M.A.C

快捷防水眼線筆

眼線產品已經試用過超過100支 MAC快捷防水眼線液係暫時唯1會回購 自己皮膚超乾但對眼就相反超油 基本上用咩都會溶哂化哂 有日去MAC買粉底同BA講開自己油眼 佢就推薦左哩支眼線液 話去船P沙灘游水都完全冇問題 講到咁勁就買支試下平時化妝都係淡淡地唔會太濃 所以揀左啡色搽上眼會自然d 如果想再sharp d可以揀黑色細細支帶出街或者帶去旅行都超慳位 自己試過有次淨係用卸妝油卸妝 沖完涼條眼線仲完好無缺 哩支眼線液真係超long last 一定要用眼唇卸妝液先卸到如果要講哩支有咩缺點 就係掃頭有d大 初用會唔習慣 同埋眼線液比較杰身會乾得慢 仲有就係太持久要花d時間先卸到 如果你同我一樣都係超級油眼 仲未搵到好用眼線產品 強烈推薦你試下MAC快捷防水眼線液 自己係11月時已經入手定新1支 準備2025年用喇 產地：意大利 購入日期：2024-11-22 購入方式：MAC HK website 入手價錢：HKD153.75/2.5ml (HKD61.5/ml) 原價：HKD205 (HKD82/ml) 回購：10/10 *暫時最愛眼線液

船p落水都唔會甩既眼線！ 之前船p搵一款落水都唔會甩既眼線。上網推薦呢 款，的確係好持久既實黑色！點捽都難甩，卸妝都 要搵棉花按一陣先落到， 美中不足係佢個掃頭畫會好易畫出界，我自然畫出黎都比較粗，掃頭比較軟身。建議要小量多次上眼會無咁易出界。都需要時間練習先畫得好。 但佢細細枝好易收藏！