不易脫妝 推薦好用產品

Rebeccaalice好用推薦：porefessonal毛孔細緻底霜有令人驚喜的效果。 就質感而言，這款底霜一按出來是較為濃稠的質感，但推開便像絲滑般的感覺，延伸性不錯，又不會令人感到黏黏的。 就功效而言，它能有效地修飾皮膚上的毛孔，但又不會帶來厚重的感覺，而後續上的粉底也很貼服。 在一段時間的使用後，這款底霜並不會令毛孔粗大或帶來油脂過多的問題，是毛孔粗大者的救星。

mandy好用推薦：毛孔細緻提亮底霜     $120/7.5ml; $290/22ml 功效: 為肌膚增添柔和珍珠粉色光澤 + 去油光啞緻妝效 + 遮蓋毛孔 這枝是賣得很好很好 的 The POREfessional毛孔細緻霜  的珠光版姊妹 質地跟The POREfessional毛孔細緻霜 同樣輕盈柔滑無油 除了原版的去油光及遮毛孔功效, 還有提亮的作用 基本上, 我認為只需在您希望提亮的地方局部使用便可 我會用在額頭、眼下、鼻樑 及 下巴位置 我也知道大家都是The POREfessional毛孔細緻霜 的死忠 不過The Porefessional Pearl Primer 可以少許提亮 同時控油, 也很不錯呢~ 想同時達成這兩樣要求, 一定是用這枝最方便 此外如果大家覺得用highlight太明顯, 那麼可以試下用這枝, 效果會較低調 喜愛啞緻妝效的人士也會喜歡這枝 使用量由於只是局部使用, 一枝7.5ml我也用很久呢 而價位也定得很合理, 但當然在美國買會更便宜 含保濕成分: 醋酸鹽維他命E 抗氧化成分: 醋酸鹽維他命E, 二丁基羥基甲苯 及 維他命E

lingbb好用推薦：由佢舊版用到新版！！是忠粉！用緊02 色，新版既光影位無咁珠光白，塗係光影位依舊係幾靚幾有光澤感，blend開後即時會好有立體感，陰影方面同舊款差唔多，顏色偏灰調既啡色會比較自然啲 鐘意用筆狀修容棒最大原因係比較自然既妝容， 想淡定濃隨意疊加，抹走都比較易啲，如果係粉狀修容，一上色就難捽走，筆狀修容棒無論夏天定冬天用，持妝度都會耐用d!性格比最高既修容棒，你值得擁有👍🏻

羅小白好用推薦：基本上一直都係用呢一隻修容，方便攜帶，而且對新手同手殘都好友好，畫落自己想要嘅位置，然後再拍開就已經好好睇，不過要留意番自己唔好畫得太重手，如果唔係就睇落去好奇怪，不過呢個價錢陰影同高光都有，其實都冇咩好挑剔。 但如果皮膚狀態冇咁好嘅話，用呢隻修容就效果唔好，尤其是高光，唔知點解搽完之後啲暗瘡會更加明顯，好似成個凸咗出嚟咁樣。

Circlecyy20好用推薦：Nars呢款陰影粉嘅粉質相當柔細，上在肌膚嘅顏色要來回掃兩次會先會比較明顯，所以如果想打造自然嘅效果，作為鼻影或者下頜線位置都頗為適合，最緊要就係隻色號比較貼合膚色，如果唔係好容易會有色差。

Jan好用推薦：粉質細緻順滑 沒怎麼飛粉 色調自然 帶低調細閃效果 用很少量已經十分顯色

chasiutung好用推薦：本人混油肌 膚色大概黃1.5白ysl 銀氣墊用 b30 主打霧面妝感控油持久不脫妝防曬SPF50/PA+++剛上面有點白氧化之後色號剛好 遮暇度高 輕輕上一兩層粉底就已經好足夠 黑眼圈嗰d位都吾洗加遮瑕 但依款粉感會有點重 霧面啞緻妝效 控油效果吾錯 持久度都算高 我平時夏天用銀氣墊 無用定妝產品 都keep得吾錯 T字位會出油 吾算嚴重 下巴位同鼻邊會輕微浮粉 係可接受嘅範圍 因為我用氣墊粉底妝 懶得定妝 下午補一補就可以了 整體來講算吾錯 個銀氣墊秋冬會有點乾 秋冬我就會用新版羽毛氣墊控油持妝都吾錯 妝感比銀氣墊薄 同滋潤d 但遮暇度就真係無銀氣墊咁高 無卡粉 無浮粉問題 妝感真係幾靚 兩款都好鐘意 但個人比較喜歡新版羽毛氣墊粉底嗰種日系奶油肌嘅妝感 我覺得同銀氣墊嘅控油同持妝能力 差吾太遠 兩款都好好用 右邊係恆時啞緻氣墊粉底B30 左邊係昇級版輕透無重羽毛氣墊粉底B25

pigpig好用推薦：油性皮膚友善 上臉輕薄清爽不會顯毛孔 遮瑕度中上 容易推開 係眼圈位置可以疊加唔厚重 屬於絲滑質感 防水防油 表面都唔會有黏笠感覺 唔癡口罩 。 夏天出入商場完全唔補妝可以堅持全日 。如果全日都係戶外需要中途補妝但持久度都唔錯 。我用附屬的工具已經可以完美延展 在氣墊中屬最適合油性皮膚

Lilyscl好用推薦：上眼影前用會令顏色出啲，都last 得耐啲。但有少少厚，不過價錢夠平，cp 值都算唔錯。

DorDor好用推薦：Canmake 添亮眼影底膏可以令眼影顏色更出，用完眼影還很貼服，CP值高。

Reneeeeeeeé好用推薦：🤩咁好用點解冇人講㗎！ 目前準備回購第3支，敏感肌，秋冬較乾 暫時用過最好用既精華粉底液 ❕沒有之一❕ 用全日，帶埋口罩皮膚完全無過敏／生粒粒現象 氧化陰沉色差極不明顯‼️ 持妝力十分穩定 💯 上妝方法官方介紹用小量用手指上 超級方便 😍👋🏻

choichoi好用推薦：質感水潤容易吸收，如果天氣乾燥時可以淡化臉上的乾紋感，加上容易卸除，是愛用品之一

KDing好用推薦：覺得佢油潤得黎 有d塞毛孔 雖然佢遮毛孔效果好 但好似好易up暗粒

lingbb好用推薦：- 非常大熱嘅控油底霜，我第一枝擁有嘅控油底霜 - 係我身上呢個品牌最出名嘅兩款產品我都唔適用 - 質地好滑半透明，上面會有層透明霧面遮住毛孔 - 我用完記唔起佢控油能力整係知生咗好多暗粒，好傷心，就掉咗了

格仔餅公主好用推薦：佢啲粉唔乾好保濕下，所以上面感覺好好一啲都唔似開架野，粉既細緻度亦唔差粉感唔會好明顯，不過定妝既效果一般，一日內至少補一次個妝感會好啲

wintonggg好用推薦：性價比幾高，粉質OK細膩，顏色都tune得唔錯，不過seems持久力冇大牌子咁好

Karman28好用推薦：完全不明白為什麼會停產！用過的遮暇裡面最好用的一款，用來遮黑眼圈非常好，面上的痘印也可以遮到。掃的大細長短剛剛好，當時售貨員給我多兩支掃，現在用其他牌子的遮暇我也是配ettusais 既掃用

Chi好用推薦：都幾好用，保濕力好好，放喺眼底都唔會出事 遮瑕力一般，幾自然透薄，兩隻色可以調到自己啱膚色為止 而且佢sell自己不致痘，成份安全，都放心用既 不過健康膚色未必岩用，最好試下先買，專櫃一定有tester

Kura好用推薦：我2024年入手得最值得嘅光影粉，平靚正，搽上臉嘅閃粉亮片都超級靚，搽完出街陽光照射落皮膚，顯得皮膚有種閃閃發光嘅水光感，用完皮膚都特別顯白，唔會顯毛孔，整體妝感自然，呢盒光影粉嘅size唔係特別大盒，帶出街隨時補都得，仲配埋個細掃非常好，同埋包裝非常可愛精緻，真係我2024年用過嘅top1光影粉 @cosme #2024

綺羅香好用推薦：行松本清時最鍾意去canmake 架試用啲化妝品，試到呢款打亮粉，覺得唔錯就買咗一盒，我本身唔係打亮控，都試過一啲大牌子嘅光影，呢款嘅閃亮程度比較低調，無一點點嘅珠光，反而接近似模仿水光感嘅緞光，延展性好好，輕輕掃就可以上好大面積，不過太重手會顯紋理

_.0406._好用推薦：大概用左1-2個月左右 用過好多其他牌子嘅碎粉 有啲就算係買透明 用完之後都係會覺得白左一噠咁 唔夠自然 但係Kate嘅碎粉除左夠幼細之外 佢唔會令到肌膚好死白 用完之後會即刻霧面左 持妝度都好好 而且性價比好高 （但帶口罩+出汗都係會甩妝🥲） 唯一嘅缺點係佢啲窿窿真係好大個 好難控制出粉量 所以用掃上會方便啲 主要會用掃上一層再用撲補少少 如果用撲會比較難控制取粉量

alicec好用推薦：這款蜜粉的控油效果良好，可以讓肌膚保持清爽。 粉質是白色的，沒有遮霞度但細緻，不會刺激敏感肌，反而讓妝容更服貼，不會有卡粉的問題。 如果沒有預算又想要無瑕妝感，非常適合，值得一試！

Bonnie好用推薦：膚質：乾性皮膚 色號：50紫色 可以提亮膚色 粉質：粉質幼細，絲滑 外盒：奶白色藤格紋盒蓋設計，時尚高貴。 整體妝感：我每天需要長時間在外工作，每天化妝時間可達12小時，碎粉最令我驚訝的地方就係佢不會令皮膚變乾，能長時間保持妝容持久。其妝效貼服，零粉感。具柔焦效果，能修飾毛孔。碎粉適合攜帶外出補妝使用，其外盒精美 以奶白色藤格紋盒蓋設計，是一款兼具實用及時尚設計的化妝品。

🌸好用推薦：用咗一段時間，粉質細膩，控油方面做得唔錯。但係一打開個包裝就會係咁飛啲粉出嚟……

JuneL好用推薦：凝霜狀質地，質感柔滑易推，塗後令肌膚有層薄薄保護膜般，不但令肌膚平衡油脂，更帶保濕，令上妝後妝容十分貼服及不易脫妝。

格仔餅公主好用推薦：呢隻喺韓國買好平係幾抵用，又啱啱好帶到保濕感比塊面，個妝感覺唔易出油同持久咗，佢個質地亦都偏清爽唔會好笠

wintonggg好用推薦：用來做primer同埋定妝都好好用，保濕度夠，同埋keep到妝效好好，不過同明星原版用起上來冇咩分別

Pinky好用推薦：透明水狀，呢隻係有加油份，化妝後噴一層，減輕粉感，有增加保濕感覺，但同佢最Basic嗰款，使用感差唔多

inkitsung好用推薦：依家佢換左新包裝~ 但舊版呢個我都覺得好用~ 佢質地係勁水水, 唔太似粉底液~ 非常透薄順滑之餘又有護膚效果～ 夏天用好舒服, 不過就真係好薄，屬於皮膚狀態好先用得嘅粉底液

BwTw好用推薦：這是去年舊版的sample，上妝非常自然，但coverage有中上程度，一整日都唔脫妝，唔會變色，唔會變乾，非常好用。

shadow影子好用推薦：方便攜帶，可以隨時補妝，粉質幼細，用碎粉數輕掃在臉上會比用附屬的粉撲好。

格仔餅公主好用推薦：包裝好靚就緊啦因為JS出品，呢盒啲粉質好細好滑，唔會嚡，上面有修飾到毛孔同埋少少遮瑕，成個感覺好好👍🏻

mandy好用推薦：Covermark JUSME COLOR Lasting Make up Base 亮肌持久底霜 SPF38 PA+++ $300/ 30g 亮肌持久底霜採用Covermark獨特的分藍調及黃調的膚色測試， 藍調肌膚比較適合使用冷調的底妝; 黃調肌膚比較適合使用暖調的底妝。 用對冷暖調的底妝可以讓您的肌膚更提亮而不是較暗啞。 我的測試結果是藍調，較適合使用冷調的底妝。 亮肌持久底霜的貿地輕盈清爽，非常透氣， 延展性強，易於在全面均勻推開。 成分方面，亮肌持久底霜蘊含一些養膚成分， 如: 保濕、控油及防曬等成分。 具有防曬功效達SPF38 PA+++，足夠應付OL們的防曬需求， 不過如需較長時間戶外活動，應先塗上SPF50 PA++++的防曬， 並記得相隔每2小時就要補擦1次防曬。 使用亮肌持久底霜後，完美遮蓋了面上的毛孔， 肌膚變得自然提亮，細紋如法令紋變得不明顯。 控油持妝方面十分理想，相比平時午後很容易充滿油光， 使用亮肌持久底霜後，午後只有鼻的位置泛油光， 其他位置都很清爽，不太需要補妝。 含控油成分: 矽石 及 氫氧化鋁 保濕成分: 矽靈, 丁二醇, 聚乙

格仔餅公主好用推薦：幫手好自然咁修正到皮膚既膚色，好自然，會帶出到皮膚光澤感，滋潤度亦都岩岩好，用完佢上妝就算搽粉餅都會貼啲

Jane1111好用推薦：本人對定妝粉沒有太大要求，只需要乾爽不會痴笠笠唔敏感便可😆本人有時中意搽下有色防曬就出街，如果唔用埋定妝粉我覺得好笠，所以我會配合埋呢隻粉餅用，用咗又真係好似乾爽d~加埋無生粒粒 我就keep住用了😆

Pinky好用推薦：成份溫和，孕婦及敏感皮膚都可以用 用化妝掃都幾易取粉，粉質唔係壓得好實嗰種 掃上面冇咩顏色，可以薄薄地定妝 粉質唔係特別幼，原裝粉卜好薄，完全用唔到咁濟，唔會回購

Noel好用推薦：喜歡就瓶粉底的簡潔包裝，沒有多餘的枝節，乾淨利落，玻璃瓶的包裝，配上塑膠泵頭，使用上也很方便👍總體感覺 CP值滿滿，乾肌都能用，值得一試。 粉底液使用前必須搖勻，否則會有點水狀。粉底呈液狀，中高流動性，延展性良好。個人喜歡用氣墊粉撲上這款 foundation，感覺很易推，亦非常 lightweight，帶著囗罩也很舒服❗遮瑕力 6～7成，並可以堆疊，毛孔修飾力表現沒有特別出色，中規中矩。 乾肌使用這枝底妝都可以，個人會選用補濕力強，gel狀的防曬，再配這枝 Revlon 粉底液。帶妝半天，出油量很少，額頭不會反光，但鼻側會有少許斑駁，需要用紙巾輕壓。而且這款粉底沒有明顯氧化及變暗沉，可以直接入手貼近皮膚的顏色👌

Kpl6be6好用推薦：開架品牌嚟計係算唔錯～遮瑕度夠～不過要少量多次上比較好～否則易出現過厚妝容～

Noel好用推薦：這枝 UV 底霜，係購買花瓣胭脂的小贈品💕 最喜歡它的淡淡香味，以及夠高的防曬系數❗可是價格比較貴，個人認為可以找到代替品啊~ 底霜質地係乳霜狀，淡淡粉色，由管中支出來很容易，但產品沒有流動性。盡管不會流動，推開卻完全不費功夫，延展性良好👍 UV 底霜非常滋潤，為了測試保濕效果，使用前我只塗了精華液。塗完全面感覺很潤澤，貼服❣ 潤色效果方面，手背試色圖可見，底霜顏色很實，上面意外地，沒有泛白👌不過，調色 / 使用肌膚明亮，就一般般，不帶遮瑕力~ 滋潤 🌟🌟🌟🌟🌟🌟 調色 🌟🌟 毛孔 🌟🌟🌟🌟🌟🌟 香味 🌟🌟🌟🌟🌟🌟🌟 價格 🌟🌟🌟

mandy好用推薦：Les Merveilleuses LADURÉE 的底霜產品不是只有外表呢~ 喜歡 UV防曬精華底霜 質感非常水感，保濕力也很好, 而且十分清爽輕盈不油不笠, 延展性也極為優秀 擦上臉後, 為肌膚帶來自然的漂亮光澤 並 增添透明度 含有帶女人味的香味 還有非常足夠的高防曬效能SPF50/PA++++ 用了這款隔離霜也不再需要叠擦防曬 即使在夏季也能好好使用, 適合不同膚質包括油性肌     含防曬成分: 桂皮酸鹽, 二乙基氨基羥基苯甲酰苯甲酸己酯, 聚矽氧烷-15 及 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪 保濕成分: 丁二醇, 蜂蜜, 玻尿酸鈉, 甘油 及 二（月桂醯胺穀氨醯胺）賴氨酸鈉 抗氧化成分: 二丁基羥基甲苯