AHC

PRO Retinal 醫美科研晚間逆齡膠囊

感謝@cosme 抽中我試用今次嘅產品，其實一向對AHC呢個韓國醫美品牌好感興趣，而且佢亦都有唔同產品系列適合唔同年齡，唔同肌膚嘅女性。今次試用嘅產品，更加係之前好少機會嘗試嘅Retinal 系列 ！

使用左同系列嘅面霜兩星期之後，會感覺到面上一啲細緻嘅皺紋有填充左嘅效果，雖然未至於完全消失，但係去細紋效果屬開架產品非常不錯！ 估唔到今次呢個精華膠囊，更加有驚喜！ 先講吓呢個產品嘅質感，大家會覺得佢同護膚油差唔多感覺，一打開係淡黃色嘅油性產品。 雖然好似好油，推開左會見到光亮效果， 但係用咗喺面上面加一段時間，佢就會完全吸收，唔會再覺得油立立！質感非常優秀！ 呢幅圖片顯示就係用咗喺面上面10分鐘吸收晒嘅效果，大家會見到唔再光亮，而去成塊皮膚脹卜卜！有輕微拋光matte效果！不過因為吸收需要時間，所以正如包裝所講，夜晚使用比較方便。

連續使用14天，配合同系列面霜使用，效果更加會再明顯d，尤其講緊一啲表情紋，額頭嘅細紋，兩樣產品夾埋會令到填充效果更顯著！雖然未至於令到皺紋完全消失，但係撫平效果可以令紋路肉眼睇落平滑d！ 令我更想嘗試埋同系列其他產品，尤其是係枝精華！

總括而言，呢個膠囊產品令我非常驚喜，質感良好之餘，由於佢延展性非常高，可以配合刮痧板為面部進行按摩，更加可以促進吸收，令到血液循環更好，從而進一步減淡 細紋。(當然大家如果本身有疤痕或者更深層次嘅皺紋，就不能期望單靠護膚品去改善)

最後提提大家，每一粒膠囊嘅容量都唔少㗎，淨係用喺面上應該用唔晒，大家可以伸延去到頸部，以及喺耳仔背後，配合向上按摩嘅動作，令面部血液循環更流暢！