b.glen

礦泥潔面乳

今次有機會試用嘅產品係B.glen 「礦泥潔面乳」，品牌包裝屬於簡約風格，左右兩側分別有日文及英文介紹產品成分及使用上要注意等事項，打開包裝後會見到洗面乳及說明書，說明書非常細心有各種語言,包括中文簡體繁體英文日文等。

B.glen「礦泥潔面乳」主要成分係天然礦泥粉(蒙脱土)，質地屬於軟身泥狀，顏色偏向灰色，無咩味道。

我朝早起身同埋夜晚卸妝之後都會使用，使用份量係一粒車厘子咁多就夠，因為無添加起泡所需要嘅成分，所以唔會點出現泡泡，好易洗乾淨，洗臉後亦無即時感到乾燥同繃緊。

我自己以前鐘意用容易起泡嘅潔面產品，覺得有泡泡洗得乾淨D, 但其實太強嘅清潔力反而會令到皮膚必要嘅油分無左，變左一洗完臉就會又乾又繃緊仲易敏感。所以近哩幾年我都鐘意用無唔起泡嘅潔面用品。

而B.glen 「礦泥潔面乳」主要成分係天然礦泥粉(蒙脱土)加上無添加起泡所需要嘅成分，無論質地抑或使用感覺都好温和，但即使温和都有一定嘅清潔力同時又可以做到保濕，使用近2星期覺得粉刺黑頭無咁多，感覺幾好，係之後會考慮回購嘅產品。