LANCÔME

極致持妝輕透粉底液(已停產)

首先多謝今次試用嘅機會💕🙈，我自己嘅膚質係混合性偏油，t字位一整日會出油面頰唔點出油，整體偏乾

今次係我第一次接觸專櫃嘅粉底液，之前都係用粉餅。粉底嘅色號係BO01，暖色第一白，都適合我嘅膚色。倒出嚟質地流動性中等，好易推開同用Beauty blender呀好輕鬆就可以推得勻循。


薄薄地咁樣上一層遮瑕度都有七成左右，好自然貼服，唔會好崩緊，有小小光澤感但唔會太誇張令立立咁，仲好香😂香料味化完妝一陣都會聞到。我本身面頰都有泛紅嘅問題，佢都可以遮得好好，黑眼圈同埋深色啲嘅暗瘡印就需要另外再用遮瑕膏。如果再上多一層遮瑕度都可以堆疊到，唔會好假/太厚。

上妝前☝🏻第二張係上妝後☝🏻

出咗街5個鐘個妝感都ok，如果唔係出油出汗得好勁都維持到8成唔會太油又有小小奶油肌，如果有帶口罩可能會磨到少少走。但我自己嘴角兩側偏乾（冇做保濕），就有啲浮粉，如果膚質偏乾就要注意保濕。


出咗街8個鐘以上，出油嘅地方如果唔用紙巾印走都有少少令，其他位就冇咩太大分別，基本上有正常做保濕嘅話出咗全日街都會保持到完整度。