@cosme上其實有好多美妝達人！編輯常常看到一些心得，都覺得圖片拍的好漂亮，或是心得寫得非常的好、甚至是非常的燒，看了真的很想買那支產品！今次編輯精選了一些優質心得與大家分享，快去follow這些網友吧！
1.網友chasiutung極致大眼睫毛底膏心得評價Kate極致大眼睫毛底膏 透明gel狀 質地加 幼細黑色纖維 毛毛搽上眼睫毛會變有乳白色嘅絨毛感 乾左睫毛會定型 但吾會生硬 感覺好輕 一d都吾厚重 之後搽平時用開嘅睫毛膏疊 塗上去 可以做到 纖長 根根分明嘅豐盈效果 Kate依支眼睫毛底膏防水防汗防皮脂 好似我依種又大汗眼皮又油嘅人士都可以用 一整天睫毛依然捲 翹完全無塌 而且一條纖維都無甩 👍非常好用 一直回購
2. Nicnic四色眼影組合 心得評價:Nars 嘅眼影不嬲都唔錯，今次個色號係TAJ MAHAL，包括閃爍金黃色、閃爍淺桃色、帶金粉的亮橙色、啞緻紫紅色（根據官網資料）顯色度：四隻色有三隻色都好顯色，好smooth，除咗隻啞緻紫紅色🥲，我swatch 嗰陣啲粉上哂手指，但係上唔到手臂，會一Patpat 咁。上眼都有同一個問題，如果想用隻紫紅色做主色調，但係難上色之餘仲好難blend 開，個眼妝烏烏糟糟咁。有閃粉嘅其餘三隻色表現不錯，閃爍淺桃色🍑，夠滑，夠顯色，打底冇問題，佢個閃爍只係暗閃，啲閃唔算太有存在感。帶金粉的亮橙色🍊，佢個橙色好適合夏天，有種橙冰嘅感覺，容易blend，上色冇問題，我自己內雙會加個深啡色消腫，如果單用會顯得腫腫的。閃爍金黃色✨，呢隻勁靚，夠閃，但係如果加埋隻亮橙色會比較浮誇，所以都少用。
3.robinsbk水氧定妝噴霧 心得評價:已經空瓶咗3枝🤣因為我都算係沙漠肌 就算係夏天 個妝全日都唔會點出油 反而係帶妝8-9個鐘後可能會開始變乾 完成哂skincare routine會用呢枝spray打底 再用嚟噴濕個sponge嚟上foundation 搽埋concealer同cream contour之後 會全面再噴多幾下 成膜之後落少量碎粉 用完真係set得貼貼服服 個妝同啲coverage都唔會點溶點郁 仲要唔點變乾!! 但其實佢都係會transfer 如果呻鼻涕個啲抹到都係會甩 不過只要唔掂塊面就無事! 佢補妝用都好好!! 放工前輕輕印一印面啲油/甩咗嘅妝 噴一噴spray再上返啲concealer又靚返✨不過有樣嘢仲想提嘅係佢個噴嘴都幾參差xd 佢本身噴出嚟已經唔算幼細 我都覺得尚可接受 但有次我買咗枝唔知點解噴出嚟直線咁打落塊面度LOL 學有個會員咁講:好似用緊消防喉 所以我就擰返上一枝個噴頭落新個枝度 到之後新買個啲都無事 應該只係個別狀況xd
4.Lumi Kwan 古源注顏修護乳霜 心得評價 古源系列有兩款乳霜，呢個係輕身質地嘅soft cream，質地柔彈輕盈，第一次購買係因為當時皮膚敏感，覺得皮膚好脆弱，但同時又想有一定嘅護膚作用，所以就選擇左呢個乳霜。但價錢真係十分之貴，已經係退最貴嘅一款乳霜。而當中我嘗試過去比較佢同系列另一款較厚身嘅乳霜，因為店員話厚身嗰款需要擺喺手心按摩先用得，我平日好懶，所以我最後買咗呢個。敏感情況真係有改善，而且用完之後覺得面部皮膚好彈滑，紋都少左，所以一路都有回購，但我會建議減價時有套裝先至買，因為確實比較貴。
5.940727.0 GABRIELLE CHANEL PARFUM 心得評價:GABRIELLE CHANEL ESSENCE是一款滿載陽光活力的性感花束香調。猶如花蜜一般，ESSENCE是由四種白色花朵組成的濃郁花之精華。香調的核心是充滿異國風情的茉莉，柔潤溫婉的花香籠罩著伊蘭伊蘭的閃爍青蔥果香，接著清新耀眼的橙花香氣緊隨而至，讓人一瞥格拉斯晚香玉最優雅柔美的姿態。格拉斯晚香玉被譽為最幽香迷人之花，在香調中更顯突出，持續散發光芒，打造環抱肌膚的溫暖芳香。其實依款香水男士都可以用，比較中性
6.綺羅香絲滑梳乎厘眼影 心得評價:我本身眼偏凸，所以好驚用全珠光眼影，會顯得雙眼好腫好凸，睇見細妹用呢款梳乎厘眼影化眼妝唔錯，4隻色都唔係大亮片或者勁閃珠0光，而係非常細膩緞光，每隻色帶少少細亮片，唔會顯眼腫，就入手一盒06薄霧粉紅，呢盒係帶好重紫灰調嘅粉紅色眼影，粉質軟綿綿，帶濕潤感，唔會飛粉，係手臂試色非常順滑貼服，用化妝掃上咗兩三層都唔係好顯色，跟住盒後面嘅教學，好有成熟女人味
7.Linda Multi-Peptide + Copper Peptides Serum 心得評價:最近The Ordinary 把「Buffet + Copper Peptides 1%」重新命名 為「Multi-Peptide + Copper Peptides 1%」，但配方還是一樣。這款產品因為擁有Copper Peptides藍銅胜肽，所以是藍色的。藍銅胜肽是一種温和抗老的成份，可以促進膠原蛋白及血液循環，並預防彈力蛋白流失，修復受損細胞。而且藍銅胜肽是一種比較昂貴的成份，The Ordinary 只需二百多的價錢就有1% 藍銅胜肽和其家多款胜肽，真的很高CP值。這款產品比Buffet 更清爽，但推開後會有一陣很快會消失的怪味。我會在用視黃醇（A醇）後有輕微的紅腫的時候用這款產品，修復很強，第二天差不多沒事。
8.takemyokane The Eyeshadow 心得評價:最初接觸 Addiction 是它們的唇部彩妝，當時就已經深深迷上整個品牌的設計感，以及產品所呈現的效果，整體就是有種高級感。後來從朋友中收到眼影組，原來除了單買一個個以外，還可以自由組合成一盒眼影。第一下試上手就覺得顯色度很高！粉質十分幼細，不易碎裂。較深色的眼影也不會有髒感，很容易控制。閃粉更不用說，它並不是誇張的大顆粒，但一掃就已經超閃。整體很滿意！唯獨不喜歡的是我習慣用眼影附贈的掃，但這組眼影需要另外用自己的掃，不過問題也不大。
