Sasatinnie

玻尿酸保濕面膜

之前喺threads見有人講好好用，又話內地人落嚟特登要搵嚟買，我就忍唔住買黎試。 ✅精華充足 佢袋入面嘅精華好多，我諗如果用嚟碌導入機應該會幾好用，可惜我冇，所以最多係拎嚟搽埋身。 面膜紙剪裁都ok貼面唔易爛，形狀就人夾人，對於我黎講係鼻位唔夠長敷唔到個鼻頭。 至於效果方面，佢聲稱保濕同明亮，我就就住呢兩方面講。保濕方面，佢敷住嗰下就保濕，敷完啲留低嘅精華按摩好耐都唔會完全吸收，我都係要用濕布印走多餘精華同埋面嗰層嘅痴笠笠。印完叫比未敷嗰陣潤少少塊面滑溜溜，所以係覺得有效果嘅，但第二朝用清水洗完面就打回原形。 至於亮白，我覺得係有少少退紅效果，睇落會好似白咗，但咁短時間都係冇可能真正令膚色變白，有機會連續用一段時間先會有效果。附上before and after 有個位要注意係，如果敷完有精華積留喺髮際邊記得抹走，我冇留意到第二日就喺邊邊生暗瘡喇。

呢款自家品牌面膜出到第三代，一塊有成40ml精華，入面係纖維面膜，精華好多已經係面膜到，不過睇落好多泡泡，面膜大小剛好、好貼面，我羅左導入機等皮膚快啲吸收，20分鐘都仲有好多精華剩，羅黎搽下手腳，用完保濕水潤、有彈性同光澤左

超正的保濕效果，滿滿嘅精華，對缺水肌膚好友好，敷完明顯毛孔脹卜卜，而且充滿光澤感，效果持久。

面膜有40 mL精華，超多超多！我係會用剩低嘅精華敷埋頸同埋啲比較粗糙嘅地方！唔好浪費咗佢呢片咁多精華嘅面膜～講返面膜，敷完出嚟係好水潤，呢排成日外出工作曬得多，油脂分泌比較勁又熱，所以面本身都有啲紅同埋毛孔擴張。用完之後，我覺得我塊面冇再泛紅，仲有啲提亮皮膚嘅感覺，毛孔有見得到嘅收細咗，唔錯唔錯！

保濕型的面膜，面膜精華質地比較黏稠，但面膜相對比較貼臉，可以敷到大部分位置，剩下的精華可以塗上臉，在配合導入機使用幫助吸收。

🌟非常貼臉，精華液超多 🌟包裝說敷20分鐘，不小心敷了30分鐘仍然未乾透，敷完臉可以敷一陣頸 🌟敷完皮膚回彈，保濕都可以，可以間中做的保養

保濕型面膜，面膜紙較薄，但好貼面。 含量40g精華，質地比較傑身，精華液和面膜都很多泡泡🫧？剩餘的精華都足夠敷頸或手腳，但保濕效果一般，敷完後要洗面。

精華好多 用剩既可以配合新既面膜紙第日再敷 敷完面膜都幾吸夠水份

超濃厚既滋潤感，皮膚好乾既時候可以集中做補水保濕，同埋啲精華含量極多，用完再搽面搽身都足夠有突，抵用

呢款面膜嘅保濕效果都算出色，我好鍾意妝前用，用完化妝勁貼服，我會回購