LANCÔME

極致持妝輕透粉底液(已停產)

一個妝化得好唔好..
底妝絕對係重點之一..
皆因一浮粉.. 就會毁曬全個妝😪

我自己揀粉底液…會睇幾個重點
-質地
-不易氧化
-帶遮瑕度
-有防曬功能

至於霧面.. 日韓風.. 歐美風..
通通都係其次


LANCOME持妝輕透粉底液
喱一款我會俾8分

💡 輕薄貼服
質地好貼服..
用美妝蛋輕拍薄薄一層已經上到妝..
就算叠加遮瑕都無出現卡粉現象..
色調非常自然兼帶柔焦效果

💡不易氧化
底妝最怕氧化後變咗黃面婆..
喱一款完全無問題..
新年期間朝7晚11都無變色泛油..
吸油紙都慳番🤭

💡帶遮瑕度
我用Po-03.. 無特別去化白..
如果少量瑕疵.. 例如雀斑同暗瘡印..
叠加2-3層就完全遮到..
只有黑眼圈要另外處理

💡有基本防曬功能
Spf38 pa+++ 雖然只係基本配置..
但算唔錯..
我買粉底液必睇防曬度數..
因為防曬實在太易同底妝打交..
搞到搓曬泥..
所以喱項都算合格

🧏🏻‍♀️喱款粉底液嘅霧面效果都唔錯..
所以我自己會俾8分

扣分位係防曬度數唔夠..
如果上到spf50 會更加好💓

因為度數唔夠..
如果需要進行室外活動記得要另補防曬..
防止曬黑