LANCÔME

極致持妝輕透粉底液

感謝@cosme的試用邀請，有幸同大家分享Lancôme Teint Idole Ultra Wear 極致持妝輕透粉底液#BO-01用後感。
1️⃣首先講講品牌方對產品的優點描述：
- 持久不脫妝，能抵禦潮濕環境，抗汗控油
- 輕透無負擔，採用透薄零粉感科技，呈現自然不厚粉不焗促，清透高級的妝效
- 質地透薄、延展性高，粉底液質地偏水狀，清爽不黏膩

2️⃣再同大家分享本人用後感 (油肌，毛孔粗大，冇補妝習慣)粉底液用上磨砂玻璃配上方柱瓶身設計，有大牌高級感；粉底液呈偏水狀，可見其質地透薄，就算15分鐘後再唧1泵比較，都唔會有氧化問題。
跟著就跟大家分享上面嘅before & after；我只薄薄上了一層+有泛紅瑕疵位局部上多一層而已。
你會見到毛孔有被修飾、泛紅同痘印都遮蓋了不少，仲平滑膚質；呈自然啞緻妝感，清爽不黏膩。
跟著再分享一整天口罩同油光攻擊下嘅妝效；
喺完全冇補妝嘅清況下，5小時後會見到遮瑕力有下降，見到微微泛紅，但毛孔修飾同平滑膚質都仲keep到；到10小時後泛紅已經重現，而且膚質亦粗糙，但毛孔仍然有修飾冇白芝麻出現。

後記：以上係冇補妝嘅狀況，如果中間有補妝我相信泛紅同膚質問題都可以解決；順帶一提，一整天下來，妝感都清爽啞緻，而且冇白芝麻情況，毛孔有被修飾，所以我覺得粉底液有做到佢所宣稱嘅優點：質地透薄，輕透無負擔，持久不脫妝(有補妝情況下)