Karychung好用推薦：超級大愛哩個牌子 可以修復皮膚屏幕 同埋可以幫助吸收後續化妝品 所以有勁多存貨 😂 已經用咗好多支 大推 

sp_113好用推薦：睇完youtuber Dr. Ivan推介tunemakers 神經酰胺200，忍唔住去cosme入手一支。 到底咩係神經酰胺200？ 我地皮膚本身就有神經酰胺，係細胞與細胞空隙之間，緊密連著令到角質層的脂質形成一層天然防水薄膜，可以幫助皮膚鎖水。而肌膚出現乾同敏感問題，多數因為肌膚唔夠神經醯胺，導致皮膚唔識鎖水。就算幾多保濕產品，保濕效果都非常短暫。 本身自己一路有用開b5 gel，一直都覺得用完當下好保濕，但係冷氣房一段時間後，就開始出乾燥崩緊嘅感覺。每次洗完面，如果唔即刻搽護膚品，額頭會即時甩皮，所以我覺得b5 gel無真正解決到我皮膚底層嘅乾燥問題。 神經酰胺200有三個用法 1.Toner 前用，幫助導入續後嘅護膚品 2-3.Toner 後用/溝埋toner 用，加強保濕 我個人最鐘意用toner前搽，倒幾滴係手，輕輕捽雲塊面同頸部。質地好似水咁，因此非常快速吸收。做到深層保濕，半夜唔會覺得面部崩緊，第二日見到敏感泛紅嘅地方有改善！感覺上用完神經酰胺幫助肌膚鎖住水分，增强皮膚自身修護力，同埋提升保水力。 1000000%推介比所有人❤️

Kpl6be6好用推薦：喺韓國帶番嚟嘅試用裝～質地濃稠但易推匀～氣味幾有高級感～而且滋潤得嚟唔算笠痴痴～搽上即時有睇得出嘅光澤感～

JL好用推薦：秘貼自生精華確實是名符其實的最強回購精華之一！一直覺得韓國資深品牌的護膚品得滋潤，未必適合香港偏濕偏暖的氣候使用，但這瓶秘貼精華令我完全改觀。 這精華的質地偏濃稠，塗抹在臉上出奇地順滑好推，我習慣稍為塗勻精華後搓暖雙手，再用指骨沿輪廓線做拉提動作，最後用雙手輕按全臉幫助吸收。用後毛孔變得細緻緊實，肌膚更有彈力，對步入熟齡肌的我很有幫助！

kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD

natanatalie好用推薦：夏天炎熱又潮濕，作為油肌嘅我有時會覺得面霜太厚重，會令我覺得太笠唔舒服。🥺 呢一款清爽型乳液一定要推介俾油肌，我一試愛上！🤤 佢質地好流質，完全唔厚重，但又有足夠保濕效果，開冷氣用都夠，唔會乾！💓 而日頭用完佢，亦唔會同化妝品打交，係我嘅夏天最愛，性價比好高！👍🏻 #夏季必備保養

yanyanyancheung好用推薦：感謝Cosme同滴露試用活動抽中我！ 本身每逢夏季就會用滴露清涼沐浴露沖涼，貪沖完涼夠爽又涼涼地。但過咗夏季就會用滴露PROFRESH清爽保濕沐浴露：水感蜜桃或者試吓其他品牌嘅沐浴露。 今次試咗滴露PROFRESH清爽保濕沐浴露：綠茶與茉莉花香同滴露PROFRESH清爽保濕沐浴露：紫羅蘭及洋甘菊。 我自己係一個超級乾肌，即使用幾貴嘅沐浴露都好，喺夏天一冇揸body lotion個身就即刻起乾皮。而我試用咗滴露PROFRESH清爽保濕沐浴露：綠茶與茉莉花香幾日，皮膚都冇繃緊嘅感覺，好適合而家呢啲一時乾燥一時潮濕嘅唔穩定天氣。綠茶與茉莉花香非常清新，唔係啲好濃烈嘅香水味，但香味亦都好long lasting，夏天用香水都可以慳返！  至於滴露PROFRESH清爽保濕沐浴露：紫羅蘭及洋甘菊我就交咗俾老公試用。老公嘅乾皮情況俾我更加嚴重，佢試用完紫羅蘭及洋甘菊之後超級鐘意隻香味，可以洗走做完嘢出嘅汗味之餘，喺佢身上都唔繃緊，keep到第二朝都冇痕嘅情況。 整體嚟講，滴露PROFRESH清爽保濕沐浴露系列絕對係性格比極高嘅沐浴產品，非常推薦使用。

Kathy Ho好用推薦：今次係我第二次係@cosme抽中籤，可以試用滴露Pro Fresh 清爽保濕沐浴露系列-綠茶與茉莉花香味。多謝@cosme俾了呢個機會我。 我已經連續幾日試用後，今次真係好驚喜，因為本人好鍾意飲綠茶同埋自己本身用的香水都會揀花香味。呢支Dettol 沐浴露集合哂兩款我最鍾意嘅味道，一邊沖涼一邊有一陣陣清香茶味及花味，用完心情真係好醒神好清新。呢支個質地好水潤好保濕，天氣黏黏濕濕，用後皮膚都變得乾爽保濕而又不繃緊，好似有一陣保護膜咁。太神奇了！！！每晚用完後第二天起身都但有陣花香味，估唔到香味可以咁持久。可以睇到自己用後皮膚變得白淨而又唔乾。對於一個乾性皮膚嘅我真係驚喜萬分，試過好多牌子沐浴露，今個春、夏天我應該唔會轉其他了。

Cy好用推薦：入手原因係呢支當時好hit，加上以佢價錢黎講佢嘅保濕力係幾出色，用量多啲攞黎濕敷全面都唔肉赤，佢係呈乳白色液狀，但用後就有少少笠，味道方面話明日本酒就真係有啲啲酒味🤣但唔會刺激皮膚，保濕效果都唔錯～性價比高完全唔需要慳住用

GinGin好用推薦：#我的最愛化妝水，依款化妝水係我用過最好用又最抵用只係幾十蚊價錢仲好用過大牌子，無論春夏秋冬都適用真係勁高保濕度，而且唔會出油，冬天又好夠保濕，大大力推薦

Kpl6be6好用推薦：價錢抵用～味道溫和又香～起到好多綿密泡泡～清潔力亦非常充足～

melissayang好用推薦：用過不下10瓶吧（超誇張），就是非常愛用，泡沫賊多，然後也不假滑和乾燥，洗完皮膚狀態舒舒服服，非常熱愛，大力推薦！

UglyMaa好用推薦：用了這件產品應該有10年。自從用過這支綠茶卸妝油以後，没有什麼特別原因也沒有買過其他卸妝油了。有時可能因為出差貪方便會買卸妝紙巾，或者忘了帶卸妝油隨便在外國買支新的旅行裝卸妝油試試。 近幾年不少人都推薦Micellar Water卸妝水，成份來講也不錯。可是我比較喜歡這支綠茶卸妝油 。因為綠茶有的抗氧化功能，每次洗完面後感覺皮膚好像被喚醒一樣很乾淨，而且白了一點。不過不是美白皮膚的白，而是化妝品經過一天時間已經氧化令皮膚變黃變暗。綠茶是一種很好的抗氧化成份。環境污染的確很傷害皮膚的，所以我會繼續使用這件產品為皮膚保養。

Fng好用推薦：shu uemura 卸妝油 卸妝力强，夠徹底， 卸妝後不會立黐黐，沒有洗極都唔走嘅感覺， 乳化亦都好快， 眼部唇部產品卸得好乾淨， 用完呢支會試下買其他味道。

Connor好用推薦：很實用嘅一款噴霧，日常百搭必備，保濕鎖水 噴霧細膩，而且cover面積都相當廣 其實平時我一覺得皮膚乾就會拎佢嚟噴，係冷氣房又得、化妝前噴下又得💦真係咩場景都啱用，噴完皮膚即刻水潤舒緩好多！

applepie好用推薦：噴嘴噴出嚟嘅噴霧唔算好幼細，但幾鍾意佢嘅提子清香味道，而且覺得塊面有啲乾嘅時候拎出嚟噴一噴，做到即時補濕👌

Giselle 好用推薦：Biore 柔滑磨砂洗面膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列算係Biore入面最出名嘅洗面膏系列˚₊*୧⃛(๑⃙⃘⁼̴̀⁼̴́๑⃙⃘)୨⃛*₊˚我好細個嘅時候有接觸過呢一款產品❤︎(｡☌︎ᴗ☌︎｡)呢款產品只要加少少水就已經好快搓到好綿密嘅泡泡(✿︎´ ꒳ ` )♡︎ 同埋佢入面有一啲磨砂粒粒，洗面嘅過程中可以清除面上多餘嘅角質( •̀∀︎•́ )✧︎不過洗完面之後對我呢個乾肌人士來講會太乾(⌯︎˃̶᷄ᗝ˂̶̥᷅⌯︎)所以同我一樣皮膚偏乾嘅小伙伴一定要做好後續補濕程序⸜( ´ ꒳ ` )⸝我覺得用完之後皮膚有變滑咗( •̀∀︎•́ )✧︎不過因為太乾嘅關係，所以我唔會日日用( ˙༥˙ )

chasiutung好用推薦：讀書時候愛用 當時皮膚比較易出油 洗完臉清爽好乾淨 但會有點繃緊嘅感覺 長大後有一次去長洲過夜無帶潔面乳 係萬寧見平平地買左黎用 乾到懷疑人生 🥲 嚴重嘅繃緊感覺 用完依一次無再用過 我諗只適合大油肌用吧

Milo101好用推薦：🌟卸妝油有時會出特別版，像這款是金桂花，卸妝同時有金桂花香味，非常怡人。 🌟 至於清潔力，由於是油，需要用水乳化，再用洗臉產品，可以減少油膩感。

bibubibu好用推薦：同上次嘅比卡超包裝一樣 我都係因為佢嘅外表而買 呢一支回購過無數次嘅落妝油 一見到佢咁可愛嘅包裝 即刻唔使諗 買哂兩隻包裝 喺屋企見到都開心啲 呢支粉紅色就話係速效卸妝油 而黃色就話係深層卸妝油 但坦白講 兩支嘅使用感受差唔多 都係卸妝能力好高 卸妝之後塊面冇特別唔舒服 唔會話好乾或者好油 性價比高 會繼續回購