角質護理 推薦好用產品

Kura好用推薦：我係呢個牌子嘅忠實fans，由我中學時期就開始用，呢個牌子嘅面膜好大容量，我每次都會厚敷10分鐘，然後清洗，用水洗走塊臉好乾淨，用咗呢款面膜之後生痘痘嘅情況有減少，呢款面膜嘅味道好天然，價錢都好合理，一罐可以用到好耐，用完之後個鼻啲毛孔好乾淨，黑頭粉刺都有減少到，特別係夏天用超正，控油效果一流

lingbb好用推薦：用完可能會有d乾，但乾淨泥係呢個牌子既皇牌！ 呢款係清潔泥，質地好似海底泥、好易上面。 有陣味道但唔濃烈可接受。 呢款係我沖涼前查完就可以沖涼時即洗， 但因為泥好貼面，最好搵紙巾抹走大部份才過水，用完之後面色均勻咗，隨後我會敷保濕面膜，咁樣就做到先清潔後保濕，會令精華易吸收！

葉子🍃好用推薦：淡橙色洗面乳，入面仲有橙色粒粒，起泡快，可日日使用，黑頭唔算清得太乾淨，不過去角質同控油方面都做到，洗完都唔會乾，不過粒子粗身，磨擦感覺會強啲

Hazel好用推薦：尼一支係透明管身裡面有亮晶晶嘅洗面乳同橙色顆粒，擠出嚟加水可以起泡，洗得乾淨唔崩緊，塊面仲滑滑嫩嫩咁，又平，cp值極高！

Milo101好用推薦：🌟乳白色乳霜面膜，質地真的蠻像乳酪 🌟香氣淡淡的，反而同品牌的洗臉乳的酸甜香氣會比較像乳酪 🌟成份有greek yogurt，主要是平衡皮膚微生態，敏感肌都可用的 🌟厚敷會比較好，敷著的10-15分鐘，cream mask會慢慢變薄，像被皮膚吸收了一樣 🌟夏天可以放進雪櫃，敷的時候就會有冰涼感覺很爽 🌟敷完即時有感柔滑潤澤，皮膚有注水感，而且有一層滋潤膜 🌟感覺不錯，可以長期使用，維持水油平衡 （這個品牌經常有優惠，圖為多次官網購物相贈的面膜旅行裝～） #夏季必備保養

CC好用推薦：呢隻牌子主打喺希臘生產，用咗希臘乳酪，添加咗大量益生菌，標榜可以舒緩泛紅敏感肌同埋鎖水。 顏色偏向白但透住一d粉色。味道聞落去就真係純天然無添加嘅感覺，帶一點0糖乳酪味。但對於一個敏感乾燥肌膚嘅人嚟講，我覺得舒敏絳紅程度不高，保濕度亦唔算標青同突出，唔夠坊間紙面膜滲透率高。 只係佢主打天然，但以呢個價錢嚟講，性價比略為低左少少，有啲overpriced。

LorraineTsung好用推薦：呢支係之前植村秀送既會員禮物 已經用完扔左 本身好易敏感～但佢無敏感 同落得好乾淨

maylam好用推薦：用黎卸會染唇嘅唇妝 會卸得更加乾淨 不過覺得市面上有更加平嘅選擇

YY好用推薦：D program 依個brand以前去親日本🇯🇵會見到，但唔太熟悉無乜人介紹🫥依加香港多咗日本🇯🇵藥妝店，有機會認識下D program，原來係shiseido旗下牌子。 依支係酵母益生元乳液，主打水油平衡。流身水狀質地，非常清爽，吸收都幾快，朝早用完之後上妝完全無搓泥🫶🏻 混合肌夏天用都幾適合。暫時我只是係皮膚敏感/爆粒粒既時候用，感覺舒緩。用完第二朝泛紅少咗既。但如果想用依枝乳液針對去痘就無效喇。始終不年青，希望用有針對性功效護膚品😂 總體而言夠清爽，維持皮膚穩定一流， 但就無特別功能追求（eg 抗衰老、美白❌）。

zetalhc好用推薦：呢隻Emulsion補水得來好滋潤，油痘皮膚唔會覺得有負擔好清爽，用咗一排真係覺得暗瘡都出少咗

zetalhc好用推薦：鎮靜紅腫效果唔錯，皮膚無咁痕同暗瘡發炎消左少少，而且都有一定嘅保濕效果。一塊都係$10左右性價比好高

Laam好用推薦：Innisfree一向都係價錢親民嘅牌子 面膜都好抵買仲有好多款揀 茶樹呢隻味道幾好聞，精華質地偏輕身唔笠 保濕度正常，唔會太油潤為肌膚帶嚟負擔 係好啱油性皮膚用嘅質地 自己慣咗敷完Paper mask會過一過水，沖走多餘精華 呢隻真係好啱油痘肌，價錢又抵👍

natanatalie好用推薦：粗用都不心痛的面膜，用後肌膚變得細緻和明亮，而且價錢不貴，推薦給大家

Karman28好用推薦：朋友係日本買番黎送比我既。佢係唧出黎黑色，敷一陣等佢乾再撕出黎，但唔知係咪我用得唔太好，一係乾唔哂，一係無辦法成塊撕出黎。同埋無乜粉刺成功撕到出黎。

格仔餅公主好用推薦：當初見到結衣BB做代言即刻狗衝，好鍾意佢梳乎厘呢個gimmick 好得意，佢又真係增加到皮膚嘅彈潤感

Aivlys好用推薦：19年底喺福岡藥妝店買入， 仲送咗一支24mL嘅雪肌精化妝水試用裝。 個人好欣賞佢嘅設計係泵裝， 可以輕鬆擠出想要嘅份量而毋須手動倒出嚟。 可能因為泵頭有特別設計， 擠出嚟嘅乳液真係好豐盈蓬鬆， 唔似一般乳液倒出嚟一灘嘢咁。 乳液本身係白色帶有雪肌精一貫花香味， 值得一提係聞唔到酒精味， 唔知係咪改良過配方呢？ 搽上面吸收得好快， 而且皮膚唔會痴立立， 望落比較霧面同乾爽， 但同時都做到保濕鎖水嘅效果， 晚黑用完第二朝起身都唔會成塊臉油立立或者乾爭爭， 效果有驚喜！ 用完之後如無意外會回購！

lepetitblanc好用推薦：幾好用👍🏻👍🏻買左第8盒 貼面 冇多餘稀溜溜精華滴出黎，店員話可以幫口罩肌既暗粒做消炎鎮靜，溫和水油平衡，即刻試下佢 100%植物成分，我勁易敏感敷完冇事，仲有敷完第二日，粉刺謝左同埋白淨左 $19/塊會keep住每日用

keinice好用推薦：容易吸收，喜歡面膜紙的設計，比較適合夏天使用，不會過份滋潤。

Zoe好用推薦：聽過Tatcha呢個brand都會知佢呢款大米洗面乳好出名，之前專櫃買嘢有試用送，膏體係乳白色偏杰身，需要加水起泡，起泡嘅時候會見到有白色微細粒粒，有米糠嘅成份，但上臉唔會有磨砂嘅感覺，非常溫和，洗完臉唔會覺得繃緊，但同時感覺到皮膚係乾淨，睇返介紹成分係PH值中性氨基酸，以及加咗透明質酸，所以洗完臉都會有滋潤嘅感覺

Rachel好用推薦：平平無期 性價比一般 清潔力麻麻 油肌用可以，唔建議乾肌 唯一好處就係敏感肌可以用🙈

Giselle 好用推薦：The Body Shop 咖啡速效喚肌面膜 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前聖誕節呢個牌子出咗聖誕套裝嘅時候入手咗(๑˃͈꒵˂͈๑)佢浸咖啡味係真係超級香超級好聞₍ᐢ⸝⸝› ̫ ‹⸝⸝ᐢ₎如果係平時鍾意飲咖啡嘅小夥伴亦都會覺得佢好香( ⸝⸝•ᴗ•⸝⸝ )੭⁾⁾呢款係主打可以令疲倦嘅肌膚變返有光澤*ˊᵕˋ)੭搽咗上臉後係feel到一種暖暖地嘅感覺(✿︎´ ꒳ ` )♡︎面膜入邊亦都會有啲粒子，洗面嘅時候可以做埋磨砂去角質嘅步驟 ⁽⁽٩(๑˃̶͈̀ ᗨ ˂̶͈́)۶⁾⁾洗咗面之後係feel到皮膚係真係有變得光澤咗，望落去個人係精神咗( ˶ˆ꒳ˆ˵ )但係用完之後亦都feel到塊面都真係有啲乾(´._.｀)如果係同我一樣皮膚偏乾嘅小夥伴一定要做好後續保濕步驟哦( ･ㅂ･)و ̑̑

Kpl6be6好用推薦：一拆開有香濃咖啡味(順便提神？！)均勻塗抹敷上～夠鐘記得輕輕按摩順道磨埋砂～用後塊面摸落滑一滑～

Jayla好用推薦：佢係一款撕拉式面膜，所以會有一定嘅刺激感。用撕拉式面膜要注意嘅就係盡量要搽得均勻，特別係鼻翼位，如果唔係就好難乾。 呢支面膜有陣藥草味，雖然唔係雪花秀平時嘅人參味，但我都覺得幾好聞。佢嘅質地唔算太乾都算容易搽得平均，但亦都係咁所以係需要比較多時候先乾得晒。用完之後會覺得有透亮感，但就唔覺有拉走粉刺。所以我覺得佢係清潔力比較低嘅，只係去除表面嘅老化角質。 我一般都只會用係下巴同T字位，臉頰部份都係留返只用酸類保養就夠喇。

葉子🍃好用推薦：味道係草藥味，比較難推開既啡色膠狀，每次份量都要比較多，仲要好平均同快搽完，不然好難可以一張撕落黎，用完唔會好似其他撕拉面膜睇到好多黑頭粉刺，撕完皮膚無甘傷，算係比較溫和既一款，用完摸到係好滑身，面色亦都無甘黃，唔好處係好難控制份量

unclecar好用推薦：早排官方網站新年折扣買咗一堆片裝面膜同套裝毛孔清潔面膜，價錢好超值。面膜質地是深灰色泥膏狀，比較杰身，但用手輕輕推開都算容易。 一個星期可以用兩次，洗完面輕輕抹乾水，襯仲有輕微濕嘅時候即刻塗抹，厚度只要見唔到膚色就可以。過5-10 分鐘面膜會變淺色同乾，咁就已經可以清洗。對於油脂分泌比較多嘅男士個人覺得清潔度好好，用完係面層嘅粉刺都去到唔少，特別係鼻頭同鼻翼毛孔感覺輕鬆通爽唔少。唯獨用後會有少少乾，要盡快後續保濕護膚。

Heychauchau 好用推薦：跟一般泥膜一樣，乾了會有緊繃感，但皮膚會看起來比較乾淨，少了黑頭粉刺，而且T字部位出油情況有改善，但後續要用多敷保濕面膜，不然皮膚也會持續出油，而導致黑頭和痘痘出現。

Heychauchau 好用推薦：有使用過同系列的精華和乳液，補濕效果還可以。這款號稱也是保濕系列的洗面乳，乳化效果不錯，洗完臉後會有清爽感，感覺有把皮膚的污垢帶走，但不會覺得皮膚很緊繃，只是略嫌有點乾，後續使用保濕類產品加強保濕就可以了。

Connor好用推薦：味道係我好鍾意嘅海洋味，都算易搓易起泡，清潔力中上，但對乾皮嚟講，洗完面會覺得有啲繃緊，要加強返補濕😬

lingbb好用推薦：- CP值勁高嘅洗面膏 - 被積雪草呢幾隻字吸引，同埋便宜大罐 - 氣味清香舒服，用打泡器輕易打到棉密泡泡，上面超級細緻舒服，過水後塊面唔會乾（冬天會有小小乾）、面色明顯均勻白淨左、毛孔細緻，好乾淨 - 呢個價錢咁大枝有咁嘅功效，推薦👍🏻我個人認為份量大到可以兩個人用都有排用得哂

royu3好用推薦：夏天少不了水上活動，但曬後肌膚易出現乾燥崩緊，這時候我必定會用VT Cosmetic 積雪草系列的產品。這枝洗面乳蘊含蜂膠萃取及透明質酸，在溫和去除皮面污垢的同時，為肌膚補充水份。添加積雪草萃取，有助舒緩曬後肌膚不適，任何膚質都適用！ 我會用起泡網搓揉出棉密泡，徹底滲透每個毛孔，帶走污垢。用後肌膚不繃緊，更明顯降低了曬後造成的泛紅情況！而且CP值高、300ml容量大！一枝可以用很久呢！

Heychauchau 好用推薦：#火熱新品 有別於其他的爽膚棉，只限於清理角質層，innisfree維他命C綠茶酵素透亮爽膚棉在清理角質的同時，可以打擊皮膚暗沉，擊退黑色素和色斑，讓皮膚能夠重拾光澤。由於我本身很喜歡吃炸物，時不時會冒痘痘，所以臉上會留下痘印，使用這個爽膚棉後痘印的顏色有變淺，也同時解決我皮膚膚色不均勻的問題，皮膚的透亮度有提升，變得有光澤感。

lingbb好用推薦： 質地比般pad滑身，好多精華，非常黃色，抹完面以為會變淡色但原來唔會變色，抹完面皮膚變得超滑身，我一般係晚上時用，但由於塊棉太滑感覺係去唔到角質，但用完皮膚滑同埋水潤好加分，暗瘡印都有減淡，面色都有均勻 #火熱新品

Hoilly好用推薦：係價值投資既！十分推介！ 一支搞店我呢個難護理既肌膚（輕熟肌+敏感肌+混合性肌）雖然係有d質地, 但易吸收！皮膚整日都keep到水潤光澤，唔係一般同類產品只會keep到幾個鐘～已經回購第三支了♥︎♥︎♥︎♥︎

JuneL好用推薦：呢支精華水底部會有層白色幼細粉未，每次使用前先搖勻後才倒出來用，用後肌膚會無咁易出油，肌膚會變得乾爽，對於容易出油肌膚用，控油效果都唔錯的。

jaye好用推薦：敏感肌既我特別慎重選擇去角質/磨砂產品，aesop呢款去角質產品真係好好！草本味道，質地好似乳霜甘，有石英微粒同乳酸成份，搽上臉好易推開，好滑，粒子雖然係明顯，但粗幼度適中，按摩落塊臉部完全唔會有粗糙或吉既感覺，加水按摩2-3分鐘後，再靜待1-2分鐘度，洗淨後係完全覺得好乾淨而完全無繃緊，皮膚係馬上柔軟光滑左，後續護膚品既吸收度係明顯高左，第二朝化妝又會睇到個妝都貼左！要溫和又有效甘去除同軟化角質，aesop呢支真係特別岩敏感肌！而家春夏既時候每星期用1-2次（敏感肌），輕輕係臉部搓揉，粉刺較多或者容易出油的部位就按摩多幾下，兩三星期度已經有感！同埋每次用既分量其實唔駛多，所以好耐用，性價比相對而言其實真係好高！真心唔推唔得！

Cole Cole 好用推薦：皮膚擦子膠，有少少似磨砂，洗完之後皮膚有少少麻麻地的感覺，唔算太溫和，有少少強烈的感覺，要即刻搽返護膚品，個人認為都係用返普通嘅潔面產品已經OK。

Noelle S好用推薦：路過見到特價試試。正常的洗面膏，容易起泡，洗完面有潔淨感但唔算乾，名符其實做到moist的效果。價格便宜，家人齊齊用!

東區蘇牙琳好用推薦：Cp 值好高嘅洗臉乳，好起泡✔但洗完臉部會偶爾有啲乾，未見明顯亮白效果，洗完最好接住護膚會比較理想，呢個價錢唔要求太多，洗面係乾淨嘅！

橘子貓好用推薦：購自@cosme store。 純水狀的化妝水，有一股淡淡的草本味。雖然是角質調理的產品，但使用感很溫和。在長痘、過敏的膚況下，或是天氣比較乾都可以用，不會刺激。 可能我油肌的T位角質偏厚，用完一瓶未有感受到出油或是粉刺減少。對消炎褪紅去暗瘡方面也沒有太大效果。 不過使用期間，膚感良好，不會加重油肌負擔，而皮膚有明顯保濕感。 可以一試的產品。

Tiffany好用推薦：水狀的Toner，有小小保濕感。乾肌用後不會有刺痛或者過敏，但用完一枝未見有明顯去暗瘡或者改善膚質的功效。