b.glen

C精華液

感謝入選b.glen 試用產品活動！
係參加試用產品活動之前，其實我未聽過b.glen呢個牌子，但我對今次試用嘅産品有興趣，所以報名參加。
先講下「C精華液」嘅外觀，一個白色簡約嘅紙盒，前面寫住品牌 b.glen嘅名稱，左右會有日文同英文嘅成化表同其他注意事項，最貼心嘅位係後面會有使用方法嘅QR code俾你scan，咁就唔怕買到番嚟唔知點用個產品啦！
然後瓶身一樣係白色包裝，軟管式設計，精華液本身透明而且無味，流動性十分之強。我一開始用佢嘅時候以為會係杰身 少少，好似啫喱咁，但點知佢超強水，我一郁隻手佢即刻流落嚟。
佢上皮會有種熱熱地嘅感覺，推開佢會覺得有啲油，需要按摩一下，比少少時間佢吸收。要留意番我平時會係夜晚用，如果日頭用要記得搽防曬！
效果嘅話，我個人覺得皮膚無咩明顯嘅 變化，毛孔有收細少少但唔太明顯，亦都唔覺皮膚有變白到。我個人嚟講應該唔會回購佢，因為我唔太鍾意佢個質地咁油，我鍾意吸收得快啲嘅產品 ，而且有一次我無先用爽膚水就直接上佢，唔知係咪我皮膚太乾定點，有少少刺痛，吉吉地嘅感覺 ，所以我用完呢支應該唔會回購。