LANCÔME

Genifique 升級版嫩肌活膚精華 (小黑瓶)

第一次參與試用活動就幸運入選，感謝@Cosme 😄
這次中選的是LANCÔME的GÉNIFIQUE小黑瓶和CLARIFIQUE極光水。

《GÉNIFIQUE小黑瓶》
去年友人生日，指定要小黑瓶當生日禮物，那時就好奇到底有多好用。小黑瓶質地水潤，清爽不黏立，搽咗上面之後會覺得滋潤左但唔會痴立立，而且好易吸收！就算喺夏天使用都覺得清爽。臨瞓前搽完，成晚開住冷氣瞓覺，第二朝起身塊面都唔覺得乾，更唔會乾到泛油。洗面時都乾爽(有部分護膚品會好似有層保護膜般，洗面時先會洗走)，但小黑瓶就無呢個問題，皮膚有好好的吸收哂精華。

配合極光水使用左一星期，膚質好左，感覺飽滿有光澤！化妝都無再卡粉/擦膠碎！而且氣味清新（好似有淡淡蘋果味），用後感覺很良好👍成日出入冷氣房，溫差大也沒有令皮膚乾燥，就算悶熱天氣都無焗到出油，膚狀有變穩定！很推薦！

終於明白為何朋友會揀佢😆