立體感 推薦好用產品

Water好用推薦：呢款產品有齊highlight & contour，又平，性價比之選！我係01色號，最basic全matte色，contour都有唔同深淺，新手都唔易出錯。個掃都幾好用，掃鼻影啱啱好！ 佢唔算超級顯色，好處係唔會上到一撻撻，同溶妝都唔會明顯，但需要少量多次咁上。

yykk88好用推薦：上網見人哋介紹呢個修容粉好啱初學者用，於是就上網買咗呢個canmake修容粉。本人係CANMAKE TOKYO嘅忠實粉絲～好多product都有買過嚟用，呢個係類似佢嘅胭脂粉咁，不過個掃係打斜嘅，方便掃喺面頰兩側位置或者眼附近位置。佢嘅修容效果我覺得還好，算係自然唔誇張嗰種～ 總括而言：| (• ◡•)| 質 地：❤️❤️❤️❤️🤍 顯色度：❤️❤️❤️🤍🤍 持久度：❤️❤️❤️❤️🤍 價 格：❤️❤️❤️❤️🤍 推薦度：❤️❤️❤️❤️🤍

Noel好用推薦：因為玫瑰壓紋入手的！難得 KATE 走型格路線，也會偶爾少女心，於是入手了這盒玫瑰三色眼影🌹色號為 #OR-1，很日常的橘色調眼影粉，三色分別為：啡、橘、香檳。 因為這盒只有三色，已經係 no brainner，打底色，眼尾色等，都一目了然，零出錯👌 美妝入門，或眼影新手，都能輕鬆駕馭❗眼影粉質幼滑，不會有顆粒，質感良好，亦沒有飛粉問題👍（唯一，拼色上比較悶，也不能畫出另一眼妝。但這個問題，購買前已經明白。） 顯色 🌟🌟🌟🌟🌟🌟 粉質 🌟🌟🌟🌟🌟🌟 持久 🌟🌟🌟🌟🌟 價格 🌟🌟🌟🌟🌟

橘子貓好用推薦：Dark Rose Shadow #OR-1 眼影外形設計滿分！三色眼影壓成一整片玫瑰花圖案，很特別。 粉質來說，細緻度、飛粉程度、易取粉、顯色度、暈染力等各方面表現都理想，屬於不太需要技巧就可以輕易畫出一個簡單的眼妝。 至於持久度和氧化程度方面，跟大部分開架品牌眼影表現一樣：一般。 唯一使用上要留意的便是最深色那一邊的棕色，過度暈染會容易令橙色變髒。 如很喜歡玫瑰壓花，可以考慮入手。

jaye好用推薦：呢盒Orgasm X 胭脂限量版，包裝超靚，顏色都好靚，Orgasm胭脂粉色自然紅暈，orgasm X更為偏向蜜桃色和珊瑚色，兩隻色粉質都一樣超細緻又柔滑，易暈染均勻，顯色度高，要輕手啲，當然亦可以任意疊加，由自然色調以至大膽鮮艷的高彩度色調都做得到，另外個金色閃粉同樣細致，可作為眼影亮片，十分貼服，自然又精神，日夜妝容都唔會覺得誇張或濃艶。仲有，成盒野不含香料不含酒精，好岩敏感皮膚既我，好鐘意！

ferferfer好用推薦：中間orgasm 隻色上面真係好自然好靚，右邊嘅orgasm X 就絕對唔好貪心，用少少已經好上色，金色highlight 色都好自然

mavis好用推薦：顏色靚保濕度高 出嚟角色好自然唔會太深色 少少玻璃嘴嘅感覺，但係唔會黐頭髮

kiulam好用推薦：用緊04號色，上咗嘴之後顯色度雖然唔係太高，但有晶凝通透嘅效果！如果係乾唇嘅應該會幾鍾意，又潤又唔顯唇紋！

LorraineTsung好用推薦：呢款就算最白色 色顯都好暗！ 而且帶妝耐左仲會暗一個色號 但其實妝感好靚 持久度都好好 除左暗各方面都可以

Haidy好用推薦：人生只空瓶過兩個牌子的 粉底液 mac和guerlain!!! 我混合偏乾 四季用這個粉底液都可以！ 妝感超級讚😍很貴婦感的粉底液 夏天要注意定妝 待妝一整天會變奶油肌🥰 如容易出油的一定要帶補妝出街 鼻子的位置較容易脫妝 不過妝感真的很美很美！✨✨

Kelvin好用推薦：多謝@cosme會員禮小禮物，收到嘅係Canmake 鼻影提亮粉01色🤣 男士修容，最緊要係自然唔誇張，同時增強面部輪廓立體。Canmake呢一盒修容餅偏灰啞色，另外highlight唔會誇張，只帶有微珠光😆 平時出街只會搽有色面霜/base,最多都係畫眉同修容。 我習慣刷鼻影唔會太高，類似「！」於鼻子上面輕輕一掃，再好輕手咁喺兩側掃少少陰影粉已經好好睇，用返陰影刷就最好啦。 另外因為男士嘅眉毛通常都會比較鬆散，習慣於眉底位置向樣掃一層光影，令整條眉毛顯得更齊整😊 顯得更加乾淨企理，又有立體感🥰

Yuki好用推薦：多謝@cosme揀中我試用canmake 鼻影提亮粉02。 產品外觀精緻小巧，方便攜帶，加上設有兩頭掃，方便選擇，而且產品背面有教學指引，十分貼心。 就個人用後感，雖然粉質細膩易上妝，但是鼻影粉比提亮粉較效果不明顯，也可能是因個人而異，相比之下提亮粉有不錯效果。而且個人認為提亮粉也許可以用在眼妝上作為部分提亮。就陰影粉而論，本人仍在研究佢如何比較上色，也有可能為了妝感自然而佢的效果不太明顯。整體產品不錯，但希望陰影粉可以有所改善。

jaye好用推薦：呢支唇釉停產左好可惜，漸變顏色包裝有格調，一搽就好水潤感，輕輕搽一層已經有顏色，唔厚身唔黏笠但好貼服。而且個嘴唇好有透光感，好自然，想要更持色就等2-3分鐘多疊搽一至兩層，再輕輕用紙巾印一兩下，就唔會再甩色落口罩，好鐘意，會再試下shu其他唇部化妝品！

Noel好用推薦：不知道這枝唇釉已經停產了，有點可惜啊！既然已買不到，就簡單分享。唇釉顯色度高，光澤感強，很好看。美中不足係略為化學味重了小小。

chasiutung好用推薦：Etude house 水蜜桃10色眼影盤 粉質一般不夠幼滑 塗上眼不容易推開 顏色會一撻撻咁 配色沒層次感 上眼隻隻色都差唔多 會顯眼腫 不推介黃皮膚色吾夠白人士使用 上眼會顯螢光橙色 不好看而且不持久

Hazel好用推薦：尼盒眼影盤雖然出咗好耐已經唔係咩新嘢，但係勝在顏色夠多變百搭，由粉嫩嘅妝容到閃粉到深秋嘅酒紅同啡tone都有齊，秋冬天都用到，粉質幼細好易blend開，顯色度適中，真心好抵玩！ #我的秋冬愛用彩妝

Tongtong Ho好用推薦：// 柔光透明蜜粉 仲係24小時持妝tim 粉質細滑 皮膚0負擔 0妝感 0卡粉 0浮粉 做到保濕同時控油嘅效果 輕鬆打造零粉感啞緻效果 出job都好中意用 絶對係化妝師大推之選！！！！ 上完蜜粉 過幾個鐘面部小小出油 更能妝蜜粉融合肌膚 塑造緞面陶瓷肌效果 非常自然貼服 用化妝掃以按壓方式上碎粉 更易set實個底妝架～ 柔焦效果亦可以輕輕幫你blur 走毛孔tim 已經空瓶左2盒🤭🤭絕對係私心推介😆

rleungyt好用推薦：粉質幼細，帶金色閃粉。個人覺得以定粉蜜粉來說太閃，我會用作highlighter 😅可能做表演者/出席event、要bling bling場合比較可以用作face powder/body powder

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

綺羅香好用推薦：感謝@cosme送 addiction 眼影盤😍，好早之前已經收到，因為顏色偏秋冬，所以一直未有機會用，依家拎出嚟用正好 呢盤眼影嚴格嚟講唔係屬於晴藝眼影組合，而係癮炫訂製入面嘅006號First Romance，外盒係會反光漆黑鋼琴面，幾易留指紋，要經常抹，四格眼影排位同其他有少少分別，啡色霧面色放咗係右上角，左上角就係好靚金橙閃片，下面分別係帶紫調嘅磚紅緞光同帶暗閃嘅紫啡色，眼影質地好順滑，顯色度好高，正好適合配合化一個聖誕party妝，既浪漫，又嫵媚

mavis好用推薦：顯色度非常高，搽一層已經好足夠，滋潤度都好足夠，唔會令到個嘴好乾，冬天都啱用

iliya 好用推薦：真我水潤唇膏非常水潤一啲都唔乾，保濕力十足，而且顏色都比較百搭，配搭唔同妝容都得，特別係日系妝容！

Noel好用推薦：Guerlain 小燈泡粉底，一試難忘的底妝產品，輕易打造靚靚奶油肌，個人感覺完勝同一品牌的 24k 小金條粉底液❣產品含有 97%天然成份及 SPF20~ 我在 02W 和 02N 之間想了好耐，最後入手 02N🤗 粉底液質地很 creamy，手指觸感密著，流動性較低。要提一提，粉底的味道有少少難聞，但上妝後會消散👌上妝工具而言，我比較喜歡用 氣墊粉撲 / 美妝蛋 去apply，氣墊粉撲有效堆疊出遮瑕度，而美妝蛋就能使底妝更清透❗ 上完妝的一刻，會覺得妝感自然，就像自已的皮膚一樣；過了5分鐘左右，可以發現光澤感慢慢透出，很美很自然。小燈泡的遮瑕力不錯，可堆疊到約有7成，暗瘡印和斑點等等，都要加一點遮瑕膏👌 持妝力也出色，化妝大半天，都沒有脫妝問題，晚上觀察，就只出了一點油，妝感仍在，感覺很驚喜💕 遮瑕 🌟🌟🌟🌟 滋潤 🌟🌟🌟🌟🌟🌟 光澤 🌟🌟🌟🌟🌟🌟 毛孔修飾 🌟🌟🌟🌟🌟 持久 🌟🌟🌟🌟🌟🌟 價格 🌟🌟🌟

natanatalie好用推薦：非常滋潤，但個人覺得滋潤度太高，唔太適合油肌，好易溶，不過乾肌應該大愛

Lumi Kwan好用推薦：呢一隻顏色，喺SOGO thankful嘅時候好搶手，如果有減價一定要第一日買。佢嘅顏色非常之突出，只要用好少已經顯色度好高，所以用嘅時候要非常小心。佢嘅色系都好多有啲粉紅色或者珊瑚色，都容易Carrie到自然妝後，我呢個係大有點紫紅色，所以用嘅時候眼妝同唇妝可能就要淡些少。不過，化妝都好睇，當時個潮流，而呢隻色又比較似冬天先會用，所以買咗返嚟用嘅頻率唔算好高，但佢個效果係真係令人幾中意嘅。

Circlecyy20好用推薦：顯色度係10/10 所以真係沾完粉把掃要鄧一鄧先 同埋唔好太重手 但上面之後會好顯白

Hamiii好用推薦：輕輕一畫，用手指粉撲輕輕印開， 就可以好輕易咁做到高光效果：） 顏色自然透亮唔死白，幾好用👍🏻

格仔餅公主好用推薦：個外型勁靚呀忍唔住入手，咁佢個質地都好好係透薄嘅，絕對唔會整到個妝厚一厚，同埋佢好潤，最叻係皮膚狀態唔多好嘅時候用落都冇問題，貴得黎值

Tobimak好用推薦：make up for ever 嘅底妝產品不嬲都出名好用，而我今次試咗呢支超高清無瑕粉底液。 我係一個好少會用完晒一支粉底液既人，而且家中有超過10支以上既粉底液係已開封用緊嘅，因為我每日都會因應心情、妝容、衣着、皮膚狀況來決定當日用邊隻粉底液。 而呢隻粉底液我用完之後仍會再選擇回購，因為遮瑕力不差，但又不會有厚粉的感覺。 但是我用完之後就會比較容易出油，所以容易出油的姊妹記得出街要多照鏡睇下有冇需要補妝了😗

mandy好用推薦：MAKE UP FOREVER ULTRA HD FOUNDATION 超高清無瑕粉底液 $380 功效: 長時間持妝 + 高遮瑕度 + 自然妝效不厚粉 完妝是霧面及零妝感，而且高效遮瑕。 超高清無瑕粉底液最令人滿意的是buildable coverage，遮瑕度較高，而且可以輕薄叠上多一至兩層粉底來加強某些位置的遮瑕度，卻又不會顯厚粉。我在泛紅位置叠了兩層粉底已可遮蓋泛紅部分，底妝看上去還是很自然透薄，也沒有面具感。超高清無瑕粉底液就是上鏡要用的粉底液。持妝方面，直到午後也不出油不溶妝。 我很喜歡超高清無瑕粉底液，可惜現已停產，並推出新粉底，名為HD SKIN 高清隱形持妝粉底，只能希望新粉底也同樣好用吧。

Noelle S好用推薦：順滑唔乾，薄塗都好顯色。焦糖紅棕118 burning clay，成熟柔美，日常淡妝用。厚塗會俾人感覺有點aggressive 再mature啲。食完lunch都留到五六成色，番office先補都ok。想買新velvet nude系列，專門店試啱心水兩款。107 cozy taupe 好鍾意，低調粉棕，21/22N膚色都carry到，夏天用應該幾fresh。320 cheerful goji 珊瑚色就lively啲陽光啲，但真係有太多支唇膏啦⋯⋯心思思考慮中。

mandy好用推薦：MAKE UP FOREVER ROUGE ARTIST 霧光唇膏  $190 MAKE UP FOREVER 新推出的霧光唇膏有著特別的尖挺外型, 質地滋潤柔滑, 易於上妝, 很適合在秋、冬季使用。 霧光唇膏結合了霧面唇膏的高顯色及滋潤型唇膏的自然光澤。 霧面唇膏一般都容易顯唇紋及令雙唇變得乾燥; 霧光唇膏完全沒有這些問題, 而且潤而不笠, 使用感極之舒適, 是令人一試愛上的唇妝名品。 此外, 霧光唇膏的美麗顯色跟秋、冬妝容配搭得很好, 更能突顯女性美。 MAKE UP FOREVER 這次共推出60個不同色調, 應該能滿足大部分人的喜好。 如此多的顏色, 也只有像MAKE UP FOREVER 這個專業彩妝品牌可以做到。 #170 ROSE FLAIR 是很優雅的玫瑰色調, 不同膚色都可以駕馭, 也是很百搭的顏色, 日妝、夜妝及不同場合都可用到。 #320 VIRTUOUS GOJI 是帶一點啡調的紅色, 不太深色比較接近中間色, 很顯白。 #408 VISIONARY RUBY 是經典莓果紅色, 看上去特別精神。

katrina523好用推薦：我鐘意佢夠大支。 唔貴 好水感， 搽身搽面都得 夠方便 同埋顏色選擇都多

🌸好用推薦：質地透薄自然，唔會黐立立。遮瑕度頗高，唔易甩妝，用美妝蛋/化妝掃上都冇問題，簡單易用。

Fng好用推薦：cdp 四色眼影305號色有啡金tone 大地色 ，粉質細緻，冇飛粉情況，持久度十分高， 同埋顏色比較清透 ，唔驚落手重咗。

🌸好用推薦：我喺日本旅行嘅時候買咗四色同埋兩色嘅眼影，自行拼咗一個六色眼影盤出嚟 我哋今次要討論嘅，係上面嘅四隻顏色 以下呢一張係我手背嘅試色圖粉質細膩，雖然有少少飛粉，不過佢好容易上色，每次點少少就已經好顯色。左邊嘅三隻顏色都略帶珠光，好有高級嘅感覺。而最右手邊嘅淺綠色好友春夏氣息，特別適合春夏天嘅妝容。 妝效持久，出去行咗一日街，眼影都冇甩色。

Karman28好用推薦：由Majolica 係香港撤櫃果陣買，用到依家都未用完。 係一隻好顯色既胭脂，本身就帶有粉撲，容易使用。而且佢係帶有閃粉，令個妝更加靚。同埋佢真係好襟用，已經係成日化妝既人，但都用到好耐。

格仔餅公主好用推薦：一盒細細盒方便帶出街補妝，不過粉質就真係普通啦，會顯毛孔，叫做顏色同埋包裝好甜美比較吸引女仔買

A&R好用推薦：好surprise收到@cosme的感謝小禮🥰 多謝給我試用這個Visee胭脂膏，剛好這個顏色橙紅RD421好適合我，有少少閃粉，增加皮膚提亮，而且唔會太浮誇。胭脂盒配送一個胭脂掃，好貼心，出街隨時可以補妝，胭脂容易上色，可能加入左美容液所以唔會飛粉，顏色自然，胭脂上色貼服持久。整體感覺OK，不過不失。😉

choichoi好用推薦：胭胭使用手殘人士福音，疊擦或暈染也可以打造如同擁有天生紅潤雙頰的效果