HELENA RUBINSTEIN

REPLASTY 修復晚霜 (黑繃帶晚霜)

今次有幸抽到@cosme試用Helena Rubinstein 嘅REPLASTY修復晚霜，俗稱黑繃帶晚霜。


用黑繃帶晚霜之前，已經連續用左7日小露珠，皮膚已經由乾到會甩皮轉變成洗完面肌膚都仲安好，唔會崩緊😛而黑崩帶晚霜，質地唔係油，有啲matte嘅感覺
易推開

我用嘅方法係每晚拎適當份量放手心，加幾滴小露珠混合加熱，由額頭向下，輕按面部到頸，喺雙頰同額頭揉壓。
搽完成塊面一啲都唔油膩，而真係好似用塊布包住咗全面咁。

而因為近排天氣時冷時熱，轉涼嗰幾日得十幾度，我都有開住暖爐瞓，其實都有小小擔心會被抽乾水份，第二朝起身臉會好乾。
不過用咗黑繃帶晚霜又無呢個擔心嘅情況出現。
而潮濕大霧嗰幾日，起身塊面又無黏笠笠，感覺唔錯。

呢點係喺我身上最明顯改善嘅地方。

不過減淡細紋皺紋嘅效果方面，喺我身上就唔太明顯啦。