Kit wong好用推薦：喺屈臣氏買，最初見到個包裝好靚（顏色搶眼）就俾佢吸引左目光，之後都search過評價好似OK，所以就買一盒試下。一盒5塊要百五咁上下，平均一塊30蚊到，係有少少貴🥲所以唔會日日用！但只要用一塊，都的確有即時見效嘅感覺，好似前排轉季兩邊面出暗粒，下巴又有泛紅，敷左mask之後真係有緩和到，而且暗痘都無再出現！幾有效！有幾次覺得乾/有出瘡瘡/有泛紅，都會用佢，用完之後唔可以話完全好返晒，但有感覺係慢慢好返，好似幫皮膚調理返咁👍🏻 我覺得雖然一盒唔算平，但屋企常備一盒，久唔久拎嚟急救其實都OK ☺️題外話 第一次用嘅時候，差啲唔識開，以為要用較剪剪咁麻煩😂 原來佢有個超隱藏嘅開口😂😂 我覺得可以整得明顯啲囉……分享面膜實際個樣，某啲部位有兩層，主打嗰幾個位「密集修護」，有兩層嘅嗰幾個位包括鼻同雙頰，有感覺到貼啲、包得好啲，所以會有精華吸收得更好嘅感覺，但以效果而言係咪特別有用，就無好大感覺（似gimmick 多啲LOL😂) 但重申一次，其實成塊都好用，只係無佢講嘅針對壓力位有特別效果，急救都始終係一流的！

Beautygirl好用推薦：今次好開心有機會試用aio新推出嘅面膜。period前皮膚會變得唔穩定，同埋翻工長期處於冷氣地方，皮膚都偏乾，平時都會膚面膜保濕。呢款aio面膜非常適合穩定皮膚，加強保濕。 呢款4合1面膜嘅設計與別不同，有重點集中修護面部四大壓力區，採用雙層膜布設計，令到皮膚吸收得更好。用完一星期覺得法令紋都有淡左，肌膚更保水！ 用完產品唔會覺得痴立立，做到溫和、低敏及親膚的效果。早排做完醫美pico，塊面特別乾，因為無添加色素，無添加香料及無添加尼泊金脂類防腐劑，做完療程用都唔擔心！用完上妝都貼服好多。

minna ki好用推薦：保濕度足夠,適合冬天同冷氣房使用,同埋有微微玫瑰花香味 ,味道都唔俗套,保濕效果都OK ,會再回購

HeiWa好用推薦：Fresh 玫瑰深層保濕面霜嘅質地比較厚身，適合乾燥嘅秋冬季使用。佢嘅功能著重保濕滋潤，當冬天覺得皮膚有啲乾燥粗糙，用完佢翌日皮膚會變得更「軟熟」，粗燥問題得到好大改善！雖然相較其他產品而言，呢隻面霜無進階護膚功能（如美白、去皺等）——不過又咁講，面霜作為護膚程序嘅最後一步，最重要梗係鎖水及鎖營養成份。喺呢方面，我覺得呢隻面霜做得好好！👍🏻👍🏻 Fresh玫瑰面霜包裝上有寫比較適合中性至乾肌，本人混合肌會選擇秋冬使用，春夏用會稍為有啲笠。總括嚟講產品很不錯👌😌已回購過一次！

橘子貓好用推薦：多謝抽中我試用AHC Youth Focus Cream。近2、3年我一直有用開Retinol（A醇/視黃醇）產品和醫用的A酸軟膏，在使用維A方面的產品我也不算新手，但AHC這款A醛面霜仍然帶給了我驚喜。 先讚真空按壓包裝，衞生、使用方便，連瓶身也是不透光的包裝，完完全全的真．保鮮，就算開封後都可以大大保持有效成份的活性。 沒有添加香料，不會有多餘的香味，也沒有酒精，不會額外刺激肌膚。 面霜質地輕盈，不油膩，上臉不到一分鐘已完全被皮膚吸收，不會有假潤假滑的悶焗感。中至乾肌可作日霜，零負擔；秋冬晚上使用，滋潤度是不足夠的，必須另塗晚霜。我是早上單塗AHC面霜，晚上先用鎖水的護膚油打底，再塗AHC的。 第一晚收到立馬試用，同時停用了其他護膚品。單塗了一層AHC面霜，抹上臉完全沒有任何刺激感（避開了正過敏中的顴骨位置），連一點點刺刺的、拮拮的感覺都沒有，非常溫和。 溫和方面過關了，但有效嗎？我用過數款retinal產品是很溫和但無效果，塗了大半枝都無感，而AHC的很快就給了我滿意的答覆：使用後的第三天，我額頭皮膚開始有脫皮情況。不過，不用對此感到害怕，判斷維A產品是否對自己肌膚有效的一

水萱草好用推薦：首先多謝AHC同Cosme先，好開心有今次試用！ 首先睇睇佢外觀係紫色嘅紙盒，外面有各種資訊，仲有正品標籤，呢個唔係個個有架！打開本身產品同個紙盒一樣都係紫色個蓋係鏡面嘅，樽身係三角形設計，有設計感！但我最鐘意係佢嘅按壓式設計唔怕交叉污染，又唔怕一次太多，又唔怕氧化問題！呢個簡直要比10000個like啦，佢入面高濃度抗皺成份Retinal係好怕紫外線架，所以睇得出佢有幾用心未？然後睇睇個質地先，係霜狀，初初心諗咁傑會唔會好笠架，點解一上面勁好推！！又易吸收，再睇睇個成份，有角鯊烷！！！我算個成份控，呢個成份對我嚟講係最保濕又唔笠唔油！！我見到有呢個成份嘅潤唇膏會毫不猶豫咁買架啦！ 我收到個產品個期塊面啱好過敏，見到係有紅咗一撻撻，見佢話敏感肌都用得，無酒精無色素同P類防腐，呢個時候用就最有說服力啦！果然用咗幾日唔止退紅，塊面覺得潤好多，皺紋的確淺咗喎，效果真係出奇地明顯，我仲要擦好薄咋！睇到26/12紅咗一撻撻，因為敏感我唔敢擦太多嘢，顯得好干，到咗今日，紅退哂，干紋亦淺咗！ 總結：真心我用完會買！呢個價買呢個效果超值呀！最緊要唔會敏感！！！同埋唔會有泥味，因為我用過其他牌子嘅緊緻都有

lepetitblanc好用推薦：十分感謝@Cosme 和Tempo抽中邀請試用 Tempo棉柔潔面巾 市面上有好多潔面更可以選擇 用潔面更都係為咗唔好長期用毛巾，令到塊面有細菌感染或者生暗瘡，最怕皮膚敏感 Tempo陪咗香港人好多年都係信心嘅保證 第一次試用佢嘅棉柔潔面巾 仲可以乾濕兩用 原來佢都幾大塊，打開20×20 cm 首先稱讚佢好user friendly 因為佢係抽取式而唔係一卷每次用要搣開👍🏻 一開始試吓用佢黎落妝先 直接將眼唇卸妝油倒落棉柔潔面巾 落個眼妝 眼皮咁薄嘅皮膚都覺得佢好軟好舒服😌 因為佢係100%天然純棉😍 佢唔係一次過會吸晒你啲卸妝油，推來推去抹得幾乾淨 之後我用佢抹走深層清潔面膜 都幾方便，用完即棄，唔會浪費很多時間 最後嗰日我試吓用距離到一啲化妝水濕敷塊面 左右兩邊佢係扯唔爛 但係喺中間慢慢搣開，佢又可以撕開嚟用俾我可以好簡單濕敷上下兩邊面總評分有10/10分 用黎去角質都覺得毛孔細左 去旅行會帶埋去用真係好方便 仲會介紹俾朋友

Suidan好用推薦：呢包Tempo洗面巾，首先不得不提既，就係包裝上面有 mofusand既貓貓係到，真係勁可愛！ 而洗面巾就呈白色正方形，上面有格子紋壓花。我認為個size大小適中，而格子壓花可以有效帶走污垢功效，十分好用。

楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5

kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD

AmyAmy好用推薦：用完之後唔會太乾燥，清潔力一般，平日潔面程序用嘅時候都OK嘅，不過感覺上冇乜特別大嘅賣點，就好似一支普通嘅洗面乳咁樣

KDing好用推薦：用落都幾清爽 清潔力唔會過高 仲帶有少少清香 夏天用都幾舒服

candyiu好用推薦：好開心今次@cosme 有SkinCeuticals既試用機會！ 想試呢枝濃縮維他命 C E Ferulic 精華好耐好耐，但因為佢都要$1580 30ml,所以都會有啲顧慮。 官方話進行激光療程前2星期使用#CE抗氧精華可鞏固皮膚基底，增強療程間耐受性。但未去到做激光療程之前，我都已經感受到佢既效果。雖然試用裝得4ml好似好少咁，但足夠對日日朝早搽全面，我係無慳住用，成個星期過去都仲有大半～ 佢既流動性好好，好易比皮膚吸收，係會有少少味，但好快散走，不過因為有維他命C,所以搽完一排我個手指頭都黃左😹所以大家搽完記得即刻洗手先 官方比出臨床測試證實使用 12 星期後，有效逆轉 8 大衰老跡象3： ✓ 減退皺紋 -36.0% ✓ 提升肌膚緊緻度 +37.4% ✓ 提升肌膚彈性 +36.6% ✓ 均勻膚色 +45.1% ✓ 提升肌膚光澤 +44.8% ✓ 淡化色素沈澱 -39.5% ✓ 改善膚質 -43.2% ✓ 提升整體外觀 +44.6% 咁啱試用期間未需要做激光療程，所以希望之後可以補番比大家知做完再用佢係咪可以加快修復期。 再黎用後感，毛孔雖然未見好明顯收細，但膚質係好左平滑左，

Kay Lee好用推薦：多謝@cosme既試用活動，令我有機會認識SKIN CEUTICALS呢個品牌。 上網search先知係一個護膚科研品牌，致力研究預防皮膚老化。 而今次試用既產品係濃縮維他命C E Ferulic精華，標示”最佳LASER 伙伴，刺激膠原增生”，非常吸引。 收到當晚立即試用，精華係水狀質地，好易推開同快吸收，坦白講，味道稱唔上香，但不至於難聞，可接受。 前日做完facial後用，感覺比之前泛紅少左，皮膚復完期快左，會keep 住用。

Milo101好用推薦：感謝 @cosme 贈與試用，防曬一直是出外必備，這次可以試用標榜可以有效抵禦「極長波 400nm UVA9」的專利 UVMUNE 400 全效廣譜輕盈隔離乳液（名字很長😆），功能性強，十分期待。 🌟首先包裝方面：很醒目的橙白色包裝，而且有光譜圖顯示出產品可以抵禦極長波UVA9 及UVB，直截了當道出產品優點。再加上左側樽蓋造型，辨識度很高。 🌟小小的一瓶50ml，很適合短途旅行或staycation配戴使用。扁型長方體樽型，也很好收納不佔空間。 🌟質地方面：倒出來是流質的淡黃色液體，吸收後是透明，沒有香氣。 🌟使用方法：在護膚的最後一步，搖勻後塗上，注意要在曬太陽前20分鐘塗，才能有效發揮防曬作用。 🌟比起推開，我更喜歡用輕拍的方式塗抹這支防曬，因為你會發現它真的吸收得很快！拍在手背，基本上輕拍5下已吸收得無影無蹤。如果輕拍在面上，由於底層有其他護膚品，所以輕拍5-10下後，也能吸收得很好，而且質底很輕很薄，皮膚仍然可以呼吸的感覺。 🌟塗完防曬再上妝，也很貼服，不會有一層白色，也不會起擦子膠屑。 🌟效果方面：日常使用，也沒有曬黑。如果要暴曬或長時間在戶外，建議每

Yeeting 好用推薦：好開心得到試用機會!! 謝謝@Cosme 今次試用嘅產品係💛法國護膚專家品牌 La Roche-Posay嘅「UVMUNE 400 全效廣譜輕盈隔離乳液」夏天點可以唔搽防曬，我對揀選防曬要求都高。呢枝防曬隔離乳液就啱曬我要求。 有防水、防汗、防沙3種防護效能，有效對抗曬黑、曬傷。 而且有效抵禦「極長波 400nm UVA9」 全方位抵禦UVA、UVB、及紅外線引起之氧化侵害！最緊要係配方安全，經過皮膚科專家測試，低敏及低致粉刺性，無添加香精及Paraben防腐劑，適合所有皮膚使用。 使用咗一星期，水液狀質地，鐘意佢清爽輕盈；搽上面好快比皮膚吸收，最重要係不泛白（用完皮膚唔會變白一度，而且仲好自然）

水萱草好用推薦：終於等到AHC呢個新產品啦！好鐘意呢類膠囊的護膚！好啦一齊睇睇呢樽醫美科研晚間逆齡膠囊先,包裝都係紫色，講開好多逆齡同抗皺都鐘意用紫色嘩，幾靚喎，同佢同系列一樣有個鏡面嘅蓋，但呢個用用透明嘅樽身咁樣就可以睇到入面紫色嘅膠囊，唔需要再用紫色嘅樽身！呢膠囊係紫色有啲閃嘅，一個啤梨形狀，比圓形更好拎同擠出嚟，一樽有三十粒，可以大約用一個月左右，用個時用手一扭就可以了，擠出嚟睇睇先 有小小淡黃色，屬於油質嘅感覺，因為油狀所以比較濃稠上星期天氣一直好乾燥，日日個濕度都得個25%，連隻手都乾到爆哂拆，見到未搽前啲紋路乾到呀婆咁！搽完之後嘩！立竿見影啦！瞬間隻手反哂光呀，真係好啱乾性皮膚用！！收到呢樽嘢前我塊又是爆哂皮，紅到我唔想影。。跟住第一日搽完當堂好舒服，無個種抆抆緊嘅感覺！！因為說明有寫要避光，所以我夜晚用，留意我只係夜晚用，但係大約三日已經唔紅同埋好快甩完皮還我靚靚面！超開心，我一粒用咗三日,證明真係好潤，而且真係似一層保護膜保護住，乾燥時我經常要擦2種面霜到瞓覺又要補一次，我塊面真平過撒哈拉沙漠🤦🏻‍♀️，但搽完呢個膠囊，我即情搽埋佢同系列面霜到起身都仲好潤，潤到可以潤埋手！真係好啱干皮係

jhope0725好用推薦：感謝@cosme抽中我試用今次嘅產品，其實一向對AHC呢個韓國醫美品牌好感興趣，而且佢亦都有唔同產品系列適合唔同年齡，唔同肌膚嘅女性。今次試用嘅產品，更加係之前好少機會嘗試嘅Retinal系列！ 使用左同系列嘅面霜兩星期之後，會感覺到面上一啲細緻嘅皺紋有填充左嘅效果，雖然未至於完全消失，但係去細紋效果屬開架產品非常不錯！估唔到今次呢個精華膠囊，更加有驚喜！先講吓呢個產品嘅質感，大家會覺得佢同護膚油差唔多感覺，一打開係淡黃色嘅油性產品。雖然好似好油，推開左會見到光亮效果，但係用咗喺面上面加一段時間，佢就會完全吸收，唔會再覺得油立立！質感非常優秀！呢幅圖片顯示就係用咗喺面上面10分鐘吸收晒嘅效果，大家會見到唔再光亮，而去成塊皮膚脹卜卜！有輕微拋光matte效果！不過因為吸收需要時間，所以正如包裝所講，夜晚使用比較方便。 連續使用14天，配合同系列面霜使用，效果更加會再明顯d，尤其講緊一啲表情紋，額頭嘅細紋，兩樣產品夾埋會令到填充效果更顯著！雖然未至於令到皺紋完全消失，但係撫平效果可以令紋路肉眼睇落平滑d！令我更想嘗試埋同系列其他產品，尤其是係枝精華！ 總括而言

Angelasss好用推薦：多謝@cosme 送Haruhada SPF50+ PA++++冰感耐水防曬噴霧比我試用💕平時都比較少接觸噴霧型嘅防曬 都係搽嘅多啲 但近年黎都開始見到唔少防曬噴霧推出市場 所以都好開心可以令使用防曬上更方便‼️個樽身係以藍色為主調🩵會有種夏天嘅感覺 唯一比較可惜嘅係樽身都大 好難拎埋出去補噴 如果將來有出埋迷你版會仲方便大家！ Haruhada SPF50+ PA++++冰感耐水防曬噴霧入面有用積雪草 柿子 薄荷油 玻尿酸鈉👍🏻 主打嘅係冰感耐水 輕柔清爽 不泛白 不油膩👍🏻👍🏻仲連敏感肌都適用 可以安心用於面、身體或頭髮（頭皮） 超方便‼️😆 ⬆️剛噴上手會微反光 個噴頭好綿密 唔會話噴到唔平均 我實際試用完之後發現 1️⃣第一下噴左上去之後需要少少時間先會吸收 所以都會有輕微黏稠嘅感覺 但好快吸收左之後就無左呢個感覺 最多會係有輕微嘅感覺 feel 到皮膚上有少少保護膜咁 2️⃣質地方面 因為有薄荷油嘅關係 噴落皮膚個下的確感覺到瞬間變涼 同埋就係吸收完之後就唔會再有明顯嘅油感 出街用都非常適合🉐 3️⃣噴霧仲自帶淡淡嘅香氣 唔會太誇張得黎又可以當係自然嘅體香 4️⃣吸收左之

Emilyyy好用推薦：主打特點：冰感、耐水、清爽防曬 防曬系數：SPF50+ PA++++ 容量：150毫升 適合範圍：面、身體、頭髮 成份： • 積雪草: 抗炎、舒緩、修護、收斂、強化防護力 • 柿子: 天然去除異味 • 薄荷油：降溫、抗菌消炎 • 玻尿酸鈉:緩解曬後水份流失 噴霧細膩柔和，不會一按就很大衝擊力，噴上臉也很舒服，妝後補噴也不會脱妝。 防曬液呈透明，不泛白，不知道是不是因為耐水的關係，噴後摸上去有點油潤，但不會油膩，膚感是清爽的，整體感覺很不錯。（剛噴上手）（吸收後不泛白） 味道很舒服，淡淡的，幾乎沒味道，不會蓋過香水味，很喜歡這點。 產品説是「冰感」，實際用起來只帶一點點凉感，而且很快就退去，敏感肌用起來也很舒適，不會刺痛，用臉也沒問題。 耐水方面不太清楚，沒用在水上活動時用過，但噴後濕水後水珠會浮在表面，應該有些耐水作用。