MUJI

導入精華液

首先要讚吓呢款導入液有3個size，
分別係50、200同400毫升，
無論係嘗鮮、旅行、定囤貨都總有一個size啱你！
佢係無色無香料、有微微黏度嘅水狀，
拍上塊臉度會聞到輕微酒精味，
但唔會刺鼻或者刺痛。
雖然有少少黏但佢吸收得幾快，
感覺皮膚有即刻潤咗同平滑咗。
因為正在試韓國嘅「三水法」，
我會將佢當成第一層水，
用完之後再拍雪肌精嘅藥用美白化妝水，
觀察到如果有先用導入液嘅話，
雪肌精嘅水滴係冇咁易「霹靂啪嘞」滴曬落嚟，
我會形容呢款導入液嘅功能好似透明質酸咁，
佢自己未必含有大量水分，
但佢可以幫助捉住水分，
令皮膚更容易維持濕度同吸收護膚成分！
我係先買咗50毫升裝嚟試用，
覺得用完之後皮膚平滑度同光澤度都有提升，
所以已經回購咗400毫升裝！
如無意外會一直回購落去，
話曬又平又有效嘅導入產品喺市面上真係好難搵到替代品，
無印良品呢款導入液真係良心之選！