LAURA MERCIER

柔光透明蜜粉

多謝cosme給我是次試用！Laura Mercier（LM) 的碎粉一直係品牌嘅皇牌product，好榮幸可以試用☺️

上咗cushion foundation之後，我之前習慣唔再上碎粉（慳時間，笑），但係用咗一個多星期柔光透明蜜粉，令我決定要做埋呢個上蜜粉呢一步！

首先講講質地，碎粉細緻幼滑，不帶有閃粉成份。怕油光人如我，是福音😁，因為面部出油之後，閃粉會令油光顯得更油。

蜜粉盒入面唔包括粉撲或化妝掃，所以建議大家使用前準備定。

蜜粉盒嘅外型都好靚，特別鐘意盒身少少磨砂嘅感覺😗雖然未必會攞出街，但喺屋企用都高級感滿滿！

用後感：我用嘅cushion 本身係帶有光澤，掃上蜜粉後，就變咗柔光，帶啲霧面感，效果貼服，不卡粉，質地薄薄地。我覺得顏色唔蝦人用，效果自然。我會將每次要用嘅份量倒落蓋度，然後用化妝掃沾上適量的粉，使用前將掃敲敲，去除多餘嘅粉，等效果自然啲。

試咗一個多星期，返工前上蜜粉，下午出油嘅情況唔算勁，搵紙巾印一印，再補一補就可以。同平時用開嘅蜜粉比較，LM嘅蜜粉喺控油、定妝方面都幾勁！用平日嘅蜜粉上妝，去到中午 鼻位已經明顯出晒油，身為混合肌嘅我好困擾！但LM無呢個問題！上圖係返完一日工，無補妝情況下拍攝，搽咗蜜粉嘅底妝仍然keep得好好👍🏻

LM呢盒蜜粉絕對推薦俾大家用！