Nicnic好用推薦：夏天有好多水上活動，一支起防水嘅Mascara 係必備的，呢一支mascara超防水，船P都唔甩 ✅可濃可淡：上圖係較自然效果，用咗比較少嘅膏體都可以太陽花嘅效果，有自然放大眼嘅感覺。如果用得比較多膏體，就有濃密效果，不過就要小心啲唔好搽到曱甴腳。 ✅勁太陽花：最鍾意佢個curve 極靚 💯 ✅持久度高：不論淡同濃個curve 都hold 得住，大概6/7個鐘之後會drop 少少。而且唔會smudge 或者溶 👍🏻👍🏻 ❗️一定要用眼唇卸妝液卸妝 ❗️要小心控制用量

Karman28好用推薦：kissme 既眼妝產品真係好好用，睫毛膏都唔例外，我唔係成日用睫毛膏，但呢款好易上手，唔會整到好似好污糟咁。

auntiemuscle好用推薦：呢隻好好用呀 自己本身短小睫 好難夾得翹 就算夾完一上大部份既mascara都會dup/去返平時向下😂 佢個膏體唔會好重好厚唔會太濕 冇纖維但有明顯增長效果 全日完全冇溶 好易搽 唔會話搽到變左昆蟲腳 乾左都保持到翹度 同埋唔會好硬 鐘意自然就上一層 鐘意長就上多幾層 同埋原來呢支mascara有角蛋白胺基酸修護成份 感覺良好😂 我自己試過用其他睫毛掃黎上 效果都係靚 但原裝個刷頭 覺得佢好用搽得靚 主要因為佢個拱型梳頭 做拉提睫毛個效果幾好😃👍🏽 左眼係裸睫 右係搽左mascara 推介！

sammiimelda好用推薦：終於買到！終於買到！ 最近呢幾個月去咗幾次日本 都一定會搵呢一支 今次終於俾我見到有貨 仲要得返最後一支黑色！🖤 其實平時我不嬲都係植開眼睫毛 但因為想比睫毛休息吓嘅關係，呢兩個月都冇整lu~ 由於返工要長期帶妝 (長達16小時）唔植眼睫毛就一定要搵一支持久嘅睫毛液 Maybelline sky high睫毛液 比我想像中持久更多！  10幾個鐘完全冇溶 真係做到防水防油 睫毛液嘅刷頭符合眼形，上妝容易 唔會結塊 根根分明 冇曱甴腳🥳 唯一嘅缺點就係…. 太防水防油 好難卸妝啊😆 真係要用眼唇卸妝液敷一段時間先缷到👀

zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 

940727.0好用推薦：以極纖細三角睫毛刷，將睫毛自根部向上提起，營造纖長睫毛 1.無須擔心纏繞，三角刷頭刷長設計 三角刷頭設計，可使睫毛自根部起刷出較原本眼睛更為深邃的眼妝。 2.無須擔心下垂，維持纖長 可防止下垂，有效長效維持纖長。 3.無須擔心暈染，乾淨俐落 有效防止脫妝、暈染，可長效維持妝感。 使用方法 1.自睫毛根部起，順之字形，略為施力地來回塗抹。 2.輕輕細細地以刷具描繪前後之睫毛。 3.如描繪眼線，可打造更有神之眼妝。

Becky32好用推薦：第一次用呢支睫毛液，有驚氣，搽下眼睫毛，好突出，依家一定搽埋先出門

Noelle S好用推薦：Mascara 跟同牌子唇膏品質一樣好。刷頭細但唔算好細，效果根根分明，自然纖長；番工化淡妝非常合適。本來逛網上官方旗艦店睇下唇膏，見mascara 價格便宜便買來試試，意外好用。

zetalhc好用推薦：可以做到睫毛根根分明嘅效果，上色同持久功效都唔錯唔會覺得有就膠咁，唯一係比較容易結粒粒，用上睫毛嘅時候要快手。

Noel好用推薦：個人最愛的 K Beauty 睫毛液之一，購買原因係價格親民(Gmarket)，加上 Hello Katie 多次空瓶，好奇心驅使下入手，結果就成了我的 go-to mascara 🖤 這枝睫毛液的刷頭偏細，更適合亞洲人眼睛，避免 Z字形掃睫毛時沾眼皮👍 刷頭部份夠細，適用就下眼睫毛❗ 相信 2022年下半年都要帶囗罩渡過了，眼妝自然不能馬虎，我會繼續使用這枝 Curl Fix 😀 使用後睫毛彎彎，有助放大雙眼 bling bling 🌟 唯一脫妝方面，會有一絲絲掉出來，但不會暈染，萬幸 🤗 顯色 🌟🌟🌟🌟🌟🌟 圈翹 🌟🌟🌟🌟🌟 持久 🌟🌟🌟🌟🌟 價格 🌟🌟🌟🌟🌟🌟 #我的秋冬愛用彩妝

Kuma好用推薦： 喺松本清購入咗呢支近期架妹最愛既睫毛液♪ 架妹對於透明感精緻妝容嘅執著真係無人能敵( ；´Д｀) —————— ♪ 束感效果：★ ★ ★ ★ ☆ ♪ 持久度：★ ★ ★ ★ ★ ♪ 使用難度：★ ☆ ☆ ☆ ☆ ♪ 性價比：★ ★ ★ ★ ★ —————— 對比其他開架品牌嘅束感睫毛液，感覺呢款既質地相對較為輕盈，好快乾，喺香港呢個喺頭髮狂噴hair spray出門都會秒塌既潮濕天氣都keep到全日捲翹，性價比黎講小資女生同學生都絕對可以閉眼入！♪ 睫毛夾夾翹睫毛後先用下面既梳頭整理好睫毛，然後用Z型束感梳頭時我會稍為喺睫毛根部停留1-2秒先梳上去，確保大部分睫毛液都係沾喺根部而唔係睫毛尾端（如果唔係會變曱甴腳><） 本身有用開佢地嘅mascara base，按照佢地宣傳咁講一齊使用，睫毛比較稀疏嘅我感覺會比起單用束感睫毛液效果更好～但份量要拿捏得好好，搽太多base再用呢支會變曱甴腳⋯所以手殘黨都係建議單用呢支就夠！ 留意返因為超強持久力所以只使用卸妝水係卸唔甩的！！溫水都卸唔到，只可以用卸妝油～

wandywsy好用推薦：多謝Cosme 比我試用ettusais 既束感雙頭3D睫毛液～ 平時出全日街都怕睫毛膏會暈染而唔擦既我今次試下ettusais既睫毛液～首先可以看出睫毛液是有兩個頭的，齒梳用來打造根根分明的效果和梳順睫毛，另一邊用來營造束感的睫毛效果。 呢個係試咗上手的效果，可以睇到眼睫毛底膏顏色是淺黑色半透明的，比起其他品牌顏色可以算是比較淺的。 我先用睫毛夾夾了睫毛然後再上眼睫毛底膏。 之後再上睫毛液，可以看出眼睫毛已經有束感的效果，整個眼妝都比較乾淨。 第一次試用這個睫毛液手法有點生疏，結塊情況不算嚴重，試用幾天後可以輕易打造出束感的效果。 上了妝8小時後，係香港26度的天氣下，睫毛膏仍然沒有溶，而又保持到睫毛翹的感覺，眼下也沒有暈染，可以話係持妝效果比想像中更持久。 在上了睫毛底膏和睫毛液後，卸妝時也只卸出一點點黑色的東西。 比我平日用其他品牌睫毛膏後卸妝的感覺不一樣。不知道是不是要配合其他卸妝手法或用溫水卸妝呢？

Rin好用推薦：我記得很久以前已經有用過這個品牌的睫毛膏，當時的感覺是不錯的，但是也是不是太防水 而且是這款就是比較濃脈型 而且可以抗熱 這麼多年應該有進步了吧

Angie好用推薦：個刷頭超級無敵大，上妝嘅時候有少少困難，搽上去眼睫毛好捲，但係持妝度都真係麻麻哋，唔會回購

Jasmine Yuen好用推薦：MJ主打睫毛液同眼線液, 多年累積口碑可靠 - 成分溫和不刺激,長期使用安全無虞 - 能持久hold住，就算一整日唔會dup番落黎 - 纖維細，拉延長效果明顯，適合本身唔多睫毛既我 - 性價比高

lingbb好用推薦：- 纖維太多，佢作用係黏附係睫毛，幫助延長睫毛 - 但唔好處係纖維好易掉落眼肚 - 掃頭能掃到根根分明既睫毛 - 但試過有溶到變熊貓眼就無再用 

Winnie好用推薦：對我來說，刷頭太大了，不太合眼型，應該比較適合眼大的妹子。有增長及增量的效果，整體效果滿意。

lingbb好用推薦：我連埋下睫毛膏一齊買，佢刷頭好大我反而覺得幾好掃，但同下睫毛膏一樣必須要打底先痴到我既眼睫毛，佢做到貼住眼睫毛唔會有曱甴腳，如果佢有增長或豐盈款就更好， 總括來說，中規中矩！ 

Circlecyy20好用推薦：可能因為係濃密型 搽上眼睫毛會好似顯濃妝 而唔係濃密既效果 都係鍾諗纖長型多d

Cheung2好用推薦：別人的蜜糖🍯我的毒藥🥲 比過幾次機會佢，其實都宜用唔會變曱甴腳，但次次都係兩個鐘內變熊貓眼🐼