絲花

敷面化妝棉(爽膚水專用)

絲花 敷面化妝棉 — 超柔軟、超貼膚，回購無限♾️✨ 質地 & 設計: 呢款化妝棉超級柔軟，用喺皮膚上完全唔會刮臉， 最重要係唔會甩棉絮，敏感肌用都冇問題， 清潔、濕敷都好舒服。 化妝棉嘅曲線設計非常貼合面部，用嚟濕敷更服帖！ 而且佢可以一分為二，分開後嘅薄片仍然結實， 吸收化妝水能力非常高，用少量化妝水就可以浸滿， 全方位提升CP值😍 效果: 無論係濕敷化妝水，日常上化妝水， 甚至係卸妝，都非常實用。 吸水力夠、釋水力好， 用起上嚟效率又高，效果又均勻🥳 滴咗兩三滴化妝水嘅效果: 總結：超高性價比化妝棉，必回購🤩 絲花敷面化妝棉柔軟貼膚、唔掉絮、吸水力強， 又可以分成兩片使用，完全係濕敷必備神器。 真正用一次就會不停回購嘅好物！✨

摸上手好柔軟薄身，型狀係曲線設計，一張兩邊可撕開濕敷，吸水力好，上面後柔軟貼服，型狀貼合眼底不用再剪裁，雖然薄身但有少少拉扯能力，不甩綿，濕敷時間可比其他綿長，敷完綿上仍未乾透，但大大節省了化妝水，用左幾年以上仍然在用，很值得入手

絲花呢款深藍色盒化妝棉，定位好清晰，就係專門俾你用黎濕敷嘅。佢個質地摸上手唔似棉花，反而似海綿多啲，好處係真係極之慳水，平時倒貴價化妝水，只要少少份量佢就可以釋放返出嚟，兩塊撕開貼喺面頰或者額頭好貼服，唔會跌落嚟 如果係想慳住用神仙水嗰類貴價精華水嘅，佢係幾實用。但係一定要講清楚，千萬唔好買錯佢黎卸妝或者當普通棉花用黎抹面，因為佢質地唔適合卸妝，而且吸污垢能力好低，用黎卸妝係完全唔得嘅。所以佢只係適合濕敷/用爽膚水輕微去角質 平時用其他牌子嘅化妝棉同絲花呢隻化妝棉比，用嘅化妝水相差一半，但明顯絲花嘅痴上面feel到仲係好濕潤，其他牌子即使倒咗好多化妝水依然有乾爭爭嘅感覺  慳水度：⭐️⭐️⭐️⭐️⭐️ 柔軟度：⭐️⭐️ 多用性：⭐️ 價錢：⭐️⭐️⭐️⭐️ 推薦度：⭐️⭐️⭐️⭐️

適合用嚟濕敷嘅化妝棉 唔係好似普通化妝棉咁有抹抹下會有棉絮 而且比較大片

對於我黎講唔好用嘅化妝棉，首先質地太薄，只可以用黎濕敷，卸妝完全唔得

濕敷綿的設計是兩塊綿摺埋，打開係連住一齊 我會摺到好細舊再倒化妝水，不用倒太多， 再掐一掐令化妝水均勻浸滿成塊棉，很省化妝水的用量 通常我一次只用兩塊，敷完兩邊臉頰再用黎敷其他地方

💫SILCOT敷面化妝棉係Unicharm 超省水1/2化妝棉，容量有 40張，但可以撕開成✌兩片濕敷（由40張變80張使用），👍好抵用，而且它的曲線形狀，👀好貼服眼睛，我會將少量肌底液滲透入化妝棉，然後濕敷眼睛當眼膜使用，💪好方便！ 💕真心推介大家買黎試下~🤔好用過其它品牌化妝棉。

厚度適中 ，唔會吸曬啲化妝水 ，1片可以中間撕開變兩片用嘅，比較大塊，邊界有彎起，可以更加貼臉同埋用起下巴個啲位，雖然有啲貴，但係用完會再買

真鎖水！不愧係爽膚水專用化妝綿，唔會將爽膚水精華吸晒入底浪費咗，無論日常拍爽膚水或用作敷面都合適，面積比一般化妝綿大，亦較柔軟唔甩綿絮，抹上面兩三下就Cover 晒減低摩擦皮膚機會。

呢隻化妝綿雖然價格比其他牌子高 但已經用咗好多盒 佢一盒有40塊 但其實一塊係可以mit開做兩塊 但唔會係好薄嗰種 所以好適合濕敷 而且佢個化妝棉有一邊係有眼嘅弧度 所以就更加貼面 再加上佢質料真係好好 唔會一抹臉就有一絲絲嘅棉花出咗嚟 佢仲唔會係嗰啲吸哂化妝水都未敷到面嗰種 所以真係好推介！

夠大張，濕敷用啱曬，尤其敷兩邊鼻翼算貼服，而且佢嘅質地唔怕甩毛，分開敷兩個面珠，額頭下巴都得，價錢大眾化，性價比一絕！

回購咗超過十次嘅化妝棉! 濕敷化妝水最適合, 唔單止可以節省化妝水嘅用量, 而且化妝棉嘅形狀好適合敷面! 強烈推薦!

有符合眼周曲線嘅波浪形狀，方便濕敷眼下肌膚。質地舒服好用。 但相較於其他可用黎濕敷嘅化妝棉黎講，消耗量較大。