LANEIGE

霧感無瑕NEO氣墊粉底 SPF46 PA++

今年夏天真係悶熱到癡線，出街唔使5分鐘已經成面油，個妝溶到好似地圖咁。之前見好多人推蘭芝呢隻Neo綠色氣墊，話專為油皮同混合肌而設，控油力一流，宜家同大家分享下我用落嘅真實感覺啦！ 1. 包裝：真係冇得輸！ 首先，個包裝真係冇得彈！佢個綠色好靚，有種好清新嘅感覺，質感幾好，簡約得嚟又夠潮。 2. 質地同妝感： 撲上臉嘅第一下，感覺好清爽，完全冇黐笠笠嘅感覺。粉質算幾幼細，拍勻之後係個種半霧面嘅妝效，唔會好似戴住個面具咁假，光澤度係從皮膚裡面透出嚟咁，幾自然！ 遮瑕度方面，我比中等偏上啦！我面頰有啲泛紅同暗瘡印，基本上拍一層已經遮到七七八八，如果瑕疵多嘅位置，可以局部再輕輕按多一層，都唔會覺得好厚粉。 3. 控油同持妝度：呢個係重點！ 作為一個大油皮，我最關心就係呢點！ - 頭4個鐘：真係冇得頂！個面保持到乾爽，喺冷氣房入面個妝完全冇變，好似自己本身皮膚咁好。 - 出街6個鐘後：T字位開始有少少出油，但唔係個種油光滿面嘅恐怖情況，而係變成一種好自然嘅光澤。最好嘅係，佢唔會點溶妝，只係用紙巾輕輕印走面油，個妝仲係好完整，冇斑駁！ - 成日返工放工：到夜晚睇，鼻翼兩側有少少

雖然我係混合（偏乾）嘅皮膚 但因為比較多痘印 想遮瑕能力好啲就買左呢款 用左一年 不斷回購 佢嘅遮瑕能力的確唔錯 基本上一層已經可以覆蓋到啲印 唔洗再特別上遮瑕 出街真係好方便～而且佢唔算好乾 之前買其他牌子嘅cushion都會浮粉浮得有啲嚴重 但佢唔會有呢個問題（就算食開A酸+冬天環境下 只要做夠保濕都冇問題！）而且出完汗佢個妝對我黎講會更加服貼同好睇🤣氧化速度都唔算好快 持妝度都好好 粉撲上嘅窿窿都可以令用量更加平均 遮瑕：🌟🌟🌟🌟（4/5） 持妝度：🌟🌟🌟（帶口罩都係會甩妝有少少扣分）

幾方便幾好用嘅cushion! 好難得韓系底妝嘅色號唔會死白and灰 控油同遮瑕度都唔錯！ 適合初春同初夏使用 有回購到！

matte 款適合油肌人士。 出油會變奶油肌，能修飾毛孔。 會回購。

好輕薄，上妝都好貼服，一到兩個度嘅暗沈，但接受到，買一個有一個補充裝送，性價比高

聲稱可以持續二十四小時，但係去到中午都有出油情況，鼻翼兩邊有少少甩粉，以韓國產品來講，佢呢個價錢都算值得入手，控油能力一般，如果需要補妝，我會另外帶一個蜜粉出街。外型確係幾可愛，呢點冇得輸。

上手背試左試，妝感覺幾輕盈，遮蓋力都唔錯，可以遮走毛孔，而且都幾清爽～