ettusais

魔束捲翹睫毛底膏

試用程度：一星期內非連續使用了幾日，情況有朝早出門帶妝到夜晚、或收工後快速換妝赴約等，天氣已經進入炎熱的日子，亦有幾日遇上微雨。

背景資訊：上下睫毛都長、濃密度正常、有長期做角蛋白，喜歡儲睫毛膏。

因為ettusais嘅睫毛產品自從rebrand後都做得幾好，所以一開始對新產品好高期望。

- 全支黑色字又係黑色，同之前佢地eye edition嘅睫毛膏撞哂樣好易拎錯（但兩支膏體同梳頭都好唔同）
- 膏體輕薄，黑色得嚟唔會太matte又唔會太濕，附帶大量約長2mm嘅黑色纖維，因為膏體輕薄又快乾所以捲翹度可以維持到。

- 就咁搽一層上眼後睫毛即時會順眼咗，唔似搽睫毛膏咁明顯，但濃密得嚟又好根根分明，而且睫毛冇變粗繼續好自然，有種天生麗質嘅感覺。

- 跟住可以分兩條路線：一係就搽多層當埋睫毛膏咁用，上第二層之後佢會更濃密，捲翹度仍然維持得好好，仍然有天生麗質feel但比較傾向偽素顏嗰種樣，好適合綠茶婊扮綠茶用；

- 或者後續上番其他睫毛膏，作為底膏佢有䀆好佢嘅責任，後續就算上咩睫毛膏都仍然keep到好輕盈又完整，睫毛出到嚟可以做到好靚嘅羽扇咁，適合化全妝用。
個feel好似拎起咗包急凍芝士碎但發現佢仍然可以分開一條條咁😂

- 就咁用佢防水防油唔甩碎都做到，抵擋到微雨天氣。但如果當底膏用好睇後續用邊一隻睫毛膏，本身易溶嗰d會冇溶得咁勁，但唔係100%全防。

總括而言：我覺得ettusais轉branding後成個形象好咗好多，但product好唔好用係消費者會直接面對到嘅體感，今次收到嘅眼妝三件組入面有一支眼線液，一支睫毛膏同呢一支睫毛底膏。呢一支係三支入面唯一確定會回購嘅產品！！唯一希望佢個包裝可以再做得好d方便辨識🤦🏻‍♀️
見到佢地嘅廣告愈來愈靚嘅同時都寄望ettusais會喺產品設計上更進一步。