KOSE 雪肌精

雪肌精水感亮肌防曬乳液 Sun Protect Essence Milk N

多謝Cosme今次俾機會我試用雪肌精亮白水感防曬精華乳。雪肌精呢個名我細細個就聽過，亦都係品牌嘅忠粉，所以每次佢出新產品，我都會買嚟用。 今次好驚喜收到期間限定包裝附上洗臉肥皂，等我可以唔使用卸妝產品，便可以使用附上的肥皂，簡單卸除防曬乳，十分慳時間！同過往雪肌精產品一樣使用天然成分，例如：薏仁及多種和漢植物嘅美容成分，有效抑制黑色素嘅形成，最適合經常需要戶外工作嘅我使用。今次新嘅珊瑚友善配方，能令卸妝後對環境污染不會造成負擔。而且防曬乳質感毫不黏立，更不會造成泛白，在持續使用14天以後，肌膚變得水亮透光，而且色斑亦變淺色，肌膚提亮不少，我會繼續使用。

見到咁多負評，但我真心覺得好正，絕對有驚喜，質地輕薄無負擔，超清爽，適合油皮用，絕對唔泛白，最緊要係唔會翳眼，整體感覺超好，用完一定會自購。

用這支防曬也有兩三年以上了，之前回購過N瓶，試過很多不同的防曬還是回到這支的懷抱。它的味道是雪肌精一貫的香味，帶一點酒精味，倒出來是水潤的、很順滑，容易推開。它是防水的，剛塗到臉上是有點潤的質地，但過一會它就變得清爽了，我用那麼久不曾跟底妝打過架，也不曾起過暗瘡、粉刺，是一款很穩陣的防曬！ 它塗在臉上會有一點美白的效果，這點我很滿意！夏天的時候，我固定的底妝組合就是塗這瓶防曬+粉餅+蜜粉定妝，清爽之餘也不容易融妝，T zone位偶爾冒出油光用蜜粉餅補補妝立即搞掂！ PS: 它的防曬係數是SPF50+ PA++++，防曬能力相當不錯，試過帶去北京+雲南的夏天，在太匆忙沒有經常補的情況下也沒有曬黑多少（不要學我，在陽光猛烈的地方旅行不補防曬很容易曬傷、變黑和起斑)，防曬要經常補、塗足量才能保持白皙皮膚，推薦這款給大家！

完全唔建議用上面，因為佢會形成一層膜，焗到生暗瘡，所以我會用佢嚟搽手腳。佢完全唔抵用，性價比好低。

防曬指數高而且有少少提亮效果，但似乎和某些底妝會打架起膠粒 😑

我係donki拎左包試用裝黎用，照平時護膚程序之後搽上面啦，我已經等我d護膚品吸收一陣先再搽，點知佢居然會起屑...真係化妝最絕望嘅情況沒有之一😑我平時用其他防曬都唔會有尼個問題，而且護膚程序一樣，咁就一定係佢問題啦🙃而且味道都有d刺鼻，不推薦

防曬度足夠，但相對其他曬感覺不夠清爽，會與粉底打架，可能質地比較難推開/自己事前塗太多保濕產品有關。在不化妝的日子倒是滿好用的。

因為有用開雪肌精化妝水，所以對佢同line嘅防曬都有少少期望，可惜之後覺得又笠又油，係無論用喺面或用喺身都好難handle，所以用咗唔夠10次就放埋一邊😔😔