頭髮問題 推薦好用產品

ying好用推薦：✨ KÉRASTASE 逆時光至臻香氛修護精華 經常染髮・乾性髮質・髮量少幼細 真實用後感 💬 用完真心話 我成日染髮，乾性髮質，髮量少又幼細。 搵護髮精華其實好難。 ✅ 好嘅位： ✨ 好香 木調味，好舒服 唔會太甜太假 係高級嗰種香味 **無人會抗拒** ✨ 輕盈，唔會太重 對我呢啲髮量少幼細嘅人嚟講 呢點好重要 好多護髮油用咗會塌、會笠 呢支唔會 ✨ 好夠做 佢唔係極潤嗰種 但又未到好潤 但對我嚟講已經好夠 ✨ 用完頭髮柔順咗 毛躁改善咗 打結都少咗 ✨ 吸收快 唔會成手油淋淋 ⚠️ 要注意嘅位： ❌ 唔可以用太多 我髮量少，真係一泵就夠 用多咗會太重 呢點要記住 ❌ 極度乾燥髮質可能唔夠潤 如果你係極乾嗰種 可能要再加其他產品 💡 總結： 呢支精華定位好準 唔係俾極乾髮質用 係俾「一般乾燥、受損、想要輕盈修護」嘅人用 我好啱用 🌟 我嘅總結 KÉRASTASE 逆時光至臻香氛修護精華 好香 ✔️（木調味，無人會抗拒） 輕盈 ✔️（幼細髮質都用得） 夠做 ✔️（唔係極潤但好夠） 吸收快 ✔️（唔油淋淋） 唔可以用太多 ❌ 一泵就夠，用多會塌 極乾髮

Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！

Miranda好用推薦：【質感】 首先講質地，佢係好濃厚、好扎實嘅乳霜狀，有啲似軟滑嘅雪糕。但佢嘅濃厚唔係嗰種「漿住」嘅感覺，而係一種好細緻、好滑捋捋嘅絲絨觸感。搽上頭髮嗰下，你會感覺到佢即刻被髮絲吸收，好似一層好輕盈嘅保護膜咁包裹住每一條頭髮。即時嘅順滑效果係肉眼可見嘅，就算係啱啱洗完頭仲滴緊水嘅濕髮，一搽上去都已經覺得啲頭髮「聽話」晒，手指可以輕易梳開，完全唔會打結。 講到味道，呢個係佢一大賣點。佢嘅香味係一種非常高級嘅木質花香調，揉合咗茶玫瑰、雪松同麝香。有啲用家形容佢係「高級香水味」，搽完之後成個浴室都係呢種優雅嘅香氣，真係好似去咗高級髮廊做treatment咁。呢種香味仲要好持久，吹乾之後都仲聞到淡淡嘅餘香，成個使用體驗嘅奢華感即刻提升咗。 【使用感】 官方建議用法係洗完頭之後，用毛巾將頭髮水分吸到半乾，然後搽上髮膜，等5至8分鐘再沖水。我自己習慣等大約10分鐘，有時會用熱毛巾包住，等佢吸收得再好啲。呢款髮膜嘅延展性極高，就算你係長髮，一次都只需要大約一個50蚊銀嘅份量就夠晒。 沖水嗰下係最驚喜嘅時刻——頭髮係 「即時」 變得好順滑，好似有一層好滑嘅保護膜包住，完全唔會打結。吹乾之後，頭髮嘅

Paris merci 好用推薦：卡絲黑鑽系列其中一樣係非常之貴嘅護髮髮膜，對一啲頭髮受損髮髮質常有幫助。我自己近幾年就比較少漂染頭髮，普通地當作一個星期做一次Treatment。 髮膜質地係綿密乳霜，香味高級持久，中性木質嘅高級香水味味道。用完洗頭水之後，髮膜搽起髮尾，不要搽喺頭皮，等待5分鐘，過水之後頭髮非常順滑，吹完頭髮都唔會起毛燥，改善乾旱頭髮，滋潤得來唔會令頭髮有油膩感。即使冇染頭髮，都感受到髮膜做到深層滋養強韌嘅效果，而且會見到頭髮會有光澤感，貴得嚟有效果💕

Mabel好用推薦：YVES ROCHER 木莓水漾亮澤護髮醋 質地水狀，味道清新，用落都幾舒服。 我會先用洗頭水洗一次➡️ 滴幾滴喺頭皮+按摩一下➡️ 等1 分鐘左右用清水沖乾淨➡️ 再用護髮素 一星期用2-3次 我本身頭皮狀態比較易出油，掉髮量都多，有時仲會生頭瘡。 用髮醋已經大概2個幾月，用後最明顯嘅感覺係頭皮清爽咗，冇以前咁易出油。仲甩少咗頭髮，同冇再生過頭瘡👍🏻👍🏻會持續用落去✌🏻 用後感：（5💖為滿分） •功效 💖💖💖 •舒適度 💖💖💖💖 •性價比 💖💖💖 •回購率 💖💖💖💖💖

Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️

Kmggigi好用推薦：Kérastase 逆時光至臻修護浴髮乳 — 高級香氣，極致修護💆‍♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛

Sandy好用推薦：youth Revitalizing shampoo 逆時光至臻修護浴髮乳250ml 我試過一支之後就冇用其他品牌洗頭水嘅產品, 原因如下： 居家treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單

Fng好用推薦：爆水珠珠膠囊髮膜（深水泡彈） 係人氣好高嘅一次性獨立包裝髮膜。 ✨ 產品核心重點 · 「爆水」保濕鎖水技術：含有 9000+萬粒微米爆水保濕因子，遇到髮絲會「爆開」釋放精華。理念像幫皮膚護膚一樣，先滲透、後鎖水。 · 專櫃級美容成分：注入 3倍玻尿酸（強效補水）同 3倍角鯊烷（修護鎖水）。 · 經典修護配方：加入潘婷經典 Pro-V 維他命原B5 同氨基酸。 · 獨立膠囊包裝：一粒粒好似「子彈」咁，衛生之餘，去旅行帶幾粒超方便。 💬 評價 · 即時保濕、順滑貼服：用完吹頭明顯感覺 順滑咗、冇咁打結。毛躁即刻收晒，頭髮好似 飲飽水 咁。 · 輕盈蓬鬆、水油平衡：藍色款主打輕盈水潤，用完 清爽唔笠 。有乾性肌用家實測指 唔會黐住頭皮，蓬鬆度都好好。 · 修護力與持久度：持續用能改善強韌度，甩少咗頭髮，光澤感KEEP到第二日。 · 使用方便、性價比高：「懶人必備」。中短髮一粒可用2-3次。 📝 使用小貼士 · 適用髮質：藍色款（輕盈水潤）最適合中性及油性頭皮，或想追求蓬鬆水感嘅人。 · 用法好簡單：洗頭後將髮膜均勻搽喺髮中至髮尾（避開頭皮），等 2-5分鐘 後沖洗乾淨。 · 一週用

oy 好用推薦：Pantene Pro-V 爆水珠珠膠囊髮膜（藍色） 最近試咗潘婷呢隻藍色款嘅爆水珠珠膠囊髮膜，真心覺得幾驚喜喎，尤其是對啲驚護髮產品太笠嘅人嚟講真係恩物。首先佢設計成一顆顆獨立包裝真係好貼心，帶去旅行用幾方便，一次用半粒左右，剩低可以留返下次用，唔使帶住大罐嘅髮膜去旅行。 打開會見到入面有好多黃色細細粒嘅精華珠珠，喺手心一搓開就即刻爆開融合，搽上頭嗰陣feel到滲透力好強，啲頭髮好似飲飽水咁即刻軟晒 佢雖然話係高保濕，但質地都好輕身，完全冇嗰種黐笠笠推唔開嘅厚重感，沖水嗰陣亦都好快乾淨，唔會有假滑殘留感。吹乾頭之後個效果最明顯，髮尾原本好乾好躁即刻順滑返晒，摸上手係有水分又有彈性嗰隻，重點係頭頂依然keep到蓬鬆空氣感唔會扁塌，呢點對細軟髮質嚟講真係好難得。 呢隻適合啲頭髮易打結、覺得平時護髮素唔夠力，或者驚護髮產品太油搞到個頭好扁塌嘅人用，如果你想短時間急救吓把頭髮，又想個頭keep住清爽水潤，呢隻唔錯 而且價錢唔算好貴 （尤其特價嗰陣🤣）性價比唔錯 包裝亦轉咗做好似裝雞蛋嗰啲包裝 唔再用之前膠嘅包裝 水潤度：⭐️⭐️⭐️⭐️ 清爽感：⭐️⭐️⭐️⭐️⭐️ 價錢：⭐️⭐

Luna好用推薦：Hair Recipe 米糠洗髮露（生薑檸檬） 嘅真實用後感 質地＆氣味 · 係透明啫喱狀，流動性高，好易起泡。 · 薑味唔攻鼻，檸檬味偏清新，沖完涼頭髮有陣淡淡果香。 洗嘅感覺 · 去油力幾強，沖水時會覺得頭髮有少少「澀」同乾，唔滑捋捋（因為冇矽靈）。 · 建議一定一定用護髮素，如果唔係乾性髮質會打結打到喊。 用咗一個月左右嘅效果 · 甩頭髮方面：有人話甩少咗（尤其洗頭時排水口嘅頭髮量減少），但唔係個個得，視乎體質。 · 頭髮狀態：頭皮清爽咗，冇咁易出油，髮根有啲企身，唔會咁扁塌。 · 缺點：如果本身頭皮偏乾或有濕疹，呢支可能會太乾刺激，要隔日先用。 總結建議 · ✅ 適合：油頭、幼髮、想防脫髮嘅朋友（夏天用特別爽）。 · ❌ 唔適合：乾旱受損、漂染後、敏感頭皮。 · 💡 小貼士：只洗頭皮，頭髮絲輕輕帶過就夠，重點護髮素揸髮尾。

Tobimak好用推薦：呢支洗髮露帶有清新的生薑檸檬香氣，洗頭時聞落十分舒服，令人感覺自然放鬆。 使用後頭皮沒有敏感反應，佢成分溫和不刺激，清潔力恰到好處，能洗得乾淨同時保持頭髮的輕盈柔順，不會過度乾澀。👍🏻 整體而言，這款洗髮露兼顧香氣、溫和與潔淨，特別適合敏感頭皮人士。不過包裝若能改成泵裝會更方便，濕手時更易控制用量。

ying好用推薦：🌿 YVES ROCHER ANTI-CHUTE 防脫髮洗頭水 白羽扇豆強韌洗髮露 無硫酸鹽・94%天然成分 ✅ 甩少咗頭髮 配合安瓶一齊用， 甩頭髮嘅情況明顯減少。 洗頭嗰陣唔會再一堆一堆咁甩， 吹頭、梳頭都少咗好多。 ✅ 白羽扇豆成分 同安瓶一樣嘅核心成分， 可以激活毛囊、強韌髮絲。 由洗頭開始就護理頭皮。 ✅ 無硫酸鹽，溫和 Sulphate-free配方， 唔會過度清潔， 唔會刺激頭皮。 敏感頭皮都用得。 ✅ 94%天然成分 用落安心， 唔怕化學嘢傷頭皮。 ✅ 洗完唔乾唔笠 好多防脫髮洗頭水用完會好乾， 呢支唔會。 洗完頭髮仲係順嘅， 唔會打結， 又唔會笠。 #YVESROCHER #ANTICHUTE #防脫髮洗頭水 #白羽扇豆 #無硫酸鹽 #天然成分 #甩少咗頭髮

Tszki好用推薦：YVES ROCHER [皇牌] 防脫髮洗髮露 300ml 皇牌銷量No.1防脫髮洗髮露，蘊含水解天然白羽扇豆種籽精華、有機龍舌蘭精萃及維他命E，配方不含硫酸鹽，溫和清潔頭髮，同時鞏固髮根。使用後即時推動頭皮微循環，增加頭髮細胞養分供給、有效減少及防止頭髮脫落，頭髮及頭皮狀態慢慢回復至健康水平，頭髮更健康更亮澤。頭髮稀薄或脫髮問題髮質適用 我的頭皮比較容易出油，使用了防脫髮洗髮露，頭油分泌量減少了，質地啫哩狀加水起泡，有清新香葉味道，洗2次頭髮洗完頭髮後很清爽很舒服，改善了脫髮的情況。

Miranda好用推薦：【質感】 首先講質地，佢係好「杰」、好厚身嘅乳霜狀，有啲似溶咗嘅雪糕。搽上頭髮嗰下感覺係幾滑，但呢種滑同「硅」嘅感覺好似。你可以想象吓，好似喺頭髮表面塗咗一層蠟或者油膜咁，即時順滑，但嗰種感覺唔係由內而外嘅健康，而係表面嘅「假滑」。另外，佢嘅香味好濃烈，有啲似「提子糖」或者花果香，鍾意淡味嘅人未必接受到。 【使用感】 跟住講使用感，呢個亦係我最唔滿意嘅地方。官方建議一星期用一至兩次，當深層護理。但我用完之後，頭髮嘅毛躁同打結問題只係有少少改善，同佢聲稱嘅「沙龍級」效果爭好遠。為咗確認唔係我嘅問題，我上網睇吓其他用家評價，發現都有類似情況。有啲人用完之後覺得頭髮好似「重咗」同「墜咗」，有啲就話用完之後反而覺得頭髮「笠」咗同「焗」住。呢種「假滑」同「厚重」嘅感覺，可能同佢含有大量硅油成分有關。對於追求輕盈、蓬鬆感嘅人嚟講，呢款髮膜可能真係會令你好失望。 【持久度】 持久度方面，效果可以話係曇花一現。用完當下頭髮係順滑嘅，但呢個效果通常維持唔到一日。第二日瞓醒，頭髮又會打回原形，毛躁感返晒嚟，好似琴晚冇做過treatment一樣。而且，有好多用家都指出，呢款髮膜好容易喺頭髮上面形成「

Hoikiki好用推薦：Fino髮膜被稱為“紅蓋神物”，我用空好幾罐，對它的效果（尤其搭配正確手法）很有發言權。直接給結論：它是“急救型”選手，適合受損髮質，但用錯方法等於白買。 我的真實心得分解給你： · 質地與氣味（療癒感十足）：淡黃色厚實膏體，像融化奶油。延展性好，一坨就能抹全頭。氣味是高級花香，不是廉價香精，護髮過程很放鬆。 · 即時效果（急救有感）：衝洗時就能摸到“咕溜”的滑順感。吹乾後頭髮光澤度提升最明顯，毛躁瞬間被壓制，梳頭幾乎不打結。對染燙後的乾枯，一次就能救回70%。 · 最大缺點（這點很重要）：對細軟塌髮質太厚重。 若當一般護髮素天天用，且沖不乾淨，髮根會扁塌、頭皮容易長痘。它更適合一週1~2次的深層修護。 · 隱藏雷點：成分含矽靈，雖能快速營造光澤，但長期單用它，髮絲表面會積累膜感，導致後續護髮素吃不進去（感覺越來越沒效）。 進階心得：讓它效果翻倍的“三分鐘熱敷法”（強烈推薦） 別抹完就衝掉！洗淨頭髮後，擰乾水分（越乾越好），取兩顆葡萄大小均勻抹在髮尾（避開頭皮），然後戴上浴帽，用吹風機熱風吹浴帽表面，等3分鐘再沖掉。熱能會讓修復成分滲透更深，吹乾後頭髮像在髮廊做過結構護理

Emily Leung好用推薦：LUX 髮之水亮瓶保水美容修護光澤潤髮乳 試用心得 💇‍♀️ 質地：輕盈唔厚重，好推開 一唧出嚟係白色乳霜狀，但唔會杰撻撻，流動性適中。好易均勻推開喺髮尾，唔使吓吓用超多。過水後完全冇假滑或者沖唔乾淨嘅感覺，手同背脊都唔會滑潺潺，清爽度滿分！✨ 保水＆修護力：乾旱髮尾即時聽話 我本身染燙受損，髮尾乾到打結。第一次用完吹頭，已經明顯順滑咗，梳頭唔會卡住扯痛。持續用一星期，髮尾唔再啞色乾旱，摸落有返彈性，好似飲飽水咁「漲卜卜」。就算訓醒覺，頭髮都唔會塌或者毛燥，Keep到柔順狀態！💧 光澤感：自然透亮唔油膩 呢支最驚喜係俾到「水光感」而唔係油光。吹完頭望落髮絲有自然反光，尤其喺陽光或室內燈光下，好似幫頭髮打咗輕柔光澤。同平時用開嘅油性精華唔同，佢唔會令頭髮望落油淋淋或者一束束，清爽得嚟又有健康光澤！🌟 持續使用後：毛燥減少，手感升級 用咗兩星期，最大改變係頭髮整體順滑度上升。以前紮完馬尾放落嚟會有明顯痕跡同翹起，而家少咗好多。最開心係頭頂啲BB毛唔再亂飛，靜電都少咗。用手指穿過頭髮時，感覺到絲滑同輕盈，完全唔會卡住指尖！🌿 整體使用感：香味治癒，回購率高 佢嘅花香調好清雅，唔會濃

Sakura醬好用推薦：日本LUX護髮素用後感 話說我試咗日本版LUX呢支護髮素真係要同大家分享！ 本身我啲頭髮又乾又毛躁，點知用完即刻順滑到識飛～✨ 質地同香味： 乳液狀一推就開，唔會黐立立！ 最正係個高級花香味，洗完第二日髮尾仲聞到淡淡清香， 同平時開架式嗰種濃烈化學香味完全兩回事！ 修復效果： 我漂過嘅稻草頭用咗三次， 髮尾啲開叉明顯少咗，摸落去軟熟咗好多， 吹頭時梳齒一梳到底完全冇扯住！ 小貼士： 千祈唔好慳！要由髮中搽到落髮尾敷3分鐘， 沖水時已經feel到滑溜感， 吹乾後頭髮仲有啲涼涼哋嘅清爽感，超適合夏天！ 缺點都要講： ▸ 香港比較難買要網購 ▸ 油頭姊妹可能要避開頭皮用 總結： 平價護髮素來講絕對收貨！ 下次去日本一定會囤貨， 以後終於可以同「獅子王」頭講拜拜啦～🦁

chewyfruit好用推薦：Hair Recipe 米糠護髮素測評 好似幫頭髮「餵」咗碗靚飯，滋潤順滑唔黐立，同支洗頭水係絕配！ 主要好處： · 順滑度一流： 用完之後，頭髮好鬼順滑，尤其是打結嘅地方好易梳開，手感軟滑，光澤感即刻出嚟。 · 滋潤但清爽： 質地好推，吸收得快，沖水嗰陣已經feel到順滑，但係唔會好似有層嘢冚住咁，唔會黐立立或者好重。 · 香味舒服： 同洗頭水一樣，係陣淡淡嘅米糠同花香，唔會太濃，好放鬆。 要留意嘅地方： · 如果你頭髮係極度受損或者好似「草」咁乾，可能覺得滋潤度未到最頂級（可以考慮用佢隻髮膜）。 · 對於極油性頭皮嘅人，最好只搽响髮尾同頭髮中段，避免搽到頭皮。 適合邊個用？ · 日常保濕，想頭髮順滑易整理嘅人。 · 頭髮有少少毛躁、乾燥，或者經常吹頭嘅人。 · 用緊佢同系列米糠洗頭水，想效果更好嘅用家。 簡單嚟講， 佢係一支好好用、好穩陣嘅護髮素，唔會點出錯，同洗頭水一齊用效果加倍！

Kelvin好用推薦：米糠系列樽身就似一粒米既形狀，幾得意。護髮素同洗頭水一樣，味道就生薑檸檬！無硅油成分，不傷頭皮，感覺温和無刺激。 雖然我比較少用護髮素，但一個月都用2-3次。因為成日gel頭，頭髮好乾旱，要用返護髮素，令到頭髮順滑返。用完唔會令特別頭髮塌，反而有蓬鬆感，頭髮睇落有光澤。

Ming好用推薦：#火熱新品# 呢期新品， Head and Shoulders水油平衡洗頭水，粉紅色玫瑰味。夏天一出汗就出好多頭油，頭髮味道又重，頭髮又好貼頭皮。用咗呢支之後，頭髮蓬鬆可以維持一整日，頭油味道減輕咗好多，推介大家喺夏天嘅時候使用。

Alice Chiu好用推薦：這隻粉紅海倫仙度絲超扯！加了水楊酸洗完頭皮超清爽。扁塌油頭直接被拯救，髮根蓬鬆立正站好，還自帶高級木質玫瑰香，買了不後悔！真係好高興獲得呢次次用機會用完之後我會繼續購買。真的很讚!!

貓餅好用推薦：呢個牌子的護髮產品很出名，這個是髮尾油， 100毫升大大支，可以用很久，按壓出來是深黃色的，可以看到髮尾油很濃，而且液體不是很流動性，所以感覺上真的有滿滿的髮尾精華。 另外，它有非常濃烈的香味，其實都幾香的，有啲似中東國家的香味，不過塗抹在髮尾，香味散開後，就不會很濃烈。 塗抹上頭髮後，可以即時滋潤髮絲，減少毛躁，不過份量不可一次塗抹太多，否則會很笠，很重，如果頭髮髮質乾硬的朋友，可以塗抹多一點。 整體而言，都是一支可以入手的髮尾油！

Kimchi lau好用推薦：質地比較厚身、不過塗完頭髮又不會太油、剛剛好、不過需要洗完頭之後就塗會比較好、否則就會油膩、好似隔日冇洗到頭甘

Umbrellarainn好用推薦：感謝cosme揀中左我去試用呢款沙宣深層滋潤潤髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款潤髮乳冇好大期望，但係點知用左14日後，佢都俾到驚喜我喎！ 講吓佢質地先，佢質地幾濃稠但又唔油膩，好滑順，好易推開喺頭髮上，尤其塗喺髮尾位，按摩一陣再沖水，就即刻有被滋潤包住嘅感覺。 係保濕方面，表現非常好。佢深層滋潤效果明顯，用完之後頭髮即時變得好水潤、好貼服，原本髮尾好乾同毛燥，用完14日之後，水潤感明顯提升，就算天氣乾爽都冇咁易乾柴。 而柔軟度方面，都幾好！係最大驚喜之一。本身我頭髮偏粗硬，用完之後明顯變得滑溜溜、好好梳，唔打結，頭髮由粗硬感覺變得好細軟，摸落去滑捋捋咁。 至於強韌度，雖然我本身頭髮分叉唔算多，但用完之後感覺頭髮健康左好多。乾燥同毛燥問題減少咗，頭髮冇之前咁脆弱。 光澤度就自然健康。洗完吹乾會有柔和自然嘅光澤，夠亮澤同有活力。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度高，洗完可能覺

Yty好用推薦：好開心得到cosme嘅試用機會啊！呢排keep住半個月試咗沙宣深層滋潤潤髮乳，感覺真心唔錯。 我頭髮因為長期自己set卷頭髮同偶爾拉直，髮尾一直好乾好毛躁，尤其洗完頭第二朝起身，頭髮就亂晒一團，一梳就打結，摸落去粗粗哋同埋好暗啞。之前試過好多支護髮素，有啲用完頭皮痕、有啲好油膩要洗好耐先沖得乾淨，仲有啲完全冇感覺。 呢支沙宣潤髮乳酒紅色大樽一入手就覺得幾正，泵頭設計好順手，一泵就出好多。我通常係洗頭之後，頭髮仲有少少水份嘅時候，先泵 3-4 泵喺手心，搓勻之後由中段開始塗到髮尾，尤其髮尾同耳朵後面嗰啲最乾嘅位會多搽一啲。之後用手指輕輕按摩 1-2 分鐘，讓佢滲入頭髮度，先至沖水。 沖水嘅時候好易過，好滑就走晒，完全冇黏笠笠嘅感覺。 towel dry 之後已經覺得頭髮軟咗少少。之後我會用吹風機中熱風吹乾，一邊吹一邊用手指梳順。吹完之後變化最明顯！原本乾柴柴、容易靜電嘅頭髮，即刻順滑好多，摸落去有光澤，唔再係一摸就覺得粗糙。連續用咗成兩個星期，髮尾明顯冇之前咁分叉同毛躁，早晨梳頭都順暢晒，唔使成日扯到頭皮痛。 香味係淡淡清新嘅花果香，唔會太甜膩，留香大概半日到一日，同事同朋友都話聞到有陣好

TL好用推薦：用咗Vidal Sassoon水感舒活洗髮露約三星期，洗頭後吹乾，頭髮保持柔順筆直，只有少量毛燥。用手觸摸髮絲依然順滑，完全冇乾旱感覺，保濕效果相當不錯。 洗髮露的樽身採用菱形設計，手握時非常順手，半透明紅色搭配漸變色調，外觀相當特別。 質地呈水狀，唔會過於濃稠，味道亦十分清香。產品含有精萃角鯊烷和 AHA 果酸活性分子，能令頭髮保持水潤亮澤。 用咗佢，真係可以隔耐啲先去 Salon 做護理。

SammyN好用推薦：日日洗頭的話都唔錯的，有效維持髮質穩定。一大支可以用好耐，所以同時有其他洗髮水的話會按照天氣及頭髮的狀態交替使用。

Chloeincosme好用推薦：用完紅字銀底個款髮膜，即刻入手左呼聲好高既TSUBAKI髮膜試下！用咗幾次真係驚艷到，而家頭髮望落健康有光澤，摸落柔順但唔會太扁塌！ 🤍 修護力：4.5/5 珍珠蛋白同山茶花精油既功力？用完即時撫平毛躁，連最乾旱嘅髮尾睇落有光澤！ 🤍 吸收度：4.5/5 獨家AMP技術讓養分快速滲入髮絲，沖水時已經感受到頭髮變得軟滑～ 🤍 方便度：5/5 懶人恩物！啲人話搽勻後等1-2分鐘就可以沖洗，效果依然係到！ 🤍 光澤感：4.5/5 頭髮即時有種水光感，香味持久！ 總結： 喜歡！ TSUBAKI髮膜可以做到令乾旱嘅頭髮即時復活，而家我染完頭都唔怕摸落似草😂 推薦俾所有電染愛好者同受損髮質嘅你！

chewyfruit好用推薦：🌟護髮困難戶救星髮膜！真係可以養好髮質！ 我本身已經髮質乾旱受損， 仲超級鍾意電染，仲要鍾意啲特別傷髮質嘅顏色！！ 每次想轉顏色，髮型師都叫我好好養下頭髮先。 返屋企做咗一輪功課，俾網上呼聲極高嘅 👉TSUBAKI髮膜👈種草咗！ 買返屋企用咗幾次真係驚艷到～ 係真真正正可以養好髮質，用一次順滑好耐！！ ✅AMP膨潤成分同雙重氨基酸 可以擴張CMC通道，等頭髮更快更好吸收養分！ ✅珍珠蛋白 + 穀氨酸 + 蜂王漿，再加甘油 + 山茶花精油 滿滿嘅修護受損成分，毛躁髮質被溫柔撫平！ 頭髮順滑又有光澤✨！ 而且營養分子細到可以直接滲入頭髮， 養分真係實實在在被頭髮「食」進去！ 佢真係好方便，搽完可以直接沖水💦，真係嚇親我～ 對懶人黨嚟講太友好啦！ 喺屋企輕鬆就可以做到高級saloon級護理！ 香味亦都好舒服，護完髮真係會忍唔住猛咁聞自己～ 成個美女氛圍感即刻出晒嚟hhh🤣🤣 重點嚟啦！佢真係可以救返啲乾旱頭髮～ 之前梳頭唔係甩就係斷，而家一梳到尾， 完全唔會打結或者斷開～ 我呢個又電又染又漂嘅人，終於感受到咩叫「枯髮回春」！ 姊妹們快啲去試下！真係超好用啊啊啊！👏🏻

Sophia好用推薦：L'Oréal Paris 強韌豐盈防掉髮噴霧精華用起來頭皮感覺微涼清爽舒適，長噴咀設計方便直接噴到頭皮，可以盡量避免沾濕頭髮，香味淡淡亦很快散去，較其他同類產品的中藥味容易接受。 用後感覺掉髮情況也有輕微改善，希望再持續使用後，可以繼續保持髮量，維持頭皮健康。

lingbb好用推薦： -I’OREAL PARiS 第一款防掉髮精華液，專為掉髮問題硏製。舒緩頭皮，強韌髮根，有效缓解掉髮。 - 成枝設計都好貼心，特別係個噴咀，噴出黎唔會周圍都係，集中力係你需要嘅位置 - 我喜歡佢嘅花果香味好清新唔俗，原來香味有茉莉、雪松、檸檬、鳳梨嘅混合，噴上頭皮有種冰涼感，會知道自己噴嘅位置準唔準確 - 除咗防脫髮，都有治療頭瘡舒緩頭皮不適嘅作用，係頭皮比教癢嘅地方噴完就唔會再癢，有頭瘡嘅位置都會消失埋 - 總括而言，好喜歡，一枝可以用好耐 #火熱新品

Angie好用推薦：去韓國旅行嘅時候，見到貨架上有Growus嘅洗頭水，一眼已經比充滿少女心嘅包裝吸引❤️ 本身有用開同一個牌子嘅護髮噴霧，所以對呢個牌子都有信心，唔理行李重量買咗枝試吓🤭 Growus 嘅出品果然冇令我失望，我差唔多每日都會夾頭髮，所以一支好用嘅洗頭水十分重要！Growus珍珠修護洗髮露做到保濕效果，同時唔會令頭髮因為過度滋潤而難做造型👍🏻 洗完頭第二日把頭髮都明顯keep住柔順，set頭都唔會容易扁塌，表現100分 💯💯💯 最近見香港門市都買到Growus嘅產品，終於唔使網購/去旅行托返香港，好開心🤭🤭🤭

thk好用推薦：每個女仔都貪靚 係梳化服各方面都會想打扮得靚啲🧏🏻‍♀️ 而我為咗令到髮型可以好睇啲 就成日又染又夾頭💆🏻‍♀️ 搞到髮質傷晒 仲令到把頭髮又旱又難梳🪮 其實頭皮同面部皮膚一樣 必須揀岩自己用既護髮產品🤔 ➷ ✨GROWUS是為了保護大海的生態界而努力的護理頭髮品牌，為頭皮準備的天然原料和專業技術為基礎，根據頭皮狀況尋找改善方案，並提供解決方案的藥妝護理品牌✨ § 🧸對粉紅色真係好難抗拒🩷 就係因為佢既包裝 就吸引咗我去留意😍   🪐 GROWUS珍珠修護洗髮露 ▸ 無矽 ▸ 適合極受損或漂染髮絲使用 ▸ 添加5種蛋白質及7種膠原蛋白，雙重修護更有效 ▸ 加入海洋珍珠複合物 有助維持髮絲水份   由於我頭皮比較敏感 而且髮質特別乾旱 所以有時洗完頭都仲會有頭皮屑😩用埋護髮素都係開叉🙁 估唔到用完GROWUS依枝洗髮露 髮絲回復水潤柔順 仲帶有光澤感🤩梳頭終於唔再打結🪢 直頭唔駛用護髮素已經可以有咁好既效果👍🏼 佢保濕既功能仲改善咗頭皮屑既情況 頭髮都甩少啲😍 最鍾意就係佢既香味持久 可以維持到第二日起身都仲聞到😶‍🌫️ 真係連香水都可以慳返🤪   係屋企都可以享受到頭髮SPA既護理體驗

Umbrellarainn好用推薦：感謝cosme揀中左我去試用呢款沙宣深層滋潤洗髮乳。首先我嘅頭皮狀況係中性偏乾，夏天都比較容易出油，由於頭髮經常燙染，髮尾嘅位置都比較粗糙。初時我對呢款洗頭水冇好大期望，但係點知用左14日後，佢都俾到驚喜我喎！ 講吓佢質地先，佢唧出嚟呢都幾cream，但係cream得嚟都幾水潤，好容易起泡，沖水之後呢，你會feel到頭髮乾淨嘅感覺。係一定要配合埋護髮素一齊用如果唔係呢啲頭髮就會有啲鞋颯颯嘅感覺。 係保濕方面，表現不錯。佢主打深層滋潤，洗完頭之後，啲頭髮會變得好滑，好貼服，啲毛燥冇晒，有一種水潤感。 而柔軟度方面，都幾好！明顯頭髮好滑，變得好好梳，唔打kick，頭髮變到滑捋捋咁。本身我啲頭髮係比較粗硬，但係用完之後而家我啲頭髮感覺變得好細軟。 至於強韌度，係我本身嘅頭髮就唔算有好多分叉，所以呢方面感受唔算好強。不過我感覺啲頭髮係健康左。因為乾燥同埋毛燥嘅問題都減少咗好多。 光澤度就正正常常。洗完吹乾會有自然光澤。 總結，我覺得如果你好似我咁，經常性會燙染，頭髮比較乾同埋毛燥嘅話，長期用可以改善乾燥、毛躁同暗啞問題，令頭髮整體健康啲。但如果係油性頭皮或者容易出油嘅人，就唔係太適合，因為滋潤度

ynqq123好用推薦：感謝@cosme 送出今次的試用。我本身頭髮底子好差，又乾又粗糙，成日望落都好暗啞，最慘係洗完頭或者朝早起身梳頭嗰陣，啲頭髮受損開叉到成日一扯就斷，真係睇到都心痛。 不過最近轉用咗呢套深層滋潤洗護系列，修護效果真係明顯過以前用開嘅牌子好多。支洗髮乳有胜肽同玻尿酸，洗完個頭完全唔乾澀，每條髮絲都好水潤、好貼服，連啲衰毛躁都撫平晒。之後搽埋支潤髮乳，佢雖然好滋潤但質地好輕盈、一啲都唔黏，入面嘅角蛋白成分真係好似幫條頭髮做咗沙龍級護理咁。依家梳頭直情絲滑到一梳到尾、唔再打結，頭髮強韌咗、冇咁易斷，仲自然散發住好靚嘅光澤，成把頭髮望落健康好多，真心推介！ Before: After:

maylam好用推薦：優點係起泡力強，洗完個頭好舒服 唔會好油/乾 但係只用咗一次 感受唔到係咪真係可以防掉髮

DorDor好用推薦：Kerastase 洗頭水用完頭髮蓬鬆，又有潤澤又有清爽的感覺，不過以洗頭水價錢來說有點小貴。

ccx1229好用推薦：真實空瓶用家分享 Kerastase 防脫髮精華好出名，踏入30歲，套裝女士都會開始重視頭皮修護同埋髮質同髮量問題，所以我買咗呢支防脫髮精華拯救吓我嘅頭髮。 一開始用嘅時候，見到指引係建議每次用 4 doses，覺得好似好多，但係用落其實發現每次咁樣用都唔算好多。一開始堅持用咗一個星期，冇發現有明顯唔同，但係必須要大讚佢嘅精華好香，而且唔會令到個頭油，只係因為冇好明顯改善後來就冇用得咁密。相信如果想見到明顯分別嘅各位可能要真係堅持每日都使用，用一段長嘅時間。

oy 好用推薦：脫髮真係現代人嘅通病，Kérastase 呢支粉紅瓶精華近年好 Hit 首先要讚下佢陣味，係好高級嘅 Bergamot 佛手柑味加少少薑味，聞落好似做緊高級 Spa 咁，唔係嗰種好藥用、好難聞嘅生髮水味。 佢個質地係透明水狀，流動性好強。用嗰陣直接滴落頭皮，然後用指腹按摩。最驚喜係佢一啲都唔笠！好多頭皮精華搽完個頭會好似幾日無洗咁，但呢支吸收得好快，乾咗之後個髮根依然係蓬鬆嘅，就算油性頭皮用都無負擔。 效果方面，佢主打係針對「斷髮」同埋強韌髮根。用咗大概半支之後，會感覺到洗頭同梳頭嗰陣，跌落嚟嘅頭髮少咗。 佢未必會令你即刻生好多新頭髮出嚟，但會令你現有嘅頭髮抓得實啲，無咁容易甩。個滴管設計都好貼心，有條紅線提示你一次用幾多份量。缺點就係價錢略貴，同埋要持之以恆日日用先見效。 防脫效果： ⭐️⭐️⭐️⭐️ 清爽度： ⭐️⭐️⭐️⭐️⭐️ 味道： ⭐️⭐️⭐️⭐️ 價錢： ⭐️⭐️