NIVEA

DERMA CARE科研 PHA煥膚柔嫩奇肌雙管精萃凝乳

- 試用程度：連續使用一星期，晚間沖涼後用於手腳，期間有戶外運動亦有全日留於冷氣房嘅狀態。平時手腳冇乾痕都唔會搽body lotion，手臂及大腿偶有毛囊角化。

- 容器：扭蓋雖然亮面但未算好留指紋，只係有時擠完手仲有殘餘cream時扭番去會有點跣手。
雙管設計，出咀都有分內外管，幾有趣。
管身上有標示最佳按壓位置，新開時按該位置會唔小心一下子擠太多，習慣後就可控制力度，但始終試用時間較短未知用到落底會不會仍然可按出。
未算好理解到分開內外管嘅用意，估計係formula限制或marketing噱頭。- 香味：搽開時有明顯香味，不過比起Nivea經典款乳霜淡了一半有多。

- 質地：外管好水，流動性超高到容易流走，類似韓牌蘆薈gel嗰種質地；內管係相對比較濃稠嘅乳液狀，推開後會有種潤潤的膜感，但唔會有種留咗層嘢喺皮膚表面嘅感覺。
兩種質地混合後overall係一個舒服嘅又水又潤嘅感覺，而且好快吸收唔會有笠/膜感。
幾適合夏天，因為搽完都仲係清清爽爽唔會焗身！- 效果：搽完當下嘅體感良好。使用幾日後發現膝頭/手肘位置有甩皮而且摸落乾乾的，估計係酸類成分抽得太乾😂 因為平時就算唔搽都好少乾到甩皮。撇開呢點唔提，適逢手腳試用嗰幾日時有點毛囊角化，用完後有覺得粒粒有撫平到，但未去到完全消滅嘅狀態，仍然會有紅印。
- 結論及建議：可能因為同時收到另一款嘅舒敏修護款唔適合我，呢一支感覺有對比下表現不俗。PHA款主打細緻光滑膚觸，的確係有交到功課👍🏼
但本人並非乾肌都會用到手肘/膝頭甩皮時，呢款感覺會比較適合大油肌嘅用家喺夏天使用； 但同時間佢又未去到可以完全消滅粒粒們，所以長期毛囊角化嘅用家又未必適合，但通常油肌又會容易起粒粒...佢嘅表現定位有少少尷尬，總結而言就係適合膚況穩定嘅油性肌膚偶爾使用🤔