VICHY

Mineral 89 火山礦物能量精華

我自己呢支係75mL嘅特大版，
購自英國網站Escentual。
佢嘅外形非常吸引人，
漸變色玻璃樽身+少量透明氣泡望落好清新。
精華本體係透明、偏啫哩狀，
因為冇加香精所以有陣淡淡玻尿酸產品常見嘅化學味道，
搽上臉之後吸收速度好快，
大約一泵半至兩泵左右就足以搽勻全臉。
按摩後皮膚會有飲飽水嘅感覺，
望落亦見到毛孔因爲水潤而變細咗！
雖然佢定位係一支前導精華，
但我會當佢係保濕精華嚟用，
表現好好！
用耐咗覺得佢令皮膚保濕度同穩定度都明顯提高！
有特價嘅時候真係好平又襟用，
絕對會考慮回購！