b.glen

礦泥潔面乳

感謝入選試用b.glen礦泥潔面乳💚

試用依個產品前，早已聽聞過依款潔面乳非常受歡迎，亦有不少好評。
但遲遲都未有去買返黎試用，可能對佢有啲先入為主，經常覺得礦泥成份嘅洗潔面產品用完後會好乾。所以，冬天偏乾性皮膚嘅我更加唔會選擇冬天時用礦泥成份嘅潔面產品。

機緣巧合之下，最近見到@cosme 免費體驗活動，抱住嘗試嘅心態。

質地：綠色膠狀乳液，滑身好易推開。主打溫和配方&成份，所以唔會起泡。
香味：無添加香味，好淡天然礦泥味&舒服嘅
包裝外觀：不得不讚依支包裝！軟身牙膏裝，容易按壓，用到最後都輕易按壓。非常細心💕

洗面後，即時面仔比較柔軟，毫無繃緊感覺。而且，清潔力不錯，有提亮效果！✨
即使冬天用都唔會乾燥添～
因為除咗蒙脫土之外，有好多唔同嘅保濕成份，例如角鯊烷，洋甘菊提取物&透明質酸等，提升返保濕度。
四季都用得，CP值非常高👍
無諗過原來乾肌都可以用到礦泥產品😜
即使冬天都要間中做一次深層清潔/去角質喔🧹
才可以預防/減少黑頭粉刺🤭

✨小建議：
雖則依支礦泥潔面乳屬溫和性質嘅潔面產品，但因應返香港天氣及當時季節性肌膚去使用。

例如：
我本人春夏季屬混合偏乾肌，秋冬季屬乾肌。
春夏每天都可以用，秋冬非常乾燥日子就會停用，但天氣較潮濕時都會用返。