遮瑕力 推薦好用產品

Emma W好用推薦：Revlon 持久無瑕水印潤粉底液能夠長時間保持妝容，不易脫妝。這款粉底液的質地輕盈，容易推開，讓肌膚感覺舒適，並不會有厚重感。最重要的是，對於想要遮蓋瑕疵或膚色不均的人來說，這款粉底液提供了良好的遮瑕效果，能夠遮蓋小瑕疵。塗抹後，更加光滑和有光澤，又不會起粒粒。一段時間段後，不易浮粉，係減少補妝的粉底液之一。 價錢方面，相較其他高端產品，依個較親民，似一個不錯的選擇。 適合肌膚：任何 成效度：4/5 保濕度：3.5/5 貼合度：4/5 質地：cream狀

Angie好用推薦：唔知點解用得唔多，但係好似有個面具咁，可能係唔適合我膚質使用😮‍💨

mandy好用推薦：GUERLAIN PARURE GOLD SKIN REJUVENATING RADIANCE FOUNDATION - 24H CARE & WEAR 金鑽煥采粉底液 SPF20 PA+++ $805 金鑽煥采粉底液的配方加入微量24K金， 是一款添加護膚成分的光澤型粉底。 金鑽煥采粉底液的質地很水潤保濕， 即使不刻意混入保濕精華也很好推開， 零技巧已可輕鬆在全面均勻推閞。 可打造出人人稱羨的無敵底妝， 妝容非常自然透薄貼服， 就好像天生擁有完美膚質一樣。 最讚嘆的是遮瑕度也非常好， 可以遮蓋面上泛紅位置及部分黑眼圈， 而且竟然能夠將毛孔完全隱藏。 完妝效果是極自然低調的光澤肌妝容。 如果喜歡加強光澤則可配搭光澤型碎粉/蜜粉餅。 午後肌膚只微微出油，沒有溶妝，持久度不錯。 Spf20 Pa+++ 具防曬效能，如需户外活動才需要補擦Spf50 Pa++++的防曬。 配方加入優質護膚成分，化妝同時護膚。 金鑽煥采粉底液是各方面(除了價位)都很完美，沒什麼缺點的粉底液， 而且即使初學者也可以輕易駕馭。 如果大家偶爾想花多少少買入一款優秀的夢幻粉底液，

Kyhy好用推薦：本身係混合肌皮膚偏光 呢個粉底液保濕度高 持妝力強 好自然 冇卡粉

mandy好用推薦：Excel 絲感輕羽美肌粉餅 Featherize On Powder SPF35 PA+++ #FO01 粉餅連盒及海綿 $209/ 粉餅 Refill $149 Excel 的3合1眉筆及4色眼影盤都是名品及熱銷產品, 而本次試用的絲感輕羽美肌粉餅也很好用。 Sana 旗下的開架化妝品牌Excel 在一眾開架品牌之中, 是定價最高的粉餅, 這難免令人有更高的期望。 Excel 絲感輕羽美肌粉餅的粉盒設計非常簡約優雅高質,跟其他的可愛系開架化妝品牌完全走不一樣的路線。 Excel 絲感輕羽美肌粉餅 有著令人喜愛的超柔滑質地,我試過其他的開架粉餅, 粉質都真的不夠Excel的滑嫩。 Excel 的確是貴一點, 但卻是真的很有實力! 但如果大家對價位比較執著, 那也可以嘗試具口碑的Cezanne 及 Visee。 Excel 絲感輕羽美肌粉餅 共推出4色供大家選擇, 分別是較淺色明亮的FO01, 標準色FO02, 標準色(偏粉調)FO03 及較深色的FO04。 基本上淺膚色選FO01, 中間色選FO02 或 FO03, 看那種色號較適合, 較深膚色選FO04。 Exce

貓餅好用推薦：偽素顏的好幫手，開價品牌嚟講算係幾平，粉末好細，質感輕薄，修飾毛孔能力唔錯，但係控油力一般

lllcccyyy好用推薦：我係睇台灣Youtuber種草左呢支粉底的😝 佢係一支好適合春夏季使用嘅粉底👍🏻佢係霧面妝感，控油同持妝能力都不錯！佢上面一推開就變左粉狀咁，唔會有黏膩嘅感覺😌 上個月帶左佢去新加坡旅行，嗰陣仲要帶漏左碎粉定妝🫢嗰陣就係用佢，然後玩一日都冇點甩妝🫢不過嗰陣冇帶口罩🫢之後返香港戴住口罩，係冇定妝嘅情況係用佢就不行了☹️建議大家係潮濕嘅天氣下用佢都係做好定妝會好啲😌

Fng好用推薦：01# 中性2白， 比較適合乾皮膚或者混合偏乾皮膚用 ，妝效自然 ，貼服， 不卡粉，遮瑕力幾好。

Karman28好用推薦：係nars專門店揀左兩款顏色，化妝師幫我試黎遮黑眼圈好得，係好完美咁遮左。如果買，真係要試色上面，咁先可以揀到最岩自己既顏色。 不過自己係屋企用時，無化妝師咁好手勢，出黎效果係差少少。同埋用膏上面，感覺無咁易有乾紋，裂紋。

Pinky好用推薦：固體質地，用既時候用手指warm up，少少份量就夠，唔會乾，輕輕印係皮膚，逐少逐少搽，遮瑕度算高，但唔可以用太多，如果唔係會好易厚

Kura好用推薦：呢款妝前打底幫助到我每日都可以快速上妝，我用嘅顏色係rose，可以提亮同埋均勻返我嘅膚色，令到冇咁暗啞，搽上臉質地透薄，容易推開，用完之後就可以用碎粉定妝就可以出門，令到我全日都氣色唔錯，同埋有40度嘅防曬度數，啱曬我日常返工出街嘅需求，係我今個夏天最鍾意嘅妝前打底 @cosme #妝前打底 #妝前打底

Fng好用推薦：容易推匀又唔會笠，適合夏天使用，同埋spf 40+++，感覺戶外活動用此打底也可以。

auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

Mamamia好用推薦：我膚質係混合偏乾 呢支係上年秋季買既 由秋冬到春夏都有拎黎用 強烈推薦春夏既時候用 因為我本身係一個爆汗既人 超怕熱好容易就會成頭大汗 我呢個暑假不斷試唔用既粉底液夾唔同既妝前乳 最後比我試到用埋primavista既控油妝前乳 成個妝感好靚之餘仲keep得好好 我出晒汗都唔會點溶妝 佢既妝感係好乾淨好自然 又唔會黏笠 我超鍾意呢支粉底霜 但好可惜我秋冬用就會偏乾鼻翼會卡粉 我未搵到方法可以係好乾既日子都用到佢 今年秋冬會再試下其他妝前乳/保濕產品 咁就可以一年四季都用到

Rosa好用推薦：質感容易推開，帶有少量的珍珠光感 由於我的眼皮不是太油的關係 感覺在我身上未能發揮最大的效果給我 使用它在眼影前打底 與沒有打底效果並沒有太大的分別

Nyaaa好用推薦：・目前最愛用Eye Primer ・性價比中上，$16x/11g ・在場唯一一枝用擠頭，衛生，但難控制份量 ・肉色膏狀，有陣舊式粉底味 ・推勻一陣set左變霧面，未set好會難疊，比較難用 ・擺一排唔用會水/膏分離，要捏樽身捏勻返🫠 ・控油力強，疊一層6-8小時一定ok ・室外會出汗/over8小時疊多一層都仲保持到眼皮乾爽 ・用後顯色度高好多，但就會食住色，比較難做暈染 呢枝係需要用多幾次去捉摸用法，整體比較適合大油眼嘅非新手，不過佢改左版了🤞🏻

Lumi Kwan好用推薦：已經用完一支又一支，以前我喺Paul and Joe嘅fans，作為一個妝前底霜，最緊要夠易推同埋夠保濕，但我試過three後，我覺得效果非常之好，仲要有防曬效果。呢個品牌其實香港人真係比較少用，可能廣告唔夠，但日本非常之受歡迎，所以我每次去日本都會入貨。

格仔餅公主好用推薦：有潤色嘅效果，面色唔好個時用佢會有改善🙃睇落精神左，瑕疵都會少啲，出嚟個感覺好自然，撲完碎粉都OK行得

chasiutung好用推薦：Ysl明彩筆 2號色 當時我想買遮瑕 店員推介我買依款 質地水潤 用後感覺一般 遮瑕度低 黑眼圈同痘印都遮吾到 聽朋友講依支係提亮筆/光影筆之類 但因為我本來係為遮瑕而買 所以顏色用作提亮都無乜效果

Noel好用推薦：與 bestie 一起購買 YSL 明彩筆，當時超火紅，無人不曉❗當初我硬要把這枝當成遮瑕產品使用，結果很崩潰，拍出來的照片，用了明彩筆的位置很奇怪😅 還是不要遮下眼了，只用作提亮吧！例如額頭及鼻子，掃上薄薄一層，再拍開，有助明亮該範圍。明彩筆的質感很保濕，又容易控制份量，自帶掃子，超方便👍

Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。

Joyce好用推薦：第一次用礦物粉底，我買的色號是06號neutral ivory（官網live makeup功能推薦的色號），我本身膚色是自然偏白（Kate粉底液用01號色），這個色號對我來說有點深，選色方面可能要花點功夫。 但粉質幼細，配合bareMinerals專用粉掃，少量多次，打圈方式掃上面，就很均勻貼面，不會浮粉，妝感自然，很舒服不會覺得悶焗，不過遮瑕度一般，要疊加幾次先遮到一半，持妝力亦麻麻，大概2-3小時就要補一次，如果是平日只想均勻膚色就很適合，但如果喜歡化全妝的朋友，中途補妝就很不方便。

agnessstang好用推薦：很喜歡的氣墊粉底❤️ 不是新款 已經係2年前出嘅 今年先買嚟試🤣 簡潔嘅奶油白色包裝 粉撲係菱形 尖尖可以更仔細咁上鼻翼、眼底、嘴角呢啲位置嘅底妝 我用嘅色號係Halla 係自然偏白嘅顏色 妝感透薄 唔會有厚重嘅感覺 但遮瑕度幾唔錯 除非係好嚴重嘅黑眼圈同印🐼 大部分嘅黑眼圈、痘印、泛紅都遮到 而且可以喺需要遮瑕嘅位置疊加多一兩層上去都ok 但依然keep到透薄感 減少咗後續遮瑕用量 遮毛孔都唔錯 好容易拍勻 自然透薄嘅光澤+裸肌感✨ 持妝度唔錯 十幾個鐘成個妝都係完整 除咗鼻有少少油 粉盒同粉底補充裝係分開買 唔知係我裝得唔好定點 冇辦法完全合實個粉盒:(

natanatalie好用推薦：#我的崇光感謝祭必買氣墊粉餅 一直對氣墊粉餅都有少少保留，因為我係油肌，好怕用完會油光滿面。。。😞 直到試左NARS水光氣氣墊粉底，我就知揾到一款啱我嘅氣墊了！🥰 佢有超高SPF 50+/PA+++防曬系數，好適合香港而家一年有十個月都係夏天嘅暴曬天氣！而家妝感有自然水感，加上光線折射，會令妝容睇落有韓妝嘅奶油水光肌感覺！夏天用持妝效果都好強，因為佢有保濕成份，一啲都唔乾，但又唔會笠，好適合油肌！❤️

Jcxjessie好用推薦：用左Pony effect 已經好耐喇🥰 我就有用埋佢個base，然後先上cushion 佢嘅補濕做得好好，夏天用唔會覺得笠，冬天用又唔會乾，而且個妝最長我試過hold倒18hrs以上 遮瑕效果都好好，眼袋果啲位拍多幾下就遮得住

Fng好用推薦：各方面表現平均，上妝後奶油肌妝效， 貼面， 遮瑕度中上， 持妝都有六小時 ，之後會溶。

robinsbk好用推薦：呢枝concealer係我2021嗰陣某日見到dfs清貨大減價用$40買返嚟玩嘅😹 買嗰陣純粹覺得嘩幾十蚊唔買就笨 就算唔好用 packaging咁靚都值啦！ 點知！乾肌表示勁好用👏🏻👏🏻👏🏻你見佢俾我用到啲字甩哂就知佢同我經歷咗幾多嘢啦😹夠潤得嚟coverage完全交到功課 可能潤變相無咁long lasting 但可能只係會無咗2-3成左右 完全可接受 同埋佢容量真係大到非常之驚人 勁勁勁勁勁抵用！用咗兩年幾 每次出街就用 到而家都好似仲有好多😹但好似話makeup product開咗咁耐唔係太好 所以我準備買過枝新喇！✌🏻

Nyaaa好用推薦：Too Faced其實係一枝性價比唔差嘅粉底，色號勁多，我用Pearl，偏粉睇落冇咁黃；呢個Matte款控油力中上，另一款肥仔樽就係保濕啲。 上年夏季我都係用佢多，有時仲會混少少精華型粉底再上面，不過冬天用會太乾甩皮。 缺點係始終係唔夠貼膚，同埋唔耐磨，帶口罩嘅情況下會甩好多落口罩，仲會磨到一撻撻。如果冇口罩嘅話佢會係一枝性價比唔錯嘅粉底，3百幾蚊/30ml。佢雖然叫Finish，但上完面係唔會好似Double Wear/MUFE咁好快定左，唔拍碎粉都係唔得，我覺得佢屬於Semi-Finish，或者甚至唔算Finish粉底 同埋想順便吐嘈下，Too Faced啲包裝上面印嘅字冇一款係會唔甩的，尤其係金色字，粉底胭脂隔離霜遮瑕蜜粉碎粉，只要係有成日用嘅都甩到冇晒字

Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5

維他他好用推薦：我用的是2號色 Bb cream是個好東西 一支已具備多種功效 呢支bb cream texture比較厚 好似粉底液咁 一上面已經修飾容顏色 提亮左，光滑左，瑕疵少左 重點係佢都幾防油，用大半日都係鼻頭有少少出油 另外要卸妝，亦用普通卸妝油就可清洗乾淨 懶人恩物！

LorraineTsung好用推薦：天使粉餅係年年都唔同包裝～(但年年都好靚😍) 2020款開始由舊有既3個版本改左做2個版本 分為”GR專櫃版”同”藥妝版”👈🏻 我自己分別有2018,2019,2020同2021版!!! . 我買既2020同2021都係GR版👆🏻 保濕都會好啲定妝無咁乾👈🏻 但無論係邊個版本都係得一個色號！ . 粉質都好細緻柔滑上臉會有好輕微既遮瑕效果 定妝能力同控油能力我覺得都維持到 雖然會有一定既妝感但唔會面具好假死白既感覺👍🏻 不過唔建議油皮使用❌

inkitsung好用推薦：外觀大於內在，年年都會唔同限定款~ 所以都會唔少人會買嚟珍藏~ 佢本身蜜粉又有分藥妝店版本同專櫃版本~ 個人覺得專櫃嘅會更保濕養膚~ 內在方面，粉質都算幼細，有一定遮瑕度，會感覺有啲妝感~

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

Kala好用推薦：粉質幼細，雖然我唔係用黎化底妝，我當係碎粉定妝用，會有更高既遮瑕度，又可以控油，拎出去補妝唔錯。

Kura好用推薦：呢款四格蜜粉有好多顏色可以選擇，同埋定妝效果好好，粉質非常細膩

shirleywong好用推薦：😍我最喜愛Givenchy＃1色系的幻彩蜜粉Mousseline Pastel，蜜粉細細盒已組合４種色彩🌈好方便，🤗輕輕搖蜜粉盒及💨沾上粉撲，以打圈💫的手法上臉，它可以做出輕柔微閃🌠透明自然🌾的淡彩妝💃。 重點係它獨有的🔬微細成千倍以上的細緻碎蜜粉，能持久控油💫及質地幼滑，上妝效果自然🌾好光澤✨貼服。 嚟近🌞炎炎的夏天🏖都唔怕個妝溶化、👀眼影溶化、眼缐溶化，出現尷尬塲面😥。

Minnie Tse好用推薦：10年前都已經用梗 而家都keep 住2個色號，一深一淺 1號色用作highlight (例如淚溝，法令紋） 1.5號色用黎遮黑眼圈 金色包裝真的很靚

Noel好用推薦：YSL 明彩筆，當時超火紅，無人不曉！這個遮瑕膏版本可以用來遮下眼了，不只用作作提亮！遮瑕膏質感 creamy 又很保濕，又容易控制份量，自帶掃子，超方便👍

Ressie14好用推薦：呢一款係2024年星鑽版氣墊粉底（$625），之前未試過買Valentino產品，價位同YSL差不多屬於中上價錢，但專櫃比較少。曾經有一次喺「On the list 」特賣場買過幾支唇膏…就係我初次接觸呢個品牌嘅產品。呢盒氣墊粉紅色加閃閃嘅外殼，實在係年度收藏嘅美妝產品。 我揀左LN2色號，手感質地有啲似YSL恆持輕透氣墊，同樣地，佢都可以疊加之餘保留輕霧感，加上佢光澤半啞致妝容係來自佢超微細珍珠粉嘅成份 「Roma-Light Complex™ 」 ，係光線折射效果並非表面油膩黏立，所以基本上呢盒氣墊粉底不會令妝容厚重，適合夏天使用，出門趕時間冇辦法由底妝粉底液遮瑕一個個步驟做齊的話，用呢盒氣墊就最慳時間嘞。 

Noel好用推薦：曾到海港城專櫃購買唇膏，並且特意預約了試用底妝產品，就是這個 Valentino「羅馬霧光」cushion foundation ，色號#LN1 算是最合乎我的膚色。氣墊粉質感水潤，可以推到很薄很 light，使用時感覺良好。妝效算是 soft matte finish，而且遮瑕度約六成，自然＋舒適。粉撲設計獨特，梯形頂部配上圓底，鼻周／眼下都能輕鬆 reach 到！ 沒有購買主因： 1️⃣ 色選沒有很多，感覺 #LN1 都會頭頸兩截色 2️⃣ 使用 4小時多，眼下現了不少網紋 3️⃣ Cushion 設計厚實又有份量，但不適合個人用小包的習慣 4️⃣ 單價太高，只有14g，沒有多一個 refill芯