LANCÔME

Genifique 升級版嫩肌活膚精華 (小黑瓶)

今次好開心好多謝@cosme同Lancome抽中左試用Lancôme「升級版嫩肌活膚精華」(小黑瓶)，吱出黎係透明狀，搽上手好輕盈好透薄既感覺，一啲都唔焗悶，涼浸浸好舒服，每次搽完上面都有即時補濕既效果，好水潤透亮，而且好快就會吸收晒，唔會覺得塊面痴笠笠。試過手背爆坼好乾燥果陣用，搽完手背變返好平滑亦都keep到冇再乾燥👍🏻👍🏻又試過塊面生完暗瘡果陣用，用左果幾日係明顯暗瘡會修復得快啲😆

試用果個星期既天氣都幾凍特別乾燥，塊面好缺水同出現明顯既細紋，試用左個幾星期後，皮膚有明顯既改善，包括補濕、提亮同緊緻，望落塊面整體係水潤左。
我覺得呢款「升級版嫩肌活膚精華」(小黑瓶)好適合一年四季用，因為除左冬天咁乾燥既天氣用到，佢既質地唔悶焗，我相信春夏天用都會覺得好清爽👍🏻

好感謝今次抽中左我試用，用晒我都會再買黎護膚用👍🏻👍🏻👍🏻