LAURA MERCIER

幻魅柔霧鎖水唇膏

多謝cosme給我是次試用！是次試用是Laura mercier（LM)的幻魅柔霧鎖水唇膏。(仲要係AK代言，好開心同佢用到同一款product!) 兩枝唇膏嘅色號係520 Scarlett velvet紅色，同610 Blush chenille祼色。

首先講講唇膏的質地，用過其他牌子嘅霧面唇膏，遇到我呢啲乾咀唇嘅會好難搽開，會被唇紋卡住，但LM的唇膏令我好驚喜，唇乾都glide到，唔會卡住，之後再用唇膏輕輕補一補返 塗唔到嘅地方就得。令我呢個喜歡霧面感，但怕乾嘅人都唔驚，日日用，唇紋唔會顯露。

呢枝唇膏搽一層已經好顯色，同埋一層都蓋過本身唇色，可以慳返好多錢（笑）。附上嘅相片為搽了一層嘅效果🤗

兩隻色的感覺，我以為紅色會好難carry，點知上鏡好sharp，好精神，啱晒我呢個cool tone人! 祼色就好啱我返工用，因為要低調啲，但係都好易襯，只要將眼影，胭脂塗深少少就balance返成個look/tone :)

外型方面，呢枝唇膏比其他肥啲啲，外面係帶啡色的光面，有高級感，去event / 食飯攞出嚟用，完全唔失禮。唇膏嘅body和蓋是用magnet去合埋，使用方便。

唇膏帶有少少香氣，好似蜜糖，唔會好濃，個人幾喜歡✨

總而言之，Laura Mercier 幻魅柔霧鎖水唇膏物超所值，喜歡霧面感嘅朋友唔好錯過。怕乾嘅朋友都唔驚，因為真係唔會出乾紋🤗