Kiehl's

金盞花植物精華爽膚水

今次有幸被抽中試用Kiehl's嘅金盞花植物精華爽膚水。係中等size，250ml嘅。瓶身係塑膠唔係玻璃，唔驚跌😂咁啱第一次準備用就手滑跌咗落地，如果瓶身係易碎材質，已經成樽報廢🤦‍♀️收到咁啱呢排落雨天潮濕焗熱，又嚟m，生咗幾粒暗瘡，肉眼可見紅紅地。繼而選擇用金盞花水濕敷，睇下可唔可以鎮靜返。打開密封蓋即時聞到一陣類似花茶味，同埋仲要係降火嘅花茶味😂冇其他奇奇怪怪嘅香精味，聞落好天然好有機。顏色係啲花茶涼茶咁啡啡地，同埋個樽入面都可以見到啲金盞花瓣。成面濕敷咗十分鐘，敷嗰下感覺暗瘡位有啲涼涼地，但係唔係好刺激嗰種薄荷涼，敷完可以睇到暗瘡冇咁泛紅，未去到完全唔紅，咁就會太恐怖對皮膚太刺激。另外，第二日感覺相對地出油少咗啲。相信如果塊面嘅狀態不佳，例如生暗瘡或者暴曬後泛紅刺痛，都可以試下濕敷塊面，等皮膚可以冷靜返，平時就係咁當爽膚水應該都可以幫助維持皮膚穩定。如果長期用落都係幫助穩定皮膚嘅，之後用完應該都會繼續回購同埋介紹俾朋友用。