底妝效果 推薦好用產品

beanya好用推薦：輕輕一抹就遮到毛孔，遮瑕度高，價錢亦都好平，不過好快乾，亦有少少難落。

inkitsung好用推薦：色號16，偏白～ 價錢平，遮瑕度亦明顯較高～ 但始終保濕力不太足夠，較適合油肌痘痘肌

Ressie14好用推薦：unlimited 無限輕霧定妝蜜粉, 一盒15g, 白色既蜜粉粉質幼細, 可吸走多餘油光, 但控油效果一般般, 日間會出面油的需要日中補粉。(我混乾同傾向自然妝容, 所以我滿意控油功能) 定妝效果係屬於啞緻透明 (無遮暇效果) 不挑膚色; 沒有任何閃粉。 在產品妝效以外的comment, 就係但我不太喜歡佢出粉洞洞不太暢順! 次次倒出來都要chok好幾下先出到份量既粉末, 使用感受(包裝設計上)略遜。

kykyky好用推薦：小黑磚蜜粉必定係油性皮膚既首選，粉質幼細，即使重複上粉，都冇厚重感，同埋佢係超級控油，持久度亦唔錯，保持膚質粉嫩。雖然冬天用會覺得有啲顯乾紋，但香港長期夏天，就冇咩問題啦

takemyokane好用推薦：質地順滑易推，但也許真的不合我的膚質，就算配合同品牌的隔離乳使用效果也不太好，超易脫妝⋯⋯

Milo101好用推薦：🌟質地較厚但容易推開 🌟屬於比較滋潤的粉底霜，薄薄一層就夠了 🌟柔肌糖瓷效果自然 🌟102號色會比較適合小麥色膚色的

Carol好用推薦：粉質都算細嘅，但用掃攞粉啲粉好易飛到周圍都係，同埋出嚟個效果有啲厚粉...勝在成份好同埋礦物粉對皮膚好啲

FW好用推薦：佢成份夠天然，但粉質比起我用過千千萬萬嘅歐美minerals powder幼，而且更加貼面！ 當然佢遮暇度就會弱啲，但佢粉質好，好貼面，搽上面，膚質立即靚咗，睇上去好自然。唯一唔好就係唔夠持久。 通常我唔想化妝，或者皮膚較敏感，我就會只用佢。

jaye好用推薦：德國生產既護膚品化妝品敏感皮膚都可以安心用，因為品質管控較嚴謹，呢支噴霧噴嘴以呢個價錢後講尚算合格，噴出黎既水珠都算細緻，都好快成膜，幫到手定妝，只係未算持久，呢個價錢都可以一試。平價之選！

可好用推薦：定妝噴霧成膜非常迅速，噴上後大概只需要20秒左右就可以完成定妝！此產品的吸油效果非常明顯，可以完全吸收底妝的油分和光澤感，瞬間變成霧面肌膚，但需要注意，如果希望保持底妝的光澤感的人，可能不太適合使用。 此產品的噴頭使用時比較需要注意，噴出冲力比較強，需要距離面部較遠使用，個人認為大概30-35厘米左右最為合適。 此外，產品有一個比較重的香精味，個人認為比較像奶油餅乾的味道，因為香味比較個人，建議先到櫃上嘗試一下香味是否能夠接受再購買！

Akassoo好用推薦：以前用開韓國嘅粉底，呢排轉試下日本嘅粉底，當中最大嘅分別係日本嘅妝容一向都係輕薄自然啲，而呢款media luxe嘅輕透持效粉底液顧名思義，真係好輕透。用之前要搖晃，一倒上手可以睇到佢係勁流質，要好快拍上臉。我用嘅係02號色（自然），開頭倒出嚟見到咁黃勁驚買深咗色，好彩拍返上臉之後都符合返膚色（本身自己係普遍黃種人膚色）（如果你皮膚係比較白嘅話，就可以試吓01號色）。不過因為輕薄自然，所以遮瑕度唔會話特別高，如果大家多瑕疵嘅話，都需要另外用遮瑕。 呢隻粉底液主打「防水抗汗，輕透美肌持續全天」，個人覺得佢的確係防水，而持久度都真係高，基本都可以hold到7-8個鐘、暗沉亦唔明顯。不過，而家啲天氣咁炎熱，日日都30幾度嘅情況下鼻翼就比較易浮粉，鼻頭亦都會出現白芝麻嘅情況。 另外，呢隻粉底係SPF26 PA++++，喺而家咁炎熱嘅天氣底下我自己都會喺上妝前用防曬底霜打底。整體嚟講，呢隻粉底液嘅性價比高，港幣$100都唔洗，但都做到晒基本粉底液嘅要求。如果日常淡妝嘅話其實呢隻就夠晒。

Verna好用推薦：這款粉底液的質地很流質，所以用之前一定要先搖勻，上面後，感覺很輕盈很透薄，而且完全無感無負擔，而摸上去是有點粉粉的觸感。它的防水防汗能力也不錯，也不容易脫妝 我這支的色號是02 自然，顏色和我的膚色也配合 不過因為它很透薄的關係，所以遮瑕度不是很高 而它的缺點就是份量太少，一支小小的，只有25ml

kakawong525好用推薦：我買嘅色號已經係最淺色，但都偏粉徧紅。 敏感肌嘅我，試過佢另一個系列都唔會生痘痘。 但用呢枝就敏感， 妝感偏厚重，遮瑕足，唯一好處就係夠潤， 唔卡粉，但呢個系列用過幾次就無用過了。感到失望

KumaXKuma好用推薦：個人認為不適合乾性皮膚的sis, 我是乾到出油的皮膚，用左佢出油更勁😨 到左中午會變暗左，買過一次就夠了

Kura好用推薦：今個夏天我最鍾意用嘅碎粉，我用嘅色號係01，搽上臉唔會泛白，包裝外形超級少女心，粉質細膩，定妝效果超好，遮瑕力算中等，定妝效果好自然，令到我整體妝感都貼服唔錯，夏天我一出街就爆汗，用咗呢款碎粉我就算大爆汗都好我嘅妝都唔會溶得好犀利，係我夏天必用嘅碎粉，非常推薦俾大家 #碎粉 @cosme

Ruby Wong好用推薦：外觀超可愛，淡淡香氣，粉撲又厚又軟，碎粉質地幼細，上完粉有很絲滑的感覺，也很持久，而且一盒用好耐，我果盒用左差不多一年，而我係接近日日用的！上面後感覺偏白，似陶瓷的感覺，較日系，要看個人喜好～我就很喜歡啦～～

choichoi好用推薦：原來這粉餅是品牌資深元老了，口碑不錯；粉質細緻不厚重，上臉之後直接把皮膚粗糙感自然蓋過；擁有中度遮瑕感，不會有明顯的妝感算是自然

AngelC好用推薦：粉質很細膩幼滑，上面後非常輕薄 清爽及自然，雖然遮瑕效果一般，但因為上妝後真的很輕盈很貼服 似沒有妝感，效果非常自然，由於我對遮瑕度要求不高，所以沒太大遮瑕效果我可接受的，最緊要不厚妝感，而且帶出街補妝都很方便

Fng好用推薦：hourglass 嘅碎粉上面有十分輕微嘅光澤感，冇顏色，透明，一啲都唔顯紋理🤩， 冇遮瑕度， 缺點係毫無控油效果 同埋個H字取粉孔唔知點解好難出到粉， 趕時間時用，有啲忟憎🤨。

rleungyt好用推薦：聖誕美妝日曆裏的迷你版。粉質細滑、控油，但感覺上比起Laura Mercier冇咁控油同blurring🤔

Blueblueblue好用推薦：matte 款適合油肌人士。 出油會變奶油肌，能修飾毛孔。 會回購。

wintonggg好用推薦：好輕薄，上妝都好貼服，一到兩個度嘅暗沈，但接受到，買一個有一個補充裝送，性價比高

sscxy好用推薦：粉感較重，容易卡粉，如要貼服嘅話，要做好打底，呢個價錢來講嘅話並唔符合到我嘅期待

SunnyZhang好用推薦：之前聽過啲人講過泥支粉底液唔錯，就心掛掛去買咗支返嚟試，因為買果時係夏天，所以沒有乾紋出現的情況，但到秋天10月左右用時發現眼周圍好幹，同埋好多細紋出現，以為係自己未做好妝前補濕！但換咗另外一支MAC嘅粉底又唔係咁喎！泥支可能適合夏天用會好D！

誠實豆沙包好用推薦：用左兩次就冇用，原因是非常顯暗粒，妝感唔掂

Aivlys好用推薦：比較耐之前用， 唔係記得非常清楚啦， 最深印象係控油功效好好， 就算偏油肌喺夏天用都可以捱足一日然後維持奶油肌， 出咗油都唔會結塊， 表現唔錯！

chasiutung好用推薦：本人混油肌 膚色大概黃1.5白ysl 銀氣墊用 b30 主打霧面妝感控油持久不脫妝防曬SPF50/PA+++剛上面有點白氧化之後色號剛好 遮暇度高 輕輕上一兩層粉底就已經好足夠 黑眼圈嗰d位都吾洗加遮瑕 但依款粉感會有點重 霧面啞緻妝效 控油效果吾錯 持久度都算高 我平時夏天用銀氣墊 無用定妝產品 都keep得吾錯 T字位會出油 吾算嚴重 下巴位同鼻邊會輕微浮粉 係可接受嘅範圍 因為我用氣墊粉底妝 懶得定妝 下午補一補就可以了 整體來講算吾錯 個銀氣墊秋冬會有點乾 秋冬我就會用新版羽毛氣墊控油持妝都吾錯 妝感比銀氣墊薄 同滋潤d 但遮暇度就真係無銀氣墊咁高 無卡粉 無浮粉問題 妝感真係幾靚 兩款都好鐘意 但個人比較喜歡新版羽毛氣墊粉底嗰種日系奶油肌嘅妝感 我覺得同銀氣墊嘅控油同持妝能力 差吾太遠 兩款都好好用 右邊係恆時啞緻氣墊粉底B30 左邊係昇級版輕透無重羽毛氣墊粉底B25

pigpig好用推薦：油性皮膚友善 上臉輕薄清爽不會顯毛孔 遮瑕度中上 容易推開 係眼圈位置可以疊加唔厚重 屬於絲滑質感 防水防油 表面都唔會有黏笠感覺 唔癡口罩 。 夏天出入商場完全唔補妝可以堅持全日 。如果全日都係戶外需要中途補妝但持久度都唔錯 。我用附屬的工具已經可以完美延展 在氣墊中屬最適合油性皮膚

iliya 好用推薦：呢款碎粉嘅粉粒都算幼細，搽上面之後都幾透薄，而聞落有少少好似藥材味？，但都幾好聞，相信就係漢方精華嘅精髓！😂

lingbb好用推薦：- 粉質幾幼細，可惜CP值唔高 - 黑色蓋透明膠盒做底，我選最白色號，是matte finish - 上面毛孔會變細，份量比較少， 使用感都不錯但價位有點高

Noel好用推薦：喜歡就瓶粉底的簡潔包裝，沒有多餘的枝節，乾淨利落，玻璃瓶的包裝，配上塑膠泵頭，使用上也很方便👍總體感覺 CP值滿滿，乾肌都能用，值得一試。 粉底液使用前必須搖勻，否則會有點水狀。粉底呈液狀，中高流動性，延展性良好。個人喜歡用氣墊粉撲上這款 foundation，感覺很易推，亦非常 lightweight，帶著囗罩也很舒服❗遮瑕力 6～7成，並可以堆疊，毛孔修飾力表現沒有特別出色，中規中矩。 乾肌使用這枝底妝都可以，個人會選用補濕力強，gel狀的防曬，再配這枝 Revlon 粉底液。帶妝半天，出油量很少，額頭不會反光，但鼻側會有少許斑駁，需要用紙巾輕壓。而且這款粉底沒有明顯氧化及變暗沉，可以直接入手貼近皮膚的顏色👌

Kpl6be6好用推薦：開架品牌嚟計係算唔錯～遮瑕度夠～不過要少量多次上比較好～否則易出現過厚妝容～

BeeWong好用推薦：碎粉會比起呢個壓縮版，定妝效果會更好。但呢個會易於攜帶、所以各有所長。

jellybeanyay好用推薦：好易抓粉但唔飛粉，定妝能力OK不過都可能需要補妝，上面都好貼服同輕薄，唔會厚粉。不過我比較喜歡同系列嘅碎粉多啲。

rachelnoni好用推薦：用的色號是anna，帶少少紫的粉紅色，搽上咀後會顯得面色白d。唇膏非常顯色，不過偏乾，無搽好潤唇膏會現唇紋，而且好易甩，飲水時水杯有明顯唇印，帶口罩都易粘在口罩上

Katrina好用推薦：買咗9456 vera， 係顯白嘅漿果紅，啱曬秋冬濃妝使用! 質地buildable, 無論韓式咬唇定歐美式full lip 都可以輕鬆打造!

zetalhc好用推薦：比想像中有點厚的感覺，有點兒難推，尤其係當皮膚比較乾燥缺水的時候。鼻頭上的毛孔作用不大，但可以淺層修飾面頰兩旁的毛孔，令後續上妝更加容易。

shadow影子好用推薦：塗沒在皮膚上有均勻膚色作用，整體會令膚色白左大概兩度，透薄而不厚重，遮瑕度令人滿意，修飾毛孔效果都好好。

940727.0好用推薦：早排拎咗佢哋嘅sample試用，開頭以為佢哋呢隻粉底液好保濕，但係原來係啞面嘅質感。容易推開，出咗去幾個鐘都冇出油，因為我平時都好容易T位出油，之後個樣就好污糟。幾開心佢係冇依個問題。 另外遮瑕度都算係高。

YolandaAuYeung好用推薦：質地／易推度：4.5分  粉底液質感輕盈順滑，流動性很好，十分易推開，推開後輕易造岀啞緻透薄妝效。   遮瑕度：4.3分  粉底輕盈透薄，塗一層已可遮蓋80%痘印、泛紅位置，塗兩層，瘀紅黑眼圈位置變得不明顯 持久度：4.3分  塗粉底後，膚色看上去有啞緻輕盈妝效。一整日也不脫妝，帶著口罩也不泛油亦沒氧化 總評： 每次使用它都能逐步改善你的肌膚狀態，顯著調整膚色、改善膚質及持續潤澤肌膚。使用短短8星期後，即使卸了妝，肌膚都顯得均勻透亮，細緻平滑妝感清爽輕透。