曬系數50足夠日常所需..💡 淡粉紅色膏體.. 質地比gel厚身.. 反而比較似cream🧏🏻‍♀️ 唔泛白.. 易推開💡 薄塗一層已經可以提亮膚色💡 如果無特別瑕疵要遮.. 當bb cream用亦可 清爽唔黏立💡 🪻留意返🪻 如果仲會帶口罩嘅話.. 喱款未必太理想.. 磨得多會有少少🤏搓泥

mandy好用推薦：ALLIE NUANCE CHANGE UV GEL (ROSE CHAIRE)  燦爛光澤肌UV防曬水凝乳（薔肌玫香）  SPF 50+ PA++++  HK$149/ 60g ALLIE燦爛光澤肌UV防曬水凝乳是舊版,  新版改名為ALLIE持采亮化UV防曬水凝乳(薔肌玫香) 跟持采濾鏡調色UV防曬乳不同,  (舊版)燦爛光澤肌UV防曬水凝乳是適合同時面部及身體使用 的防曬產品, 質地相對地更水感清爽, 而且非常易推開, 同樣不油不笠, 不會覺得焗。 新版ALLIE持采亮化UV防曬水凝乳改為 具提亮及妝前底霜的上妝效果(比較適合只在面部/頸項使用)。 而新版本中適合同時面部及身體使用的防曬 分別是無色素、無香料的ALLIE 持采UV高效防曬水凝乳EX (90mL)及 ALLIE 持采UV高效防曬乳EX (60mL)。 最後, 如果大家喜歡無色素、無香料面部用的防曬/妝前底霜,  也可考慮新版的ALLIE 持采UV高效防曬亮顏飾底乳EX。 容量較持采濾鏡調色UV防曬乳多20g, 價位相對更加抵買。 想便宜一點又不是很在乎去黃提亮/修飾毛孔,

Molly Chan好用推薦：已經用了超過兩枝，覺得欠它一個好評，所以現在才來補回🫣 怕油膩的我最愛用啫喱狀的防曬，手感清爽又不會油笠笠，這枝防曬塗上面的效果很清爽水潤，看上去皮膚有了一層光澤，好像水光肌的效果，而且不傷害環境，去海灘都沒有問題。唯一是份量較少，很快用完又要再買。

Kylieee好用推薦：本身因為驚呢個版本係無色 （慣左口罩期搽有色防曬再加蜜粉） 所以最初買嘅係玫瑰版本 點知呢隻上臉都有好自然地提亮面部 唔油唔笠，gel狀非常易推勻， 上臉唔易顯防曬痕，仲傳聞唔易甩/溶 大支過玫瑰版好多，一支可以用好耐，值得入手

Jane好用推薦：有SPF50/PA++++ 的防曬，而且好保濕，好啱秋冬使用，有淡淡花香味，但需要較長時間香味先會散開。

auntiemuscle好用推薦：呢支防晒勁岩秋冬/乾皮使用 佢係吱出來乳液狀 好易推，冇閃/調色提亮功能 冇泛白 但有保濕同油潤感 唔會好似有層野咁冇咩負擔 因為我唔係太喜歡泛白有層野果種防晒 秋冬我都係用呢支防晒同埋當妝前使用 冇同我用梗既底妝打架/起屑同kick粉😁

TongTong好用推薦：多謝Cosme今次俾機會我試用雪肌精亮白水感防曬精華乳。雪肌精呢個名我細細個就聽過，亦都係品牌嘅忠粉，所以每次佢出新產品，我都會買嚟用。 今次好驚喜收到期間限定包裝附上洗臉肥皂，等我可以唔使用卸妝產品，便可以使用附上的肥皂，簡單卸除防曬乳，十分慳時間！同過往雪肌精產品一樣使用天然成分，例如：薏仁及多種和漢植物嘅美容成分，有效抑制黑色素嘅形成，最適合經常需要戶外工作嘅我使用。今次新嘅珊瑚友善配方，能令卸妝後對環境污染不會造成負擔。而且防曬乳質感毫不黏立，更不會造成泛白，在持續使用14天以後，肌膚變得水亮透光，而且色斑亦變淺色，肌膚提亮不少，我會繼續使用。

natanatalie好用推薦：價錢算是比較親民，略嫌有輕微酒精味道。對酒精敏感的女生可能不適合，但質地是很清爽易推開的。

natanatalie好用推薦：感覺非常清涼，質地也很清爽流質易推。但是查完後會有一層感覺油油的薄膜在肌膚上，感覺不舒服。

劉肥貓好用推薦：長期回購嘅防曬品 冰涼水狀夠貼面 唔會泛白適合我油性皮膚怕黏笠嘅人使用 價錢夠平

Angie好用推薦：細細支擺喺手袋同背囊都好方便，有時候出去全日戶外活動補防曬唔使再帶咁大支出門口，可惜而家已經冇出

lingbb好用推薦：- 細個除咗biore會用一定係Sunplay -包裝好吸引我買，紅紅橙橙嘅色放係手袋好易搵到 - 細個覺得防曬系數愈高愈好，就會買呢枝 - 噴霧噴出黎都算乾爽唔黏笠，噴霧真心方便補防曬

CLS24好用推薦：最有感覺就係控油，通常下午先需要印走d油/汗，但仲feel到防曬仲起度，夠晒持久！其次清爽，油肌真係0負擔感啊！佢有提亮膚色作用，少少啦，未到好明顯，岩岩上臉係白d，但之後會變番透明，不泛白，我仲會擦埋條頸！ 我就最中意夏天用佢！即使咁熱咁濕，都唔會致痘/出油脂粒！佢係SPF50+ PA++++，高效防曬，室內戶外都唔洗擔心！ 不過如果用個陣，皮膚比較缺水既話，可能會覺得難推！建議先上薄薄一層面霜打底先！隔1-2分鐘吸收左，先再上呢隻防曬！！

jaye好用推薦：近排天氣開始轉熱，追求透薄清爽又要有高防曬指數既防曬既，呢款La Roche-Posay每日高效提亮防曬霜（清爽）岩晒混合同敏感肌。質地係白色霜狀，質感潤滑易推，十分之貼薄，而且蘊含NASA研發吸油成分AIRLICIUM™ ，清爽唔油膩，唔會增加肌膚負擔及加速出面油，另外又加左La Roche-Posay既溫泉水，有埋舒緩保濕及抗自由基功效，仲要無添加香料同PARABEN，又抗污染物，敏感皮膚既我無論有冇帶口罩用左都無泛紅刺激或引起粉刺問題。不過呢款清爽版無調色功能，毛孔亦未能遮蓋到，只有輕微提亮膚色，唔會泛白，想要調色功能既佢仲有另外一款係rosy。日常落街個陣我就單獨作防曬霜用，需要化妝時我就當係妝前底霜用，由於質地透薄又保濕，所以唔會同化妝品打交，我自己就覺得好岩最近轉熱既天氣用，春夏天就更加岩啦，高度防曬又提亮度膚色，仲要水潤唔黏笠！仲有仲有，佢係2023消委會推薦既其中一款防曬產品！推！！！

mandy好用推薦：Canvas Sun Protect Gel SPF30 天然清爽透薄防曬乳液SPF30 $425/ 40ml （購物換購價HK$340) 乳液狀的天然清爽透薄防曬乳液是 我用過最清爽無重的防曬， 比不少日系開架防曬質地更水潤輕盈無感， 延展性很好，極易推，可輕易在面上均勻推開。 使用感也是極緻清爽舒適， 誠意推介給油性肌及怕笠人士使用。 由於不帶明顯香味，男女也可使用。 成分簡單，以防曬成分及保濕等成分為主， 而且不含酒精及色素，如果沒對香料敏感， 敏感肌也可使用 (我使用後，面上也完全沒有不適)。 SPF30 適合上班使用，如需户外活動， 請改用SPF50/ PA++++的防曬。 價位實在是比較高端，不過品質及使用感都很不錯，性價比雖然不高，但也是物有所值，特別是喜歡輕盈無重質感的靚靚絕對可以一試。 補充:  日系開架防曬質地大多是輕盈Gel狀， 但使用時還是會感覺到有搽防曬; 天然清爽透薄防曬乳液SPF30 卻是會以為自己沒擦防曬，真的無感耶! 含防曬成分：二氧化鈦, 2,2-亞甲基-雙-(2H-苯並三唑-2基)4-(四甲基-

takemyokane好用推薦：去年夏天幾乎都在用它。作為混油肌，已經不知道試過多少不適合塗在臉上的防曬，最後淪為身體防曬。所以一開始從專門店得到這支試用裝的時候，實在不抱有期望。 結果一用，質感非常清爽，有提亮效果，而且成份天然無香味，對肌膚毫無負擔。質地算易推，不過要分幾次薄推才做到透薄感和不留白。全日臉部都不會有塗防曬常有的焗促感，很好用。

A&R好用推薦：專門店送嘅試用品，使用咗兩次，質地小小似乳霜，好容易吸收，防曬都有50 度，查完之後唔需要搽化妝品都可以，適合用喺夏天暴曬嘅日子，曬咗一日都唔覺皮膚曬黑咗，缺點係唔太防油。

mandy好用推薦：Kiehl's Dermatologist Solutions Ultra Light Daily UV Defense Tone Up Cream  SPF 50 PA++++ 醫學全效抗污素顏防曬乳 功效: 防曬, 抗污染, 均勻膚色, 保濕, 抗衰老 質地輕盈清爽又保濕, 易於推開, 而且沒有黏笠感。 高防曬系數, 即使戶外活動也有足夠保護。 一瓶=防曬+素顏霜, 省時方便。 使用後, 肌膚即時水潤美白提亮, 彷如用了柔焦效果。 為肌膚添加透明感及自然光澤,  效果比韓系tone up cream/素顏霜自然。 醫學全效抗污素顏防曬乳現已停產, 可改為使用醫學全效抗污染CC防曬乳 SPF 50 PA++++, 具有調色及遮瑕功效。 含防曬成分: 桂皮酸鹽, 甲酚曲唑三矽氧烷, 對苯二亞甲基二樟腦磺酸, 二氧化鈦, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪 及 二乙基氨基羥基苯甲酰苯甲酸己酯 保濕成分: 丁二醇, 甘油, 丙二醇, 辛乙二醇 及 黃芩根萃取 抗衰老成分: 甘油, 維他命E 及

Milo101好用推薦：🌟防曬系數有SPF 50，但質地非常水潤，感覺不錯 🌟無香，不含刺激性成份 （圖中右邊cica blemish那種）

Angie好用推薦：朋友大力推介嘅一款防曬😎 質地好水潤，好容易推，夏天同冬天都適合使用🙆🏻‍♀️ 用完塊面完全唔會泛白👍🏻

Becca好用推薦：呢支防曬最好嘅地方係有輕微遮瑕效果，搽左之後膚色會均勻返，皮膚望落去會好左滑左 如果油肌嘅可能會覺得笠，但我混合肌就覺得ok 唧出黎似粉底液顏色，我黃皮膚搽上去會有白左半度嘅效果 唯一缺點係有啲難推，搽晒skin care 後盡快搽就會易推少少 防曬方面，因為通常返工用，喺室內時間長，所以評價唔到防曬效果

ferferfer好用推薦：會試用佢係因為想要一支肉色有少少遮瑕度嘅防曬，俾戴口罩嘅時期用。結果係符合呢個期望，當然太深色嘅瑕疵係遮唔到嘅。 質感係易推開嘅cream，我本身皮膚白，佢比我膚色深少少同埋帶粉紅，搽上面係好氣息嘅感覺。上面之後係有啲笠，所以我係一定要加碎粉定妝。佢亦都冇乜控油效果，唔會令皮膚乾，亦都唔太感覺有補濕。 係會回購嘅防曬。