找產品
不易脫妝 推薦好用產品
588 件指數降序
Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。
<看全文>Joyce好用推薦：第一次用礦物粉底，我買的色號是06號neutral ivory（官網live makeup功能推薦的色號），我本身膚色是自然偏白（Kate粉底液用01號色），這個色號對我來說有點深，選色方面可能要花點功夫。 但粉質幼細，配合bareMinerals專用粉掃，少量多次，打圈方式掃上面，就很均勻貼面，不會浮粉，妝感自然，很舒服不會覺得悶焗，不過遮瑕度一般，要疊加幾次先遮到一半，持妝力亦麻麻，大概2-3小時就要補一次，如果是平日只想均勻膚色就很適合，但如果喜歡化全妝的朋友，中途補妝就很不方便。
<看全文>
mandy好用推薦：Ettusais Face Edition (Primer) for oily skin 毛穴控油修正液 $135/ 5.5ml 毛穴控油修正液已採用全新packing。 毛穴控油修正液是局部的控油primer, 可在底妝前、後隨時使用。 特別是容易在T字位出油時, 就可以用毛穴控油修正液來去油、 遮蓋毛孔 及 即時令肌膚變得啞緻。 毛穴控油修正液剛開始是液狀, 之後很快會變成清爽的粉末狀, 使用感舒適清爽不會覺得焗或悶熱。 如果介意T字位出油, 除了作局部控油primer外， 也可隨時帶備毛穴控油修正液以急救出油位置。 有了毛穴控油修正液，那就不用擔心油光及毛孔的問題啦! 含保濕成分: 雙丙甘醇 及 甘油 肌膚修復成分: 甘油 鎖水成分: 甘油
<看全文>VictoriaPanda好用推薦：ettusais 毛穴控油修正液好耐之前有用過，我覺得今次新包裝，外型好睇啲之外，個控油都做得好過之前。呢支修正液可以係出油及溶妝的部位使用。我自己就會朝早用黎當妝前底霜使用。都Keep到去下晝
<看全文>
agnessstang好用推薦：很喜歡的氣墊粉底❤️ 不是新款 已經係2年前出嘅 今年先買嚟試🤣 簡潔嘅奶油白色包裝 粉撲係菱形 尖尖可以更仔細咁上鼻翼、眼底、嘴角呢啲位置嘅底妝 我用嘅色號係Halla 係自然偏白嘅顏色 妝感透薄 唔會有厚重嘅感覺 但遮瑕度幾唔錯 除非係好嚴重嘅黑眼圈同印🐼 大部分嘅黑眼圈、痘印、泛紅都遮到 而且可以喺需要遮瑕嘅位置疊加多一兩層上去都ok 但依然keep到透薄感 減少咗後續遮瑕用量 遮毛孔都唔錯 好容易拍勻 自然透薄嘅光澤+裸肌感✨ 持妝度唔錯 十幾個鐘成個妝都係完整 除咗鼻有少少油 粉盒同粉底補充裝係分開買 唔知係我裝得唔好定點 冇辦法完全合實個粉盒:(
<看全文>natanatalie好用推薦：#我的崇光感謝祭必買氣墊粉餅 一直對氣墊粉餅都有少少保留，因為我係油肌，好怕用完會油光滿面。。。😞 直到試左NARS水光氣氣墊粉底，我就知揾到一款啱我嘅氣墊了！🥰 佢有超高SPF 50+/PA+++防曬系數，好適合香港而家一年有十個月都係夏天嘅暴曬天氣！而家妝感有自然水感，加上光線折射，會令妝容睇落有韓妝嘅奶油水光肌感覺！夏天用持妝效果都好強，因為佢有保濕成份，一啲都唔乾，但又唔會笠，好適合油肌！❤️
<看全文>
robinsbk好用推薦：呢枝concealer係我2021嗰陣某日見到dfs清貨大減價用$40買返嚟玩嘅😹 買嗰陣純粹覺得嘩幾十蚊唔買就笨 就算唔好用 packaging咁靚都值啦！ 點知！乾肌表示勁好用👏🏻👏🏻👏🏻你見佢俾我用到啲字甩哂就知佢同我經歷咗幾多嘢啦😹夠潤得嚟coverage完全交到功課 可能潤變相無咁long lasting 但可能只係會無咗2-3成左右 完全可接受 同埋佢容量真係大到非常之驚人 勁勁勁勁勁抵用！用咗兩年幾 每次出街就用 到而家都好似仲有好多😹但好似話makeup product開咗咁耐唔係太好 所以我準備買過枝新喇！✌🏻
<看全文>Nyaaa好用推薦：Too Faced其實係一枝性價比唔差嘅粉底，色號勁多，我用Pearl，偏粉睇落冇咁黃；呢個Matte款控油力中上，另一款肥仔樽就係保濕啲。 上年夏季我都係用佢多，有時仲會混少少精華型粉底再上面，不過冬天用會太乾甩皮。 缺點係始終係唔夠貼膚，同埋唔耐磨，帶口罩嘅情況下會甩好多落口罩，仲會磨到一撻撻。如果冇口罩嘅話佢會係一枝性價比唔錯嘅粉底，3百幾蚊/30ml。佢雖然叫Finish，但上完面係唔會好似Double Wear/MUFE咁好快定左，唔拍碎粉都係唔得，我覺得佢屬於Semi-Finish，或者甚至唔算Finish粉底 同埋想順便吐嘈下，Too Faced啲包裝上面印嘅字冇一款係會唔甩的，尤其係金色字，粉底胭脂隔離霜遮瑕蜜粉碎粉，只要係有成日用嘅都甩到冇晒字
<看全文>
LorraineTsung好用推薦：天使粉餅係年年都唔同包裝～(但年年都好靚😍) 2020款開始由舊有既3個版本改左做2個版本 分為”GR專櫃版”同”藥妝版”👈🏻 我自己分別有2018,2019,2020同2021版!!! . 我買既2020同2021都係GR版👆🏻 保濕都會好啲定妝無咁乾👈🏻 但無論係邊個版本都係得一個色號！ . 粉質都好細緻柔滑上臉會有好輕微既遮瑕效果 定妝能力同控油能力我覺得都維持到 雖然會有一定既妝感但唔會面具好假死白既感覺👍🏻 不過唔建議油皮使用❌
<看全文>inkitsung好用推薦：外觀大於內在，年年都會唔同限定款~ 所以都會唔少人會買嚟珍藏~ 佢本身蜜粉又有分藥妝店版本同專櫃版本~ 個人覺得專櫃嘅會更保濕養膚~ 內在方面，粉質都算幼細，有一定遮瑕度，會感覺有啲妝感~
<看全文>
Emma W好用推薦：其質地比較水潤薄，使用後不會感到厚重或乾，能夠提供自然的光澤感，係妝前打底的好幫手，能使肌膚看起來更健康、明亮。遮瑕效果不錯，可以遮蓋小瑕疵。但要補妝，若炎熱潮濕天氣，就要適當定妝。 適合肌膚：任何 成效度：4/5 保濕度：3/5 貼合度：3.5/5 質地：lotion 狀 光澤度：4/5
<看全文>維他他好用推薦：我用的是2號色 Bb cream是個好東西 一支已具備多種功效 呢支bb cream texture比較厚 好似粉底液咁 一上面已經修飾容顏色 提亮左，光滑左，瑕疵少左 重點係佢都幾防油，用大半日都係鼻頭有少少出油 另外要卸妝，亦用普通卸妝油就可清洗乾淨 懶人恩物！
<看全文>
connielo好用推薦：色號 lightscapade 首先外貌好靚 掃上面係好自然 低調既閃 喜歡 雖然要三百幾蚊一塊 但一塊用到天荒地老
<看全文>Noel好用推薦：MAC Soft & Gentle 絕對係歐美美妝界既 OG Favourite😍 當時既第一代高光產品，我係朝聖地購入里一盒，亦都好滿意妝效👍 產品係baked 形態，半拱形高光餅，不是平平一個pan🤣 個人對baked blush, baked highlighter 很有好感，感覺色彩更明亮🙆♀️ 平日翻工，個人不會用 soft & gentle 因為都比較高調🤣 但去dating 或者會影相，我都好需要里個打亮產品❣ 個人既打亮範圍包括：眼周外圍C字位➕鼻尖➕下巴➕人中同唇山的分界線🥰 不過，大家不要比它的色號呃左😅 這個產品係中至高調既打亮，暖調微微香檳色帶有大粒閃粉。 持久 🌟🌟🌟🌟🌟🌟 顯色 🌟🌟🌟🌟🌟 顯肌膚紋理 🌟🌟🌟🌟 貼伏 🌟🌟🌟🌟 飛粉 🌟🌟🌟🌟 無香 👌 暖調打亮，不會白色一撻👍 提供了保護交膜，貼心💕 不是所以品牌會這樣~
<看全文>
綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印
<看全文>Kala好用推薦：粉質幼細，雖然我唔係用黎化底妝，我當係碎粉定妝用，會有更高既遮瑕度，又可以控油，拎出去補妝唔錯。
<看全文>
Ressie14好用推薦：呢一款係2024年星鑽版氣墊粉底（$625），之前未試過買Valentino產品，價位同YSL差不多屬於中上價錢，但專櫃比較少。曾經有一次喺「On the list 」特賣場買過幾支唇膏…就係我初次接觸呢個品牌嘅產品。呢盒氣墊粉紅色加閃閃嘅外殼，實在係年度收藏嘅美妝產品。 我揀左LN2色號，手感質地有啲似YSL恆持輕透氣墊，同樣地，佢都可以疊加之餘保留輕霧感，加上佢光澤半啞致妝容係來自佢超微細珍珠粉嘅成份 「Roma-Light Complex™ 」 ，係光線折射效果並非表面油膩黏立，所以基本上呢盒氣墊粉底不會令妝容厚重，適合夏天使用，出門趕時間冇辦法由底妝粉底液遮瑕一個個步驟做齊的話，用呢盒氣墊就最慳時間嘞。 
<看全文>Noel好用推薦：曾到海港城專櫃購買唇膏，並且特意預約了試用底妝產品，就是這個 Valentino「羅馬霧光」cushion foundation ，色號#LN1 算是最合乎我的膚色。氣墊粉質感水潤，可以推到很薄很 light，使用時感覺良好。妝效算是 soft matte finish，而且遮瑕度約六成，自然＋舒適。粉撲設計獨特，梯形頂部配上圓底，鼻周／眼下都能輕鬆 reach 到！ 沒有購買主因： 1️⃣ 色選沒有很多，感覺 #LN1 都會頭頸兩截色 2️⃣ 使用 4小時多，眼下現了不少網紋 3️⃣ Cushion 設計厚實又有份量，但不適合個人用小包的習慣 4️⃣ 單價太高，只有14g，沒有多一個 refill芯
<看全文>
橘子貓好用推薦：Secret Concealer For Under Eye #2 我心目中遮黑眼圈第一位的遮瑕！ 尋尋覓覓，試了數十款遮瑕產品，終於給我找到最適合的眼部遮瑕。 輕薄貼服高遮瑕度，用手指沾取適當份量的膏體後，先在手背上推勻，再輕點上眼下，不太嚴重的黑眼圈，一層已經可以完成遮蓋。 始終這款遮瑕膏是膏體，比起遮瑕液較滋潤且厚稠，如果不先在手上推勻就直接上眼，會很易現乾紋。以適當方式遮瑕後，這款是我用過所有遮瑕產品中最不現眼紋的產品！重點是上妝一整天後，卸完妝都不會令眼紋加重。有些遮瑕膏會越用越乾，令淺淺的眼紋變深，到時真的塗多少眼霜都救不回來。 
<看全文>誠實豆沙包好用推薦：遮黑眼圈夠潤，但太深色是遮唔晒的 顏色：2號色橙tone，遮深色眼圈是好用的
<看全文>
Conw好用推薦：自帶美顏粉底 LM除了碎粉和妝前做得好，粉底也非常好，中價位中粉底必買之選。 質感： 稠的乳液，延展很好，帶滋潤感 中度遮瑕，可堆疊 妝感： 啞面緞光，受光位會出現漂亮光澤 使用感受： 控油滋潤度好平衡，不會拔乾，香港適合秋冬使用，乾肌夏天都可以。 完妝稍稍黏手，吃進皮膚定妝後乾爽。 出油後成奶油肌，不會有白芝麻，只有少許積線情況，堆開補補粉ok。 持妝中上，4到5小時需補補妝，適合日常使用。 妝感漂亮各方面表現平均，不會出錯的一款。💖 就是香港專櫃色號選擇較少。
<看全文>Sym97好用推薦：Laura Mercier 既亮肌系列foundation 最令人滿意係佢透氣同時又做到高遮瑕度👍🏻而且提亮膚色嘅效果睇落好自然。 粉底液具流動性，絲滑十分易推開，個人用開粉撲上底妝，亦很均勻。按照店內美容顧問所說以少量疊加形式去上妝出嚟效果貼服兼有光澤 如果好似我咁混合肌雙頰好顯粉加粉底會裂，依隻粉底因為夠水潤就唔會有依種問題。只係戴口罩嘅時候，粉底會甩色 遮瑕度方面都值得讚揚，色斑暗啞或蠟黃的色差都遮得乾淨 顏色方面真係要試真啲，我個人鍾意自然加啞色無粉感既多啲。美容顧問會因應你嘅要求幫你試到啱你膚色嘅粉底 設計個人不太喜歡按壓式粉底液，但的確能夠控制份量
<看全文>
🌸好用推薦：多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同Fig Skin Perfector。 今次講嘅係完妝嘅最後一部，Fig Skin Perfector 長效控油蜜粉餅，只有一個色號。 金色鏡盒嘅包裝相當有質感，粉質細膩，略帶珠光，但呢個粉餅並冇附設粉撲，需要自行配置，所以如果想帶出街補妝嘅話就有啲難度。 我平時習慣使用化妝掃定妝，用化妝掃打圈取粉比用粉撲上妝容易。質地清爽透氣，粉質光滑細緻。平時化妝之前即使做晒妝前保濕，有時都會因為皮膚太乾，上setting powder之後出現卡粉/甩皮嘅情況。但係呢一隻定妝粉餅可以做到妝感輕盈透薄，而且略顯光澤。半透明嘅粉末設計能夠輕盈無痕地定妝，唔會留低一撻撻白色嘅印喺塊面上面。出咗街全日都唔會喺T字位出現浮粉嘅現象。 使用前： 使用後： 暗沉嘅膚色瞬間提亮，妝容略帶磨皮嘅效果，睇落好自然。敏感偏乾肌嘅我喺做咗妝前基本護膚之後再上妝，都唔會有乾紋，亦冇任何敏感不適。 #火熱新品
<看全文>Maggie Cheng好用推薦：首先感謝 @cosme 抽中我試用今次嘅試用, DOLCE & GABBANA嘅化妝品包裝好靚 呢個Fig Skin Perfector係一盒比較重同大嚿嘅定妝粉, 我以為佢會包埋掃, 但係佢冇, 並唔適合出街補妝使用 雖然佢有修飾毛孔嘅功能, 粉感唔重, 亦都冇喺皮膚留下白色印, 用咗佢之後keep住喺冷氣房吹冷氣都真係比平時少咗出油, 但係霧化妝容同定妝嘅效果唔大, 而且佢正價都唔係平, 性價比略嫌低少少
<看全文>