找產品
光澤 推薦好用產品
1,059 件指數降序
Ressie14好用推薦：我大支細支都有。 一支係大貨裝（200ml），一支係2023年倒數月曆既內容之一（50ml）；暫時我仲用緊細嗰支。噴嘴口冇乜分別。 我化全妝會用佢，上完matte finish foundation之後就噴一次面，so far 喺咁既天氣（2月至4月）冇溶過妝、冇乾到脫皮，效果唔錯👍 我欣賞佢霧化效果，噴完個刻有水份感覺但又唔會見到有小水珠💦 快成膜。 同埋我係鍾意玫瑰金色嘅產品 🥰 所以點解帶咁多CT產品唔多唔少都係因為鍾意個包裝。
<看全文>Vivian好用推薦：長期回購定妝噴霧，個人混合性偏乾膚質，比較喜歡沒有白色控油粉末的定妝噴霧，不會過於控油太乾燥，四季都適合使用，持妝效果也不錯，平時習慣在碎粉後使用，也可減低粉感
<看全文>
www好用推薦：感謝@cosme 抽中我獲得感謝新品感謝禮，獎品就是canmake的CREAM CHEEK (PEARL TYPE)色號P05。 一直有用開canmake的胭脂，所以對這次的獎品期待10分高，因為色號是紫色的胭脂，帶有珠光。上面顏色非常靚，打在面頰位置可以令到面頰感覺上膨脹起來，使人看起來變得精神活潑。而且小小一粒帶去旅行或者外出補妝也非常方便。推薦！
<看全文>Lotso_kelly好用推薦：好開心收到CANMAKE夢幻胭脂膏嘅試用～ 今次試用嘅係22號色 顏色上望落係偏橙紅嘅胭脂色，試上手嘅時候無想像上咁橙，都係啲偏橙嘅紅色。試上面推開之後，唔會覺得橙，係啲有血色嘅紅，帶有好細嘅閃粉，可以做到有光澤感/成熟感/氣血感覺唔錯嘅妝容。顏色算中等顯色，可以疊加上去，最後達到想要嘅妝效。 以cream狀嘅胭脂黎講，容易推開好重要，最好就唔會破壞到底妝/又或者之前已經上左嘅妝。呢盒胭脂膏就好似奶油咁，好容易推開！可以打圈咁推，又可以印開。不過個人覺得打圈個妝效會均勻啲，印開會比較容易唔均勻。 包裝黎講，都係一貫CANMAKE嘅風格 - 少女bling bling感。無特別中意/唔中意。 幾中意呢個22號色嘅夢幻胭脂膏嘅效感。對我黎講，佢屬於有啲冷調嘅胭脂色，係適合秋冬嘅妝。幼細嘅閃帶出光澤感，而又唔顯毛孔，很好！
<看全文>
olitong好用推薦：使用有秘訣❣️輕力斜印遮好遮滿～ maybelline的遮瑕有幾款，之前一直是用開方形fit me那款用了幾年，最初轉用海棉頭這支覺得不及fit me那款好，畢竟海棉頭不可拆出來洗，容易藏污，但用慣了之後才發現越用越愛，現在寧願換得密一點也要買返這一枝！ 我用的是130號，我自己膚色算是中性偏白一點的，之前買過140和120，一個太黃一個太白，130剛好比我的膚色稍微（真的是稍微）深色一點點，用來遮眼袋其實反而最自然！真的是最剛剛好能遮眼袋的色號了👍🏻 （上手圖就能看到會比我膚色稍微深色一點點，但其實這種顏色用來遮眼袋是最好的了，上完粉底或碎粉後這種色差就會消失，然後變得很自然） 要說一下這款海棉頭的遮瑕筆是要「開筆」的，新開時需要狂扭幾下，將樽內的遮瑕液扭出，扭到白色的海棉上能看到有肉色的遮瑕液為止，之後要在紙巾上，打斜地用少許陰力壓幾下，你會隔住紙巾feel到海棉頭內有一枝野，那就是裡面「出墨」既位置，這時才正式用在臉上。 我通常只用在眼袋位置，由於海棉頭已經沾有適量的遮瑕液了，此時「不需要」再扭動出墨，直接用海綿頭「打斜」地輕力在眼袋位置上印開，因為要斜印才能邊輕壓沾在海棉
<看全文>KDing好用推薦：呢支黑眼圈擦擦筆用起嚟比我想像中嘅失望，佢遮瑕膏同海棉一體成形係佢本身既特點，睇落係方便D，但係佢吱遮瑕膏既多少唔係太易控制，同埋如果本身黑眼圈大又要用調色遮瑕打底，用呢枝遮瑕筆就好易抹走埋打底調色果層。 對於黑眼圈比較淡，唔係好明顯既人黎講，呢枝遮瑕膏就可以好好發揮到。如果論補妝方便性，呢枝擦擦筆就有埋海棉可以推開，唔洗用到手。 遮瑕膏本身質地唔係好流質，但佢都算幾輕薄，佢嘅時裝力算係唔錯。 質地：偏固態 遮瑕力：3.5/5
<看全文>
Fng好用推薦：hourglass ambient - lighting edit volume 3 哩盤非常之實用，上面三格係光影，下面有兩格係胭脂 同埋 bronzer ，尤其上面嗰幾格中間嘅highlight 我用到hit曬pan，它粉質非常之細緻，打出嚟嘅highlight效果係水光肌， 一啲都唔顯毛孔，同埋持久度十分好，個底妝甩咗，個 highlight咗仲喺度，下面兩格胭脂屬於cool tone， 整盒顏色配搭多樣化，適合黃皮用，值得推介。🤎💜🩵💙💚💛🧡🩷❤️
<看全文>Noel好用推薦：Hourglass 走低調奢華風格，為純素品牌，值得推介❗這盤 face palette 是我非常推介的產品，對於沒有試過 Hourglass 粉狀產品的靚靚，我起推坑👍 每年聖誕也有特別盤，值得留意啊～ Hourglass 粉狀產品非常幼滑細緻，手指觸感無敵好！而這類面部盤，可同時得到 Hourglass 名物：大理石胭脂， 烘焙高光等，真的超值❣ 第一行高光： 三色選，亞洲人黃皮可用，沒有一個色不能 carry，甚至三色 mix 都ok👌 第二行胭脂： 個人愛用第一格啡調，及中間玫瑰色調，珊瑚色就比較春日用
<看全文>
龍好用推薦：首先感謝@cosme抽中我作為試驗者之一， CANMAKE係一個我自己私心好鍾意既產品來。佢除左價格相當親民，仲有產品都相當地好用(ﾉ>ω<)ﾉ。 今次就試佢呢款月光提亮粉底，有01同02色。本人偏黃底所以用02自然色。講左包裝先啦，好可愛❤️！然後入面有鏡同一個水滴形既粉撲要來上妝。 用後感，其實用佢提供既撲上妝都算還可以，可以叫平均，最重要係自己落手唔好太重，拎得太多。輕輕咁全臉拍，拍左2-3分鐘就可以。佢既遮瑕還算可以，可能因為我唔算太深色，所以用落覺得遮到。然後提亮部分真係一畫上鼻梁到就立提左，呢個相當方便，唔需要話再買過個提亮筆。然後有柔化毛穴既作用，相當OK。 不過最大既缺點我覺得係佢到左大約4個鐘就有少少開始卡粉既問題出現，然後整體來講如果鼻個邊既紋唔深其實呢款用來出街4～5小時係可以。但再長就唔太建議，如果要長既就可能要補一補會好D。 最後，以佢個價錢來講，中學妹妹買來用絕對係相當抵用，但前題係個膚色要岩。我本身既膚色比較困難，所以我自己就唔會再買。
<看全文>takemyokane好用推薦：多謝 @Cosme 送出試用❤️這次使用的是 G01 號 Light Beige 色，第一眼覺得月亮圖案的包裝很可愛！雖然 Canmake 是平價開架品牌，但內層也有分成兩層把粉撲分隔開，附有鏡子，粉撲又是可愛的水滴形設計，細節絕不馬虎。因為是SPF50，不用再另外塗防曬。 根據官方用法，先由左掃至右，再以拍打形式逐少拍上臉部，然後只用右邊較深色部份拍在黑眼圈及其他瑕疵位置。基本上毛孔部份都能遮蓋，但泛紅位置就需要其他產品輔助。而且之後一定要上蜜粉定妝，否則它一直就是濕濕的狀態，比較容易弄花。注意必須輕輕拍打上妝，才會比較透薄貼服，否則戴口罩時會相對地容易掉妝。它未必是完美，所以個人不會在約會或與朋友外出時使用，但一般上班日子想快速上妝是不錯的選擇。 可愛的設計水滴形粉撲前後比較
<看全文>
Fng好用推薦：俾佢包裝吸引， 顏值100分， 所以買咗佢 CDP LUMINIZING FACE ENHANCER#14返屋企，除了白色珠光外仲有微微粉色感，跟膚色融合在一起會更自然。 每次攞出嚟用之前，都忍唔住欣賞一番，佢個外殼喺陽光下更加bling， 更加閃耀，閃出嚟嘅光芒非常之吸睛 ， 療癒感十足。 佢內裏包個柔軟小掃子，十分好用，另外佢粉餅壓成凹凸三角立體幾何圖案，非常之有質感，新買返嚟嗰陣，欣賞咗一輪，先至用。 佢粉質幼細，夠貼膚，妝容細緻，亦唔顯毛孔，last到一整日，同埋它屬於比較低調一種嘅highlight，唔會浮誇，肌膚有透光的美感，適合日常妝容。
<看全文>Kamanchan好用推薦：記得買果時係$7xx , 光影產品嚟講真係超級貴！但俾佢顏值深深吸引，加上cle de peau 一向都係信心保證，結果都係買下。。。。 但粉質來講真係有點失望，粒子粗了顯得毛孔都明顯了，妝感不夠細膩，唯一用時候不能取太多，少量少量嘅話，提亮效果是十分出色！重點係不能貪心啊！ 值得一提的是，她們家的化妝掃真係好出色^山
<看全文>
Kura好用推薦：又一心得我心嘅定妝碎粉，碎粉嘅質地係好細滑，我嘅膚質係混合性偏乾冬天乾夏天油，但熱天嘅時候會出油，如果膚質同我差唔多嘅姊妹可以參考下我嘅分享，上臉好容易就做到令到成個妝都靚上加靚嘅感覺，我用完碎粉之後出街去玩超過八個鐘，個妝都仲係keep得好自然，粉質細膩，用完呢款碎粉之後都唔會有卡粉嘅現象，我係轉天氣嘅時候用，一時凍一時熱，但都完全唔會影響整體妝感嘅效果，一款好嘅定妝碎粉真係非常重要，夏天最驚個妝溶到好肉酸，我用完就算係出曬汗都唔會令到個妝變到污租，同埋我通常都會用粉撲上，特別油嘅位置會加印多小小，但遮瑕力就偏低，因為只係定妝碎粉，我係同埋佢地嘅粉底液配合一齊用，感覺一流，價錢中等，如果揀唔到碎粉都值得一試嘅，產地係made in Italy，我用嘅色號係pure glow,特別附上我用完之後嘅妝感俾大家睇下，感覺都好自然好靚嘅妝，希望大家都會鍾意我今次嘅分享啦，我會好快就會再同大家分享其他好物㗎啦，我愛大家，大家要好好照顧自己呀
<看全文>Nico好用推薦：Thanks Bobbi Brown & Cosme 🥰 用完蟲草粉底之後 我on top 加左呢款碎粉 由於我之後要戴口罩 所以我一般習慣會用多少少碎粉 防止粉底掂到口罩～呢款碎粉係有膚色既 用左都唔會全臉matte曬 保留到粉底既光澤之餘 仲可以加多少少遮瑕度 個妝全日都好完整 得極少（要好仔細體先體得出）係口罩上面 去打邊爐 出曬汗都冇點溶妝 其後去戴口罩去做運動 都冇流白汗之類 但有少許暗沈 光澤度冇一開始咁好 最後 卸妝都冇出粒粒/痘痘 好開心可以試用到兩款咁驚喜既產品😻
<看全文>
takemyokane好用推薦：看到最新的派對彩妝募集，立刻想起這盒色號 SI02 的 Excel Shiny Shadow。圖二是輕掃兩層的效果，除了幼細閃粉外還帶有金粉粒，拍照會食一半妝，其實肉眼看已經很閃。再來圖三是掃夠四五層的效果，拍照也看得出來超級閃。（剛拍完唇膏，所以手部有些紅紅的😹） 因為色號以銀色為底色，上手太重會顯出灰調，一不小心會變成髒髒的感覺，要拿捏好份量。另外原本沒有附掃，試過用手上有點飛粉，建議用手指上，不過可能粉質不算通透，用手指上完會殘留很多在手指上。 不過性價比極高（以現在日圓兌換才60元左右），而且效果真的很閃亮，所以它依然是我晚上去約會的愛用品之一🥰
<看全文>killkew.b好用推薦：呢款眼影都好多隻顏色，每隻顏色都好實用， 返工用或者出街扮靚靚用都得， 就咁單色用效果已經好出眾🫶 上色效果好滿意，以開架產品質素黎講， 非常優秀，尤其閃粉上眼效果好細緻，好閃， 唔會飛粉，即使唔用primer都唔會跌哂入眼度， 性價比高🫶
<看全文>
Ressie14好用推薦：Primer屬於保養的化妝品，肌膚狀態唔好，或者想營造一個無瑕嘅妝容嘅話，一定要靠保濕度高，透氣嘅底霜。 Make up forever 呢隻持久保濕底霜，白色牙膏狀包裝，容易控制份量～唧出嚟見到佢三文魚色嘅水凝質地，有啲嚇親；不過一推開就覺得好水潤 ，同埋其實不會影響膚色狀態；用少少時間按摩於肌膚，就令皮膚非常有光澤。但缺點在佢單一功能 — 只能保濕，不能防曬。春夏秋冬出入門都要做好防曬功夫，尤其我呢啲家族遺傳有雀斑嘅人士！疊加幾樣護膚品會令到皮膚好似唞唔到氣，呢一點令我鎖定佢只會喺局部乾燥位置使用呢支持久保濕底霜。 相比之下，旁邊呢支有防UV效果既primer 我就會比較常用。不過我唔特別喺呢篇心得提及呢款產品 ：） 下一次再分享！
<看全文>Fish Tse好用推薦：#底妝升級好物 妝前既第一步保濕對於我黎講好重要，如果保濕度唔夠高會好易脫妝 哩款持久保濕底霜係我用過幾款品牌黎講比較滿意，因為佢真係可以為我既肌膚去補充水份既同時亦唔會同後續既粉底打交 見到係呈橙色既保濕霜延展性好高，搽左上面之後會變透明唔會改變原來既膚色，特別針對眼底、鼻翼個d位置搽，搽完之後上妝好貼服仲好似有種光澤既感覺 我覺得妝前用左佢之後有令個妝變得更加持久既其中一個秘訣黎，因為佢入面有甘油等成分令到保濕個力度可以維持得耐d
<看全文>