對香港用家來說，選擇乳液產品時，他們最關心的點是什麼呢？
有什麼特點是大家都偏好的？什麼特點是大家都不喜歡？

一齊來看看網友對各種「乳液」最一針見血既點評吧！

不讓人驚訝的結果：很多人覺得乳液的滋潤性是最大考量。使用時，也會很注意是厚重質地、抑或是水潤質地。在使用感上，如果乳液太黏膩，對用家是一個大寫的「NO」！

sarah：
「這枝乳液標榜無香料無色素，成份天然，比起其他牌子添加了香精的乳液用得更為安心。保濕程度高，天氣乾燥時用後，立即舒緩乾燥肌膚，皮膚變滑，更水潤。皮膚亦減少泛紅。

但當一般天氣用時，有種痴笠笠的感覺。」

KayL：
「價錢方面真係好平，而佢對於保濕既功效幾好，保濕力強，冬天用會更有效，而且見佢有加入豆乳同輔酶Q10成份，聽上去天然好多，對皮膚好好。

因為我無論冬天定夏天都唔鐘意用cream，所以我都慣會晚間加厚塗抹，就幫我解決到皮膚乾既問題。個人覺得如果對護膚無特別要求例如美白、去皺紋之類，其實呢枝都夠頂住冬天好凍好乾嗰陣用。」

可：
「滋潤度十分足夠！冬天使用能維持肌膚的滋潤狀態，隔天起床後膚況十分好！但由於是偏滋潤型的乳液，比較不適合油性的肌膚，但偏乾以及混合性肌膚都十分適合！以及夏天使用的話，隔天起床後面部仍然有油膩感，可能會影響後續上妝。」

有很多乳液產品，都主打著成份溫和不刺激的特長。這當然是一個大大的好處；可是除了溫和之外，產品還有什麼特長？如果沒有能讓用家覺得突出的特點，要變心實在太容易了。

Coldshi：
「因為我皮膚唔係特別乾，所以我會係化妝水，精華之後就用呢款lotion，之後再上防曬同化妝；我一般按一次就可以搽勻全面，佢一泵份量都唔少；
至於味道，佢係完全零香味同無色素添加，真係敏感肌friendly；
質地方面，佢保濕力高，我後續都唔需要cream；
見到好多人都讚佢容易吸收，但係我可能同佢麻麻地夾，我覺得佢質地雖然容易推開，但係都有小小厚，搽上面我個人覺得唔係特別容易吸收；所以我要將佢係手心卒開再「拍」上臉，而唔係「搽」，如果唔係，之後上妝容易「打曬交」。

總括而言，佢保濕力同維持肌膚穩定能力唔錯，但係如果夏天用，我個人就未必回購；呢款lotion係敏感肌 / 乾肌好朋友，混合偏油or追求清爽嘅朋友可能唔太適合或者試佢清爽版。」

Chi：
「好好用，穩定敏感皮膚一流。包裝唔錯，吱出黎用方便衛生，唔會污染返入面嘅乳液。
唔太笠，有滋潤同light揀，不過係唔敏感既情況下，用呢枝滋潤版會生多咗粉刺，油皮膚要避開。
放一支係屋企看門口，應付敏感情況既話都唔錯。」

do8270423：
「我會當佢係肌底乳使用，跟品牌教法用化妝綿塗抹面，效果非常好，皮膚變得更柔軟。同埋佢好大支，都用都好耐，價錢唔算平但係一支用好耐都抵返。」

Aivlys：
「佢係乳液狀嘅暗瘡、痘印膏，主打鎮靜痘痘同淡化痘印，個人覺得非常之有效，因為我有內分泌問題，下巴成日都會谷痘痘，最犀利嘅時候試過新舊痘印加埋有十幾點，
自從搽咗呢支杜鵑花酸乳液之後就生少咗接近一半，而痘印亦都消得快咗好多。

除咗生理痘之外我覺得佢對付臉頰痘都幾有效，不過可能因為我臉頰啲痘有些少微絲血管增生嘅蹟象，淡得慢過下巴好多但亦都有可見地變淡！
個人真係非常鐘意呢支乳液，應該會無限回購到唔再生暗瘡為止！」

需要乳液是很基本的護膚類型，大部份用戶重視的功能也不脫離：滋潤、改善乾燥、溫和、低敏，可是卻不要因此而看輕用戶對乳液的要求！

本次挑選出來的心得，看得出網友對乳液的質地、功能要求也挺挑的（笑），而且亦非常中肯地說產品的好或不好，亦會提及什麼質地適合什麼季節。我們特以公開表揚及獎勵上述心得。恭喜6位網友：sarah、KayL、Coldshi、Chi、do8270423、可。