KOSE 雪肌精

梳乎厘美白精華乳液 Essential Souffle

19年底喺福岡藥妝店買入，
仲送咗一支24mL嘅雪肌精化妝水試用裝。
個人好欣賞佢嘅設計係泵裝，
可以輕鬆擠出想要嘅份量而毋須手動倒出嚟。
可能因為泵頭有特別設計，
擠出嚟嘅乳液真係好豐盈蓬鬆，
唔似一般乳液倒出嚟一灘嘢咁。
乳液本身係白色帶有雪肌精一貫花香味，
值得一提係聞唔到酒精味，
唔知係咪改良過配方呢？
搽上面吸收得好快，
而且皮膚唔會痴立立，
望落比較霧面同乾爽，
但同時都做到保濕鎖水嘅效果，
晚黑用完第二朝起身都唔會成塊臉油立立或者乾爭爭，
效果有驚喜！
用完之後如無意外會回購！