肌膚問題 推薦好用產品

shadow影子好用推薦：質地水盈容易使用，而且沒有一般泥漿的厚重感，清潔同埋補水一次過，方便又省時！使用後直接用濕紙巾抹走就可以，都幾方便用！

Hamiii好用推薦：完全無補水既感覺😂 Fu完覺得仲乾 又唔覺得用完有潔淨感 唔岩我

Karman28好用推薦：起左暗瘡之後會即刻搽呢支暗瘡膏，希望佢快d謝，不過唔係好明顯有快左好番。

Kura好用推薦：對於我黎講冇乜用嘅去痘產品，用完痘痘都係凋謝得好慢，勝在價錢唔貴

橘子貓好用推薦：購至屈臣氏。 這款Base宣傳功效是防曬、控油、亮白和抗痘四合一。 淡黃色的乳液狀，易推勻，可以提亮膚色，可以遮蓋輕微泛紅，也有毛孔修飾力。 控油效果也有的，有延遲了鼻子出油的時間。 抗痘功效未特別有見，因為產品宣傳是指不添加了某種會致痘的紫外線吸收劑，只可預防該種誘因引致的痘痘，未必適用於所有痘肌。 至於防曬方面，最少要塗1ml (大約1元硬幣的份量）才有防曬的功效，但要塗到這個份量，妝感就變得又厚又白，而且悶焗。建議姐妹們還是視它為Base就好了，千萬不要將它當作防曬+底妝二合一！ 

麥精好用推薦：一般般既防曬base，用完里枝唔會回購了(。•́︿•̀。)base有d修飾效果，皮膚變明亮。不過，用完出油勁左＆面上會有白芝麻▄█▀█●给跪了

JessicaB好用推薦：☔️「為雨天天而誕生の洗髪水 HIMAWARI 向日葵EX活養健髪系列」 由日本🇯🇵製造， 🧡從葵花嫩芽發精華中提取有機向日葵籽油，為髮絲造成天然保護層 🧡高效鎖水💧深層滋潤 🧡前中後調散發多層次香味及淡淡花果香 🧡注入氨基酸，溫和去除污垢，潔淨髮絲 🧡適合受損、幼弱和乾燥髮質 🧡重塑崩壞髮芯，令髮絲回復柔韌有彈力 🧡天然有機成分，無矽．減輕髮絲負擔

chasiutung好用推薦：之前喺日本買過同款 但係透明樽嘅 好好用 洗完頭滋潤順滑清爽不貼頭皮 頭髮有蓬鬆感 但係香港搵吾到 香港得依隻 依支都清爽 滋潤順滑 頭髮唔打結 但就無嗰種頭髮蓬鬆嘅感覺 不過都吾錯 幾好用

bearbear246好用推薦：植村秀呢款紫色既卸妝油有備長炭，聲稱有吸附作用而且去除污垢。用既時候感覺舒服亦冇咩味道，洗完唔會乾亦有潔淨感覺。用左一段時間冇生暗粒。 正價購買比較貴，所以會係Sogo 大優惠日購買（有兩支細卸妝油贈品）。

KDing好用推薦：覺得紫色呢款卸妝油比起普通版本無咩特別 反而都係其他版本比較清爽

choichoi好用推薦：很久之前使用感覺它太「潤澤」了，現在肌膚漸變熟齡肌的情況下再使用，有感它在秋冬使用剛剛好而清潔感也並存 #冬季保養

KDing好用推薦：啲洗面奶我自己覺得麻麻哋，因為佢個潔淨能力太高，做完之後皮膚好容易覺得緊繃

Hazel好用推薦：個樽外型好靚，好似貴價貨，味道亦都好清新，唔會勁香亦唔算持久，至於磨砂，算係幼細，沖完涼皮膚又白又滑！

Kpl6be6好用推薦：用佢嚟沖涼成件事好refresh～首先香氣清新好聞～另外由於內有幼細磨砂粒粒～感覺全身老廢角質隨住沖涼沖走埋～

lingbb好用推薦：- 黃金膠囊個包裝係高級高貴既盒子， - 入面裝住好多獨立包裝既精華，衛生之選👍🏻 -每粒膠囊都係無香精無防腐劑，採環保自然分解材質。 - 質地係淡黃色油狀，一般直接上金膠囊上面有人可能會覺得太油膩既話，可以參考下我既使用方法， 1. 清潔皮膚後， 上肌底液（幫助吸收）；將金膠囊用掌心稍微溫熱一下，然後上面輕輕打圈按摩 2. 從下往上提拉，局部輕輕打圈，大概按摩個10分鐘，按摩吸收既同時有機會揉出類似角質（泥）、粒粒或白頭 3. 再用清水清洗一下面部，洗走臉上既粒粒，洗完面部會有油質精華殘留，再敷上補水面膜，令毛孔即時收縮，幫肌膚補補水，順便促進剩餘金膠囊既精華吸收， 4. 塊面就變得非常滑溜溜，面上既不明粒粒都唔見埋。上妝就變得非常貼服 - 以前我塊面既額頭、咀角都會摸到有顆粒，用呢個方法就消失咗。 - 額頭既細紋都變淡！ 係我冬天保養「邊清潔邊滋潤」一舉兩得既小技巧💜❤️希望幫到大家 #冬季保養

reneeuc好用推薦： 係回購多次既產品。 有一次自己膚屏障受損同埋過敏，好多產品都用唔到，唯獨Elizabeth Arden既膠囊同埋佢既護膚油救番成個樣。 有時驚夏天太潤就格日用，冬天就用密啲。 用完訓醒第二日會有修復效果同有光澤，包裝乾淨又衛生，保持到新鮮。 膠囊已經係必備單品。

LenaC好用推薦：彩妝私心推介♥️ Kiss me 嘅呢款唇釉筆完美結合唇膏、唇掃功能 好鍾意佢柔軟扁平既掃頭 濃密得嚟柔軟 擠出嚟嘅量啱啱好 唔會太多而且個掃嘅設計手殘人士適用 輕易勾畫鮮明輪廓唇蜜質地好完美緊貼唇部肌膚 塗抹後令唇色更均勻亮麗 提高水感光澤 亦唔會好黏膩 持久度都ok 唔會易甩色呢款係我迄今用過最好嘅唇釉蜜

_jc好用推薦：幾有趣嘅唇釉，有埋掃嘅設計可以方便我哋描繪唇形，搽唇膏嘅時候就唔會出界，持久力唔高，食完嘢都要補返唇膏～

royu3好用推薦：趁特價買來試試。 無香無酒精，精華液屬於較濃的，需要配合按摩吸收。 用後沒有覺得皮膚彈性增加，但水潤感還是有的，不過不失。

Giselle 好用推薦：Kose Cosmeport 膠原蛋白彈性水潤面膜(5片裝） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前見到佢有做特價嘅時候，所以入手咗୧⃛(๑⃙⃘⁼̴̀꒳⁼̴́๑⃙⃘)୨⃛呢款算係呢個牌子入面王牌產品₍ᐢ⸝⸝› ̫ ‹⸝⸝ᐢ₎呢個系列嘅面膜入面用嘅面膜紙屬於比較薄嘅質地( ⸝⸝•ᴗ•⸝⸝ )੭⁾⁾但就算佢好薄佢會吸咗好多精華液( ˘͈ ᵕ ˘͈ )敷完之後就會feel到皮膚稍微被滋潤嘅感覺(๑˃͈꒵˂͈๑)但係佢嘅增加肌膚彈性嘅效果就唔太明顯(꒦ິ⌑︎꒦ີ)如果係想買一款可以增加皮膚彈力嘅面膜，我會話呢款面膜唔會適合你₍ᐢ ›̥̥̥ ༝ ‹̥̥̥ ᐢ₎

LenaC好用推薦：一直係Sofina Primavista UV base 粉底液嘅忠實粉絲🙆🏻‍♀️ 佢嘅UV base 可以長時間抑制皮脂 實現零油光妝感 一整天都可以保持妝容清爽柔滑 唔會同皮脂、汗水混合 基本上唔會出現溶妝、浮粉情況 質地輕薄清爽 一啲都唔黏膩 適合春夏濕熱季節 價錢亦超貼地❤️ 😹（重點） 美白 遮瑕 修飾毛孔 一✅過完勝🛎️ #BA照

Jasmine Yuen好用推薦：喺台灣旅行買左支Sofina Primavista UV Base - 離霜的質地輕盈易推開，能夠有效控制皮膚油脂分泌，減少油光，並且不會堵塞毛孔，很適合油性和混合性皮膚使用。 - 有防曬效果，能夠有效保護皮膚不受紫外線傷害，並且不會讓皮膚感到黏膩。 - 持久性非常好，能夠全日的時間內保持妝容。 - 遮瑕力一般，只能夠遮蓋輕微瑕疵。

Candy Ng好用推薦：Dr.Wu 係我其中一個性價比高的品牌。 它成份係令人安心使用，即使係敏感性皮膚時，都可以安心使用😊😊😊 乳液上臉沒有負擔，而且容易吸收💗

格仔餅公主好用推薦：敏感皮膚都好啱用，冇多餘嘅香味之餘，基本保濕做到足，如果皮膚泛紅佢都可以幫手退咁啲，性價比高嘅product

choichoi好用推薦：帶點點淡香氣不算濃郁但聞久了有點膩不算耐聞，質地正常不太濃稠，潤中不黏，但真的只有保濕感沒其他驚艷點；如有其他訴求，可能要再物色了

lingbb好用推薦： 對於body shop呢個系列我幾有驚喜 質感輕盈，佢話「有效緊緻毛孔,減淡細紋,令肌膚更富彈性」 配合埋同系列精華，使用後皮膚望落真係緊緻咗， 而且要漲出黎都會比較明顯，係有彈性咗： 用一次已經有呢個效果 完全被燒，出奇地效果顯著。 推介俾想修臉緊緻既您

Miu Lai好用推薦：皮膚是一個好重要的保護屏障，每日都會接觸著好多不同的物質，如路上的塵埃、汗水、空氣及溫度的變化等，所以清潔皮膚絕對不能馬虎！ Cetaphil 溫和潔膚露性質溫和，可以徹底去除毛孔的油脂污垢、雜質和卸除面部彩妝。同時，它採用免沖洗潔膚技術，即使在無水情況下也能輕易潔淨皮膚，使用後皮膚質地更水嫩。 經臨床實驗證實，這款產品能持久舒緩和滋養肌膚，防止出現乾燥不適，適合乾性至中性、敏感性皮膚使用。 當中包含有皮膚科醫生推薦的成分，包括維他命B3（煙酸胺）、維他命原B5和甘油。這些成分提供強大的保濕效果，強化皮膚及提供防禦屏障，使敏感肌膚回復健康強韌，改善皮膚狀況。 用後感: 1. 半透明白色乳狀，無香料，溫和度及清潔度足夠，用後皮膚仍水潤，但油性皮膚者可能會覺得有洗不夠潔淨的感覺。 2. 日常清潔已很足夠，皮膚敏感的情況下使用也OK，沒有引起不適。 3. 持續使用，會明顯有如有著一層保護膜，有助改善皮膚乾燥的情況。 面部及全身肌膚、濕疹皮膚都能用，價錢又經濟，推薦!

劉肥貓好用推薦：非常好用一款潔膚液 可以沖涼同洗面，適合我呢種懶人 去旅行 住醫院時用 無香料酒精 香料 皮膚容易敏感人士適合使用 性質溫和

Fish Tse好用推薦：有黑眼圈睇落去個人真係唔係咁精神，我都試過唔同品牌既眼霜，我覺得效果黎講哩款係唔錯 哩款產品唔揀皮膚都唔揀季節，即使係夏天用都唔會覺得好厚重既感覺 含有維他命C減淡黑眼圈、維他命B3令眼周睇落去更明亮仲有人參同咖啡因喚醒暗沉肌膚 用完眼精華之後我就會用眼霜佢呈橙色既有少少偏向膏狀既質地但又唔完全係，延展性都好好， 通常我會放係無名指到打圈有少少熱既溫度再圍住眼周每點定大概五秒左右等眼霜吸收，大概做3次左右，最尾會用指節位順便提拉一下眼周 如圖所見搽開左之後會比較有光澤同埋係比較滋潤但又唔會加重皮膚既負擔，眼周既皮膚係最薄既，最怕用到會起油脂粒，我用左一段時間冇發現哩個問題

zetalhc好用推薦：去黑眼圈嘅效果唔錯，但係質感有少少油膩份量用得太多，會好容易眼皮起油脂粒，而且朝早用嘅話會同之後搽防曬或者化妝有啲唔夾起膠

AmyAmy好用推薦：質地比較濃稠，夏天用嘅時候完全唔OK，好難吸收，仲會搞到塊面好黏同埋油

mandy好用推薦：來自濟州島的韓國天然品牌 innisfree 繼綠茶系列後最風靡 的產品, 很好用的大豆系列。    innisfree soybean energy essence intensive care set  (ESSENCE + 3PCS PAPER MASK)  $350/ set innisfree soybean energy essence   150ml  含有大豆、蓮花、梅果 及甘油等保濕成分, 而且不含防腐劑。  最好在製造日期後3年內及開封後12個用內用完以獲最佳效果。 能量精華液水水的質感, 不會感到黏膩及很好吸收。 非常保濕及溫和, 使用後完全沒有敏感, 而且有提亮皮膚之效， 使肌膚有亮白透明感。 可選擇用沾濕能量精華的棉花 抹面 或是直接用手沾取精華, 使精華暖一點再輕力拍面。 手的熱度可以使皮膚更易吸收精華。  使用次序:  cleanser --> SOYBEAN ENERGY ESSENCE --> SKIN (TONER)-->LOTION  --> EYE CREAM --> CREAM  可以視為潔面後的FIRST STEP 

Jasmine Yuen好用推薦： 1. 深度保濕：使用噴霧後，肌膚會感覺非常滋潤和水潤，能夠有效地提供深度保濕，減輕因乾燥而引起的不適感。 2. 舒緩肌膚：Innisfree 綠茶保濕噴霧含有豐富的綠茶萃取物，能夠幫助舒緩肌膚，例如曬太陽後使用可減少紅腫和刺激，使肌膚更加舒適和柔軟。 3. 提升肌膚亮度：綠茶成份具有抗氧化的功效，能夠有效地清除肌膚中的自由基，提升肌膚的亮度和光澤。 *返工時坐冷氣房，得閑噴下都覺得好提神👍🏻

Lumi Kwan好用推薦：佢比起紅茶噴霧，噴嘴噴出嚟嘅噴霧更幼細，但係保濕效能一般，噴完之後半小時，都會覺得皮膚有啲乾，如果講CP值，我覺得紅茶噴霧比較好。

Heychauchau 好用推薦：有時間肩頸不舒服，會用作熱敷，或者月經來時，肚子/胃部不舒服，敷在肚子上舒緩不適感。比起用熱水袋，安睡貼更為方便攜帶。

橘子貓好用推薦：之前肩頸不適的時候有用這款發熱貼，比較傳統暖貼包是更貼伏不會起角。適合在辦公室或外出時使用，不易被人看出。 但是，發熱時間真的太短了，剛好感覺肩頸有被舒緩到的時候，發熱貼已經開始變冷。我還是覺得大家時用電子發熱肩頸枕，或是外出時用某牌的身體發熱貼，舒緩效果更佳，CP值也更高。

lonia好用推薦：有人話香港好似冇咗秋天咁，但當皮膚開始覺得乾燥痕癢，就提醒你原來秋天已經嚟到。最近又到咗轉入亁燥秋日嘅時候，又feel到皮膚開始有少少繃緊嘅情況。對BIODERMA呢個品牌印象最深刻嘅產品，除咗俗稱「紅水」嘅卸妝潔膚水，就係呢支維他命PP修護霜。之前喺品牌嘅試用活動拎到試用裝，可以試用吓呢款產品。 修護霜係面部同全身都適用嘅，可以按自己需要使用。我自己喺秋冬季節腰間較常出現皮膚繃緊、痕癢嘅情況。呢款修護霜擠出嚟係介乎乳液同乳霜之間嘅質地，但非常好推，皮膚都好快吸收，所以用量少少就已經可以搽到大範圍。搽完之後有少少黏笠感，但秋冬季節嚟講係可以接受嘅（有時覺得清爽嘅lotion/cream，到秋冬就會變得滋潤度不足）。我都幾推介呢款產品，用完之後平時會出現繃緊感冇咗，同時可以即時止痕，而滋潤感亦都可以維持到一整日嘅，有機會自己都會買支貨裝呢個秋冬使用。 #我的崇光感謝祭必買乳液

葉子🍃好用推薦：白色膏狀，無香味，以為質感會厚身，但原來推開吸收完係好薄好貼面，肌膚平滑左，可以減少臉部泛紅，夠保濕，又唔會敏感，會選購

Karman28好用推薦：係皮膚有敏感果陣會使用，有保濕，滋潤效果，以免敏感情況再惡化。

shadow影子好用推薦：這款日霜質地比較厚身，而且冇特別香味，冇添加香料，敏感肌人士用得放心。自己覺得都有一定嘅滋潤作用，感覺都有少少修復皮膚屏障嘅功效。