OLAY

新生高效緊緻護膚霜 (Super Cream)

先講下本人膚質混合性，T字位會出油，但兩邊面比較乾。本身個額頭細紋比較比顯，鼻兩邊有較深法令紋，最想改善呢兩個問題；至於其他肌膚問題不大，但想收下鼻頭同鼻側到臉頰嘅毛孔。見到OLAY呢隻面霜可以促進膠原增生，所以都好吸引。

使用14日左右，每日朝早同夜晚用佢做最後嘅面霜，最feel到嘅係面部整體係潤左，特別係最近天氣好乾，但塊面都keep到潤滑；同埋用完之後額頭乾紋真係淡左，變得無咁明顯☺️

法令紋就未觀察到有明顯變化，但相信用耐啲會見效。

使用過程方面，隻面霜雖然滋潤，但其實好好推同易吸收，用完塊面有微微保濕感但都仲係清爽的，唔會有好焗嘅感覺，以本人膚質嚟講，我就覺得春夏秋冬都啱用。性價比唔錯👍🏻用完應該都會回購。